***
Я люблю їсти пікницю у смак,
Типирькы, зараз и май пак.
У будївлцї файно прōбужену,
Смажену, авадь сыру, солену.

Но як минї ї, люди, ни любити?
Ōна ми пораз годна ся й приснити.
Ож пōй, узьми ня, та изїш дараб,
Та так ї ім, ги кōй французы жаб.

У всякі стравы ōна ся фест парує,
Чудесный аромат, чиляде, дарує.
Но я май люблю бужену си, сыру,
Ріжу на дарабчикы, ги сяту дōру.

Топит ся у рōтї так, ги чōколада,
Й кидь бы была пікницї в ня лада,
Убы'м хōть нарас приступ си дӯстав
Но я бы скоро всю ї схосновав!

М.Чикивдя