အခုတင်ဆက်ပေးမှာကတော့ မထွက်ခင်ကတည်းက မျှော်နေကြတဲ့ ကိုကို Luo Yun Xi ရဲ့ကားသစ်လေးပါ။ လျှို့ဝှက်စုံစမ်းတဲ့ဇာတ်ကောင်တွေနဲ့ လိုက်ဖက်လွန်းလှတဲ့ Luo Yun Xi ကို ဒီကားမှာလည်း အဲဒီဇာတ်ကောင်နဲ့ပဲ မြင်တွေ့ရဦးမှာပါ။

ဇာတ်လမ်းက နန်းရေးနန်းရာတွေရဲ့နောက်ကွယ်က မသမာမှုတွေကိုစုံစမ်းကြမှာမို့ Plot ကတော့ ကောင်းချက် 9+ ပါပဲ သာ့ကျားရေ။ ဒီကားထဲမှာ Luo Yun Xi နဲ့အတူ Alen Fang နဲ့ Shen Yu Jie တို့ကလည်း ပါဝင်အားဖြည့်ထားကြပါတယ်။

ဇာတ်လမ်းအညွှန်း >>>

သခင်ကြီးချင်းယန်ဟာ ရာဇပလ္လင်နောက်ကွယ်က စက္ကူမီးအိမ်လို လျှို့ဝှက်ဆန်းကြယ်လှတဲ့ စတုတ္ထမင်းသားသေဆုံးမှုရဲ့အမှန်တရားကို ဖော်ထုတ်ဖို့အတွက် နန်းတွင်းစုံစမ်းစစ်ဆေးရေးဌာနထဲကို မရမကထိုးဖောက်ဝင်ရောက်ဖို့ လီစစ်ဆိုတဲ့နာမည်တုကို အသုံးပြုခဲ့ပါတယ်။

အဲဒီဌာနမှာပဲ လီစစ်ဟာ အေးစက်စက်နိုင်လှပေမဲ့ အင်ပါယာတစ်ခုလုံးမှာ အတော်ဆုံးမှုခင်း‌ဆေးပညာရှင်ဖြစ်တဲ့ ပိုင်ကျန်းကျူး၊ အတိတ်က နက်ရှိုင်းလှတဲ့လက်စားချေချင်စိတ်ကို ရင်မှာပိုက်ထားပြီး သိုင်းပညာထက်မြက်တဲ့ မုံ့ရွေ့တို့နဲ့ ဆုံတွေ့ခဲ့ပါတော့တယ်။

သူတို့သုံးယောက်ဟာ နတ်ဘုရားစုံထောက်ဆိုတဲ့အဖွဲ့ကို အခိုင်အမာထူထောင်ပြီး အန္တရာယ်ပေါင်းစုံကို အတူတကွရင်ဆိုင်ကာ ပုန်းကွယ်နေတဲ့လျှို့ဝှက်ချက်တွေကိုဖော်ထုတ်ရင်း အင်ပါယာကိုလှုပ်ခါစေခဲ့တဲ့ ပဟေဠိအမှုကြီးရှစ်ခုကိုပါ စုံစမ်းဖော်ထုတ်သွားဖို့ ပြင်ဆင်ကြပါတော့တယ်။

ဒီစီးရီးလေးက နန်းရေးနန်းရာနောက်ခံဖြစ်သလို ဇာတ်ကောင်သုံးဦးရဲ့ Trio Chemistry ကြောင့် အတော်လေးလည်းစိတ်လှုပ်ရှားရမဲ့အပြင် အမှုကြီး (၈) ခုကို အဆင့်ဆင့်ဖြေရှင်းကြမဲ့ Plot မျိုးမို့ Mystery Drama ကြိုက်သူတွေအတွက် တစ်ပိုင်းမှ လက်မလွှတ်တမ်းကြည့်ရှုရမဲ့ဇာတ်လမ်း‌လေးပါပဲနော်။