"Мен бирон бир дўстимни расмий лавозимга тайинламаганман ҳам, бундай бўлмайди ҳам. Чунки бу келажакда кўплаб ришталарнинг узилишига олиб келади. Ҳокимият бошқа, дўстлар бошқа. Мен бундай бўлишини истамайман”, дебди Украина президенти Владимир Зеленский.

Бу ҳолатга фикрим жуда салбий. Зеленский паст экансан, жуда паст. А босмайсанми давринг келганда? Бор-йўғи 5, 10 йил президент бўласан ёки йўқ. Дўстларинг, қариндошларингни ҳоким, вазирликларга, ёғли жойларга тарқатиб ташламайсанми? Улар сенга дипломатларда Бенжамин - кал акадан жўнатиб турмайдими? Катта мажлисларда ўрнидан тургизиб, типа адолат бордек сўкиб-сўкиб ташламайсанми? Кейин ёрдамчингга "Вася" тел қилдириб, ошна энди бу политика шунақа қилиб турмасанг бўлмайди деворардинг.

Алоҳида қолганда дўстларинг билан эсингдами ёшлигимиз деб эски украин классикаларидан мазза қилиб эшитиб ўтирардинг. Коррупцияга "қарши" курашамиз деб майда қурбонларни бериб турсанг, бу халқ "оооо боплади" деб турса бўлдида. Яна сенга нима керак? Эртага қариганингда, пенсияда чойхонага бориб ошналарингни юзига қандай қарайсан, эгоист? Шамалақ ҳам бермайдинг-а паст деб сўрашса нима дейсан? Клан қилиб ташламайсанми, клан. Эҳ Зеленский нималар қиляпсан ўзи?

Kаналга уланинг:👇👇👇
https://t.me/zafarbeksolijonov