သံတော်ဆင့်

စစ်တပ်ရှိလို့သာ တိုင်းပြည်တဝက် ငြိမ်းချမ်းတာပါ။ ခု စစ်တပ်မရှိတဲ့ မြို့တွေမှာ ဘယ်ဥပဒေတွေ သက်ရောက်မှု ရှိနေသလဲ ဆိုတာ ကြားပြည်သူတွေ  ပြန်စဉ်း‌စားပေါ့။ အညာမှာ စစ်တပ်မရှိတဲ့အခါ သေနတ်ကိုင်တဲ့ ပအဖကို ပြည်သူက အခွန်ဆောင်ရတယ်မလား။

စစ်တပ်ပဲ အုပ်ချုပ်အုပ်ချုပ်၊ အရပ်သား တပိုင်း အစိုးရကပဲ အုပ်ချုပ် အုပ်ချုပ် ပြည်သူ့ဆီက အခွန်ကို စာရင်းစစ်ချုပ် ဆိုတာတွေနဲ့ ဘတ်ဂျက်တွေ အစစ်ဆေး ခံရတာပါ။ ဥပဒေမဲ့ လက်နက်ကိုင်ပြီး အခွန်ကောက်လို့မရပါဘူး။ တရားဝင်တပ်မတော်နဲ့ လူမျိုးရေး အကြောင်းပြပြီး ဖွဲ့စည်းထားတဲ့ လက်နက်ကိုင် တွေဟာ တာဝန်ယူမှုနဲ့ တာဝန်ခံမှုက အတိုင်းအဆ မရှိကွာခြားပါတယ်။

မြန်မာ နိုင်ငံမှာ ရှိတဲ့ ဘယ်တိုင်းရင်းသား လက်နက်ကိုင်မှ ဥပဒေ နဲ့ ဖွဲ့စည်းထားတာ မရှိပါဘူး။ ROE လည်း မလိုက်နာကြပါဘူး။ ခုလက်ရှိ AA အနေနဲ့ ရခိုင်မှာ ဘင် တွေကို တရားမဲ့ သတ်တာ တွေ ရှိတာ။ ဒါပေမဲ့ တရားဝင် လက်နက်ကိုင်မဟုတ်တော့ လူသတ်နေပါတယ် ပဲ ပြောလို့ရပါတယ်။


ဘယ်နိုင်ငံတကာမှ ထိထိရောက်ရောက် မပြောပါဘူး။ မပြောဘူးဆိုတာက ဒီလက်နက်ကိုင်တွေဟာ လက်နက်ကိုင်ပြီး အစိုးရ ယန္တရားကို ဖျက်ဆီးနေတဲ့ သူပုန်တွေ ဆိုတာ နိုင်ငံတကာက သိပါတယ်။ ခုမှသာ တပ်မတော်က ငြိမ်းချမ်းရေး အကြောင်းပြပြီး တဆင့်လျော့လိုက်လို့၊ တိုင်းရင်းသား လက်နက်ကိုင် EAO ဆိုပြီး လျှာရိုးမရှိ သုံးနေကြတာပါ။ EAO ဆိုတာ လက်နက်ကိုင်တဲ့ တိုင်းရင်းသားတိုင်း သုံးနှုန်းခွင့်မရှိတဲ့ စကားလုံးဆိုတာကို သဘောမပေါက်ကြတာလည်း ပါပါလိမ့်မယ်။


ဖြစ်စဉ်တွေကို လေ့လာကြည့်ရင်....ဝ ဒေသမှာ ပြည်သူပိုင် မြေကွက်ကို အဓမ္မ ဝင်သိမ်းတာ ရှိတယ်။  မတရား ခံရပေမယ့် ဘာမှ ပြောလို့မရပါဘူး။ တရားစွဲလို့လည်း  မရပါဘူး။ ရှမ်း အမျိုးသမီး ကောင်မလေးနဲ့ပတ်သက်ပြီး MNDAA တပ်ဖွဲ့ဝင် ၂ ဦး ပတ်ခတ်မှု ဖြစ်တယ်။ မဆိုင်တဲ့ ကြားထဲက ကောင်မလေးက လူသတ်မှု ဖြစ်စေတဲ့ သူပါဆိုပြီး MNDAA က အကြောင်းမဲ့  ဖမ်းထားတယ်။ လက်နက်ကိုင်တွေမှာ ဥပဒေ မရှိလို့ပါပဲ။

လက်ရှိ TNLA ပစ်ခတ်လိုက်လို့ KIA ၂ ယောက်၊  ပြည်သူ ၂ ယောက် သေပါပြီ။ ဘယ်အဖွဲ့ကမှ တရားဥပဒေ အတိုင်း မဆောင်ရွက်နိုင်ပါဘူး။ ယုတ်စွ အဆုံး ပစ်တဲ့သူကို ဖမ်းဆီး အပြစ်ပေးရုံထက်ပိုမလုပ်ပါဘူး။

ဒါက တိုင်းရင်းသား လက်နက်ကိုင်တွေနဲ့ တပ်မတော်ကြားက ကွာခြားချက်ပါ။


(နရီမိုး)

တပ်ချုပ်ကြီးရဲ့ မော်စကို ခရီးစဉ် အောင်မြင်သလား


ဒီခရီးစဉ်ကို စဆွဲတဲ့သူတွေရဲ့ အမျှော်အမြင်ကြီးမားတဲ့ အထဲမှာ မီဒီယာကို နေရာ တစ်ခု ပေးခဲ့တာက ခုလို အသီးအပွင့် ခံစားရတယ်လို့ပဲ ညွှန်းပါရစေ။ နောင်လည်း အလားတူ ဆောင်ရွက်နိုင်ပါစေ။

အရေးကြီးဆုံးက ပူတင်နဲ့ တွေ့ဆုံနိုင်ခဲ့တဲ့ အကျိုးအမြတ်ပါ။ နှစ်ဦးတွေ့ဆုံတယ်ဆိုတာ ဒီပလိုမက်တစ်အရ အမြင့်ဆုံး Role ပါ။ ဒါကို တရုတ်အပါအဝင်  နိုင်ငံတကာက ကြည့်နေတာပါ။ စီးပွားရေး ဖိုရမ်ကို မော်စကိုနဲ့ ဘီလာရုဇ်မှာ လုပ်နိုင်ခဲ့ပါတယ်။ တက်ရောက်တဲ့ လုပ်ငန်းရှင်ပေါင်း ရာကျော်ရှိသလို ပူးတွဲ သတင်းစာရှင်းလင်းပွဲမှာ လက်မှတ်ထိုးနိုင်ခဲ့တဲ့ MoU ၁၀ ချက်က ဒီခရီးစဉ်ရဲ့ အသက်ပါ။

ထားဝယ်ရေနက်စီမံကိန်းနဲ့ နျူကလီးယားလျှပ်စစ်ဓာတ်အားပေး စက်ရုံ တည်ဆောက်မှုက မြန်မာနိုင်ငံရဲ့ အနာဂတ် စီးပွားရေး ခြေလှမ်းအစပါ။ အောင်မြင်ခဲ့ရင်အာဆီယံကပါ လ ခ ရမယ့်အနေအထားပါ။ အကြိမ်ပေါင်းများစွာ ရေးခဲ့ပြီးပါပြီ။ ဘယ်နိုင်ငံမှ တင်းမခံပါဘူး။ အကျိုးစီးပွားပါလာရင် အကုန် ပြေးလာပါလိမ့်မယ်။


မေ လမှာ ကျင်းပမယ့် ရင်ပြင်နီအခမ်းအနားမှာ တပ်မတော် စစ်ရေးပြ အဖွဲ့ ၁ ဖွဲ့ စစ်ချီတက်ဖို့လည်း ဖိတ်ခေါ်ခံရပါတယ်။ ဒါက ပူတင် အပြင် ကာကွယ်ရေးနဲ့ပါ ဆက်ဆံရေးကောင်း အရမ်းရှိတာ ပေါ် လွင်ပါတယ်။ နောက်တစ်ခါ ရုရှားမှာ ၂ နှစ်တကြိမ်ကျင်းပတဲ့ Air Show နဲ့ပါ တိုက်ဆိုင်ရင် စစ်လက်နက်တွေကိုပါ လမ်းကြုံ ကြည့်နိုင်တဲ့ အခွင့်အရေးပါ။

ကောင်စစ်ဝန်ရုံး ၂ ရုံးကို ခရီးစဉ် တစ်ခုတည်းမှာ ဖွင့်နိုင်ခဲ့တာ အကြီးမားဆုံး အလုပ်ပြီးစီးမှုတစ်ခုပါ။ စစ်ဖြစ်နေတဲ့ ယူကရိန်း နယ်စပ်၊ ဘီလာရုဇ်ဆီကို အကြောင်းမဲ့ သွားတာ မဟုတ်ပါဘူး။ ဒီလောက်ဆို ခန့်မှန်းလို့ရမယ်ထင်ပါတယ်။ ဒူမားလွှတ်တော် ဥက္ကဋ္ဌတွေရဲ့ အခန်း ကဏ္ဍဟာ ရွေးကောက်ပွဲကို တစ်မျိုးတစ်ဖုံ အကာအကွယ်နဲ့ အထောက်အပံ့ပေးပါလိမ့်မယ်။ UEC အဖွဲ့တွေနဲ့ လေ့လာရေးအဖွဲ့တွေ ဒူမားကို လေ့လာနိုင်မယ်ဆိုတဲ့ သဘောပါ။

ခင်ဗျားတို့ သုံးသပ်ကြည့်။ မော်စကို ခရီးစဉ်က နိုင်ငံတော်နဲ့ တပ်မတော်အတွက် အကျိုးရှိမရှိ။ ဒါတောင် အကန့်လိုက် ခွဲလုပ်ခဲ့တဲ့ သီးခြား အစီအစဉ်တွေ မပါသေးပါဘူး။


(နရီမိုး)