Tungi Faylasuf

Prezidentimiz bilan uchrashuv va muloqot🚀🚀🚀

Kecha 27-Dekabr yangi yilga 4kun qolganida zamonaviy har qanday insonning ta'lim bilan bog'liq orzusi bo'la oladigan Muhammad Al-Xorazmiy Axborot Texnologiyalari maktabi ochilish marosimi va Prezidentimizning yoshlar bilan uchrashuvidagi emotsiyalarimni hozir tungi soatlarda hazm qilayapman)

2-Qatordan taklifnoma berishti, yaqindan bor diqqatim bilan Prezidentimizning yoshlarga murojaati, nutqini tinglayapman, Shu yerda pauza: Facebookda do'stlarim qatoridagilar bilishadiki Startuplar bo'yicha yozib turaman va Startupmarket loyihasining muallifiman.Doimo Soliqchimi, Birdarchami "Startap deganing nima u?" deb savol berardi, ming tushuntiring qonunda yo'qmi, tamom!
Prezidentimizning nutqlarida sizlar bilan muloqot qilmoqchiman degan gaplarini uchrashuv boshida eshitganman va taklif sifatida "startuplar to'g'risida qonun qabul qilaylik, bu O'zbekiston Startuplar ekotizimining asosi bo'lib xizmat qiladi" demoqchi edim.Eshitib tursam Prezidentning o'zlari aynan Startuplar bo'yicha qonun qabul qilishimiz shart, Ilg'or davlat tajribasidan kelib chiqib deganlarida quyoshdek porlabman, chetdan kuzatganlarning aytishicha) Va o'sha momentdan o'z fikrimni/munosabatimni bildiraman deb maqsad qildim.Nutqlari yakuniga yetishi bilan kimni taklifi, savoli bor deyishlari bilan qo'limni ko'tarib tezda e'tiborlarini tortishga harakat qildim.Kulib qaradilarda marhamat dedilar, keyingi gaplarim esa yurakdan chiqgan gaplar, The Economist ham, Startuplar to'g'risidagi qonun to'g'risidagi fikrim ham, qilayotgan ishim to'g'risidagi gaplarim, oldimga qo'ygan maqsadim va nihoyat Prezidentimizga aytmoqchi bo'lgan fikrim "O'zbekistonni har taraflama eng rivojlangan davlatlar qatoriga qo'shish yo'lida biz yoshlar siz bilanmiz, biz sizning jamoangizdamiz" ham yurakdan chiqdi.
Bilmadim bu gaplarning qadrini faqatgina kaminani taniydigan va samimiylikni qadrlaydiganlar tushunishsa kerak.

Prezidentimiz bilan bo'lgan 6-7daqiqalik suhbatda Prezident startup loyihalarni qo'llab-quvvatlashlarini, loyihamizga ham ishonishlarini bildirdilar.Bu katta ishonch va ma'suliyat.

Prezidentimiz bilan uchrashuvda qandaydir rasmiylikni sezmadim haqiqiy samimiy inson bilan muloqotda bo'ldim.

Uchrashuvda kaminadan keyin 10-11 ta boshqa yoshlar ham o'z takliflarini prezidentga aytishdi, ijodkorlar o'zlarining kayfiyatlarini o'z uslublarida yetkazishdi.

Minuslar deb aytilayotgan uchrashuv joyida vintilatsiyaning talab darajasida ishlamagani, Ichimlik suvi bilan ta'minlanmagani, uchrashuv vaqtida o'zgarish bo'lganining birontasi shaxsan menga ruhiy ta'sir qilmadi, bu holatlar keyingi uchrashuvlarda bo'lmasa albatta barchaga yaxshi bo'lardi.So'zga chiqganlar yuzasidan subyektiv fikr bildirmayman, obyektiv olinganda barchada bir xil imkoniyat bor edi va barcha o'z darajasida ushbu imkoniyatdan foydalandi.Kim o'z vaqtida qo'lini ko'tarib fikrini bildirishga ulgirgan bo'lsa, ulgirdi, 400 ta insonni bir uchrashuvda eshitish qiyin, shu sababli ham takliflaringizni Sadullaev Alisher orqali beringlar menga deb takror aytdilar.

Nutqimda ham aytganimdek 2020yil kirib kelishi oldidan davlat rahbari - prezident bilan uchrashuv yaxshigina va anchaga yetadigan motivatsiya bo'ldi💪💪💪💪💪

Shundoq ham energiyaga to'lib turgan vaqtimizda Prezident oldingi qator oldidan yurib o'tib yoshlarni qo'lini siqib, har bir yoshning ko'ziga qarab yanada ko'proq energiya berdilar.Mening navbatim kelganida "Birgalikda ishlaymiz" deganlari bir umrga esimda qolsa kerak.

Shu kunlarga yetqazganinga shukur🙏🙏🙏

P.S. Rasm youtubedan screenshot olingan, sifatli vizual materiallarni kutib turolmadim)

Hammasi joyida.
Abramov Hamrobekovni Masharipov o'rniga tushurgani va chiziqlarni o'z darbozasi tomon yaqinlashtirib, pressingni pasaytirgani aybi bo'lgani, darbozabonlar murabbiyi Eldor Suyunov bilan ko'proq pozitsiya bo'yicha ishlashi kerakligi (3-gol Suyunovning aybi) Muxlislar ham jamoaga mos bo'lib hoviri tushib qolmasdan Enfield atmosferasidan o'rnak olishi kerakligini bilib oldi.

Buyam bir dars.
Yapon hakamlari qachon bo'lsa bizni o'yinlarda nimalarnidir ko'rmay qolishlari, xato ko'rishlariga, oxirida gol o'tkazib qo'yishimizdek ko'nikib bo'lganmiz.Lekin hakamni aybdor qilishgacha qolmasligi kerak edi o'yinimiz.

Abramovda hammasini bir o'yin avvalgidek qilish imioniyati bor, Saudiyaga boramiz va ularni yer tishlatamiz.Hech bo'lmaganda 2ta vaziyatdan bittasini golga aylantiramiz, standartlar bo'yicha ishlaymiz (M.Qosimov jamoada jarimalarni golga aylantirish bo'yicha murabbiy bo'lsa Nima qilarkana?) Bugungi o'yinda momentlar ko'p bo'ldi, lekin ko'kka sovurdik, sovurdik, keyin exx o'sha vaziyatlar gol bo'lgandami Deb yurish uchun.

Abramovga va hozirgi jamoaga ishonaman!
Hali yana 4-bosqichga chiqish vazifasi, undan keyin JCH ga chiqish uzoq yo'l.
Qo'llab-quvvatlash yurakdan bo'lishi kerak men sizga aytsam, 40-50% atrofdagilarga maynavozchilik kerak, "Bilgandik" "Ko'nikib qolganmiz" "Biznikilar odam bo'lmaydi" "Saudiyami a ularga aniq yutqazamiz" "Biznikilar sharmanda" degan o'zini "zo'r" ko'rsatadigan gaplar kerak.

Haqiqiy muxlislarning bugun yuragi og'ridi, jamoa harakat qilib, yaxshi o'ynab baribir yutqazdi.To'liq stadion xafa bo'lib ketdi.Lekin bu siz ham bo'lmasdi, Vadim Abramov Hali jamoani 100% imkoniyatidan foydalangani yo'q va hali foydalanishni bilmaydi, o'rganadi, isbotlaydi.

Do'stlar prikollar bir olam, so'kishlar bir tonna, lekin jamoamizga ishonishda ularni ruhan qo'llab-quvvatlashda davom etaylik.Qo'limizdan kelgani ham shuku aslida.Yo ichimizda Shomadan kuchli hujumchi, Jaloldan yaxshi driblingli, Shukurovdek havbeklar bormi?

Aytgancha Anzur bratning o'rinlari bilindi.

O'zbekiston milliy terma jamoasi, kamina yutqazsang ham yutsang ham seni yaxshi ko'radi va muxlislik qiladi.Biz sen bilan!

#Bu_ham_bir_dars