***
Такый типирькы світ настав,
Куды ся лиш ни убиртати:
Туй каждый свӯй, авадь чужый,
За тебе вшитко хоче знати.

И дїточкы ни йдут до бабы,
Бо намастит на скыбку масть,
Ай адде пінзїя їй была,
Та точно хōть по двіста дасть.

Типирькы муры тай цубатя,
Иржавый тот пустый капот,
Май цїнят ся, ги кōй чилядня,
Май цїнят ся, ги кōй живот.

Єден си думат, ож рōзумный,
А пиля нього всї дурнї.
А другый гамішный, противный,
Як надōїли вы минї.

Я сьому трывати ни годен,
И пораз в голос забōгув.
Кобы ня грішного из Неба,
Тоды лише Господь ни чув.

М.Чикивдя