Umida ssenarist

📅 27.07.2024. Najot Ta’lim.
Ustoz Odinaxon Muhammad Sodiq bilan suhbatdan xulosalar

Ustozning bir gaplari juda o’ylantirib qo’ydi: “Kifoya bilan qoniqmayapmiz”

1 narsa bilan qorin to’ysa ham, biz 5 ta yeyapmiz. Hech kim majburlamayapti, o‘zimiz kifoya miqdorini oshiryapmiz.

Balki aynan shu sababli, bugun eng ko’p takrorlaydigan iboramiz (iboram) : “Vaqtim yetmayapti” - bo’lib qolgandir.

-Ulamolar nega ulamo bo’lishgan?
-Vaqtlarini tartiblay olishgani va uni g'animat bilishgani uchun

Xo’p, biz nimadan boshlaymiz?

Har qanday narsaga yondashishdan oldin uni xususiyatlarini o’rganishimiz kerak.

Kiyimga bo’lgan munosabatimiz uni xususiyatlarini bilgan miqdorimizgacha. Kiyim yonish xususiyatiga ega, buni bilganimiz uchun ham, biz uni olovda quritmaymiz

Vaqtda ham shunday, uni tartiblash, to’g’ri taqsimlash uchun xususiyatlarini bilishimiz lozim.

1️⃣-xususiyati - vaqt orqaga qaytmaydi. Yig’lasangiz ham, yolvorsangiz ham

2️⃣-xususiyati - u tez o’tadi. 80 yoshli buvidan biron voqeani so’rasangiz, kechagina, - deb gapiradilar.

Rivoyatlarda aytilishicha Nuh alayhissalom 1000 yil yashaganlar. Ulardan hayotni nimaga taqqoslashlarini so’rashganida: “Men umrni ikki eshigi bor uyga o’xshatdim. Biridan kirib, ikkinchisidan chiqib ketyapman”, - degan ekanlar

3️⃣-xususiyati - vaqt cheklangan va uni qayerda cheklanganini biz bilmaymiz.

Bejizga u: «Ey odam bolasi sen kunlardan iborat. Sening kuning bugun, nima qilsang, qilib qol”, - deya nido qilmagan

4️⃣-xususiyati - vaqt eng qimmatli narsa. Kumush bo’lmasa tilla deya olarmiz, lekin vaqt bo’lmasa boshqasi deya olmaymiz.

Bu xulosalar avvalo o’zimga eslatma. Barchamizga vaqtimizdan munosib foydalanishni muvaffaq va muyassar qilsin.

P.S. Maqola yozishda boshqa manbaalardan ham foydalanildi 🩷

@umi_ssenarist

3,5 millionlik tajriba 🤯

O‘tgan yilning oxirida zapusk uchun yangi ekspert bilan ishlashni boshladik.

Meni vazifam progrev ssenariylarini yozish edi.

Avvaliga akkauntni ko‘tarish uchun kontent tayyorlashga kelishdik.

Yoshlik qilib, boshqa bir blogerdan farzand tarbiyasiga oid ma’lumot olib, o‘zim ishlayotgan ekspert uchun ssenariy yozib berdim.

Video esa tarqalgandan, tarqalaverdi. Million ortidan, millionlar yig‘ildi

Bundan, men ssenariyni olgan bloger xabar topdi.

Qarabsizki,  ekspertimga negativlar yog‘ila boshladi. Kimdir spam borsa, kimdir tahdid qildi. Opaning ayblari yo‘q edi, hammasiga aybdor men edim.

O‘zimni yo‘qotib qo‘ydim.

Afsuslanish, vijdon azobiga qorishib ketdi, lekin bu yechim emas, - derdim o‘zimga.

Hikmat izlab yurgan kunlarimning birida, kitob voqeasi esimga tushdi:

2022 yil noyabr-dekabr oyi:

Meritda ishlab yurgan paytlarim edi. Montessorining bola ta’limi va tarbiyasi haqida kitobini o‘qib o‘tirgandim.

Mr A kelib kitobimni muqovasiga qaradilar. Men ham darrov: “Kontent tuzish uchun”, - dedim

Ular esa: “Niyatni kattaroq qiling. Bo‘lajak farzandlarim ta’lim va tarbiyasi uchun deb o‘qing,” - dedilar. 

2023 yil dekabr:

Oradan bir yil o‘tibdi. O‘sha gaplarini asl ma’nosini endi tushunib yetdim. 

P.S. Farzand tarbiyasiga oid kitoblarni kontent tuzish uchun olardim. Lekin endi boshqa maqsadda o‘qilyapti

Shunda O‘sha kontent ham boshqalarnikiga o‘xshamaydigan, o‘zgacha bo‘lib chiqadi. 

Bugun Siz ko‘rayotgan zo‘r ssenariylarimni asl siri ham shunda 😉

@umi_ssenarist

«Yosh qizga nasihat»
Hasson Shamsiy Posho

💡Kitobning o‘zi menga yoz, - dedi

Taqriz yozishda tajribam yo‘qligi uchun bir oy cho‘zib yurdim. Bugun esa kitobdagi bir iboraga ko‘zim tushdi: «Ozgina ma’lumot va fikrni ham arzimas sanamang».

Birgina kitobning o‘zida ayol kishining hayоtga taalluqli barcha mavzular gapirib o‘tilgani xursand qildi. Ma’lumotlarda ham «voda» umuman ishlatilmagan. 

Mavzu -> misol -> xulosa.

Ha kitobni o‘qib, hayotim o‘zgarib ketdi demayman. Lekin turli vaziyatlarda undagi eslatmalar meni nimadir qilishga undayapti yoki qaytaryapti

Yakshanba, kun bo‘yi uxlayman, - dedim o‘zimga. Darrov kitobdagi: Sen kunlardan iboratsan. Bir kun ketsa, bir qisming ketadi. Bir qisming ketsa, tez orada boring ham ketadi» iborasi esimga tushdi

Keragidan-da ko‘proq maqtashdi. O‘zim bilan faxrlanishni boshlaganimda: «Boshqalarning seni yaxshi bilmasligi, sen o‘zingni yaxshi bilishingdan ko‘ra ustun kelib qolmasin» eslatmasi hayolimdan o‘tdi.

Kuni kecha maktabda bitiruv bo‘ldi. Meni vazifam syomka jarayonini nazorat qilish edi. Tadbirning tashkiliy ishlarida biroz muammolar boshlandi.

Boshlovchining oldiga borib tadbir ketma-ketligini so‘radim, shunga qarab biroz bo‘lsa-da qarashib yubordim. Chunki kitobda: «Sizga birov buyurmasidan oldin, o‘zingiz bu ishni bajarishga kirishing", - deyilgandi

Gapirsam gap ko‘p ekan. Onangizga, dugonangizga, opangizga shu kitobni hadya qilishni judayam tavsiya va iltimos qilgan holda,  maqolamni yakunlayman.

🟢Rahimov School tarixida bunaqasi bo‘lmagan

Ilk bor storytelling ustida storytelling‘dan foydalanilgan ssenariy yozib ko‘rdim.

O‘quvchimiz 15 yoshda IELTS’dan 8.0 olibdilar. Buni shunchaki oddiy video qilib bo‘lmasdi.

📒 Ssenariy qanday yozildi:

0. Holatni to‘liq ochib beradigan savollarni tuzib oldim
1.O‘quvchi bilan 14 daqiqa suhbatlashdim
2. Suhbatimizni diktofonga yozib oldim
3. Bolaning hikoyasidan kelib chiqib, kadrlarni qo‘lda chizdim.
4. Ssenariyni elektron holatga keltirib, reflar kiritdim.

Bu kabi videolarga endi o‘tayotganimizni hisobga olsak , syomka ancha qiyin kechdi.

Хatolar haqida alohida post yozsam kerak

Qachon O‘zbekcha Forbes nashr qilinadi?

Kichkinalimga uyga “Darakchi” jurnali olib kelinardi. Eng oxirgi sahifasida turli retseptlar, qiziqarli o‘yinlar kiritilgan bo‘lib, ukalarim bilan talashib ishlardik.

Yillar o‘tib, internet, texnologiya rivojlangan bir paytda, jurnallar odamlarni o‘ziga jalb qilishga kuchi yetmay qoldi

Degan noto‘g‘ri tushunchalar bilan yashab yurganini tushunib qoldim. Texnologiya rivojlangan bo‘lsa,  nega u Forbes’ga ta’sirini o‘tkaza olmadi?

Kopirayting bo‘yicha kitob o‘qiyotganimda, Forbesning yozilish uslubi haqida alohida bo‘lim ajratilgani meni yana ham qiziqtirib qo‘ydi.

Izlanishni boshlab yubordim.

Butun dunyo bo‘yicha Forbesni 6,3 mln inson o‘qir ekan. Auditoriyasi asosan biznes egalari bo‘lishiga qaramay, bu postni o‘qiyotganlarning 80% Forbes haqida eshitgan va biladi.

Qani endi o‘zimizda ham shunday jurnal bo‘lsa, - degan xayollar bilan yurgan bir paytimda, Qalan.uz tomonidan “Al-Jabrning otasi” nomli jurnali nashr qilinishi xabarini oldim.

Taqdimotga bordik. Muallif tomonidan juda qiziqarli chiqish bo‘ldi. Jurnal so‘zboshida o‘zlarini vaqtinchalik muharrir, - deb yozdiribdilar. Bu vazifani mendanam yaxshiroq bajara oladigan insonga o‘rnimni topshirishga doim tayyorman, - deya ochiqladilar.

Taqdimot so‘ngida rosayam borib suhbatlashgim keldi. Tortinib bormadim, endi mana o‘zimni urishib o‘tiribman

“Al-Jabrning otasi”  yoshlar uchun mo‘ljallangan bo‘lib, yorqin rasmlar va qiziqarli masalalarga boy ekan.

Taassurotlar katta. O‘zimizda ham jurnallar ko‘payotgani quvonarli.

Mayli. Forbes bo‘lmasa ham, muhimi  qiziqtira olsin, o‘qilsin, o‘qishga arziydiganlari ko‘paysin.

📝 Birinchi rasmda ssenariyni qoldirdim. Keyingi videoda esa aynan o‘sha ssenariyni syomkasi ko‘rsatilgan.

E’tibor bilan o‘qib ko‘ring. Kadr qanday ko‘rinishi, rekvizit, skript, har bir kadr alohida kichik detallargacha yozilgan.

Ssenariy qanchalik tushunarli bo‘lsa , operator ishi shunchalik osonlashadi.

Tavsiya: Agar Siz yozgan ssenariyni umuman marketingga aloqasi yo‘q odam ham tushuna olsa, tabriklayman. Bu level up birodar

Farg'onani egallashni boshladik

Endi Qalan.uz Marketing jamoasida kichik kutubxona bor 🎉

Bir Umidaga 40 hunar oz

Muallif: topilmadi

Har bir odamning xobbisi yoki yaxshi ko‘radigan challenge’lari bo‘lsa kerak.

Kaminaniki rasm chizish, rasmga olish, tabiat qo‘ynida dam olish, yangi joylarni kashf qilish, insonlarni o‘zgarishida hissa qo‘shish, o‘zimdan keyin eslab yurishlari uchun yaxshi xotiralar qoldirish, tez-tez sababsiz sovg‘a olish va berish, oldin hech kim qila olmagan yechimlar o‘ylab topish. Xullas ko‘pakan 🥹

Ishlar bilan qo‘limga qalam olmaganimga ancha bo‘lgan ekan. Bugun buni to‘g‘riladim.

Ho‘p. Rasm chizish miyaga qanday ta’sir qiladi?

1. Rasm chizish, miyaning o‘ng yarim sharini rivojlantiradi.

2. Kreativlikni oshirishga yordam beradi

3.Diqqatni jamlash ko‘nikmasini hosil qiladi.

4.Stressni kamaytiradi

Deb yozilgan ekan google’da))

P.S. Qanday chiqibdi o’zi? Oramizda ijodkorlar bormi?