#متابعه_للحساب

كنت فاكرة ان الانسان العظيم بس
إللى بياثر فى الملايين
صاحب الكلمه المسموعه
صاحب الفكر و إللى ناس له متبوعه

زعيم و قائد و صاحب همه مرفوعه

كل دول ناس عظماء مافيش كلام

لكن بعد السنين إللى عشتها و شوفت ناس كتير

لقيت الإنسان العظيم و الرائع

إللى بيحس بالناس إللى حواليه
بيخدمهم فعلا و مافيش حاجه فى نفسه انه يوصلها غير رضا ربنا

انسان جميل لا يحمل فى نفسه اى هم بيشتغل على قدر جهده و همه بس رضا ربه عليه

مش لازم تغير الكون من اوله لأخره

لكن كفايه تغير نفسك و يكون ليك أثر فى إللى حواليك

مش لازم تطلع القمر علشان تكون عملت إنجاز

لكن انك تهدى الناس و تفرحهم بنور القمر ممكن يكون اعظم إنجاز

ناس جميله بتعامل ربنا فى معاملتها للناس

فعلا إللى بيبقى السيره الطيبه بين الناس

خليك ذا أثر فى قلوب الناس علشان لما نمشى يقولوا الله يرحمه كان نسمه بترطب أيام الناس

#كن_ذا_اثر

#ريهام_محمود

💕كلماتى كتبتها بكل الحب فضلا لا تمحى اسمى عند النقل 💕