Ustaazanur✨

ТАВОЗУ
"Дунёда ҳақиқий автобиография бўлиши мумкин эмас. Киши ўзи ҳақида гапирганда доим ёлғон гапиради!".

Феодор Достоевский

-----------
Достоевский бизнинг тарихимизда ўзи ҳақида гапирган мусулмон уламоларни кўрмаганда!

Таржимаи ҳол илмини ўрганадиганлар бу борада ер юзидаги энг олд китоблардан деб имом Заҳабийнинг "Сияру аъломин нубала" китобини зикр қилишади.
Имом Заҳабий раҳимаҳуллоҳ бу китобида ўзидан олдин ўтган буюклар таржимаи ҳолини келтириш билан бир қаторда замондошларидан ҳам бир қанчасининг таржимаи ҳолини зикр қилган. Аммо ўзининг таржимаи ҳолини айтмаган.
Кейинчалик ўзининг "Мўъжамул мухтассу бил муҳаддисин" китобида ҳадис олимлари сафида ўзини ҳам зикр қилиб ўтган. Аммо жуда камтарона услуб билан. Эътибор беринг:
"Заҳабий, мусанниф. Муҳаммад ибн Аҳмад ибн Усмон ибн Қоймаз ибн шайх Абдуллоҳ Туркмоний Шофиъий. Муқриъ, муҳаддис. Ушбу мўъжамнинг соҳиби. 673 ҳижрийда таваллуд топган. Бир қанча китоблари бор. Уларни фойдали дейишади. Инсонлар уни ўзларидан устун қўйиб мақташади. У ўзини, илм ва амалдаги нуқсонини кишилардан яхшироқ билади. Ёрдам фақат Аллоҳдан. Куч ва қувват Уникидир. Агар иймонимни менга топширса жуда катта ютуқ бўлар эди!".

Мана бизга камтаринлик дарси. Буни тааммул қилишимиз лозим. Биз бўлсак турли жарангдор исмлар, ҳашаматли номлар ишқибозимиз.
Биздан бирортамиз ҳажга ёки умрага борсак дарров таклифномаларга "ҳожи фалончи" деб ёзиб инсонларга ҳожилигимизни эслатамиз.
Бирортамиз докторликни ёқласак борми, ишимиз бир тийинга қиммат бўлсада "фалонча фанлари доктори, профессор" деб ёзишдан бошлаймиз исмимизни.
Агар бирортамиз ижтимоий фанлар мутахассиси бўлсак кишиларга ўзимизни худди ибн Холдун бизнинг шогирдимиз бўлгандек кўрсатамиз.
Озгина азиятга учраса ўзини худди Аббосийлар қўлида дарраланган Аҳмад ибн Ҳанбал раҳимаҳуллоҳ каби қаҳрамон қилиб кўрсатмоқчи бўлади. Гўё исломни у сақлаб қолгандай...
Агар эшонлардан бўлса борми, исмининг олдида "саййид", "хожа", " хон" ва ҳоказоларни қўйиб охирида "ҳафизаҳуллоҳ" ҳам деб ёзиб қўйишади.
Агар бирорта атоқли илм даргоҳларида таълим олсак борми, исмимиз ортидан "Девбандий", "Азҳарий" каби нисбатларни ёпиштирамиз.
Агар бирор чет давлатда малака ошириб келсак олган сертификатларимизни қатор қилиб кишиларнинг кўзи тушадиган жойларга илиб ташлаймиз.

Инсон ўзини эҳтиром қилмоғи оддий нарса. Бу учун маломат қилинмайди. Аммо ғурур ва кўтарилган бурунда гап кўп...
Агар илминг сенда тавозуни зиёда қилмаса бизда сенга ҳам, илмингга ҳам эҳтиёж йўқ.
Шуни билсанг бўлди!

https://t.me/Abdulqodir_Polvonov

Aqlli bo‘lish yetarlimas. Yaxshi va yomonni ajratishning o‘zi yetarlimas toki amal qilmaguncha.

Sog‘lom ovqatlanish lozimligini bilish bu aql, unga amal qilish yoki qilmaslik esa bu nafs masalasi.

Jismoniy mashq qilish foydali deb e’tiqod qilish, bilish va ishonish bu aql masalasi, unga amal qilish yoki qilmaslik esa nafs masalasidir.

Hasad avvalo insonning o‘zi uchun zararligini bilish, tushunish bu aql ishi, unga amal qilolish yoki qilolmaslik bu nafs masalasi.

Gunoh va harom ishlarni qilayotganlar noto‘g‘ri ish ekanini juda yaxshi biladi. Islomga iymon keltirmaganlar ham Islom haqida bexabar ekani uchun kofir bo‘lmaydi. Nafsiga qul bo‘lgani uchun shunday qilgan va qiladi. Abu Jahl sizdan va mendan yaxshiroq tushungan Islom aqidasini va uning haq din ekanini.

Har qancha aqlli bo‘lmang, fikrlash qobiliyatingiz naqadar kuchli bo‘lmasin nafsingizni yengolmas ekansiz aqlli hayvon bo‘lib qolaverasiz.

Shuning uchun Qur’oni Karimda " Qalbini tozalaganlar najot topdi" deyilgan.

Islomda o‘timsizlik o‘timlilikdan, harakatsizlik harakatdan, sukut saqlash gapirishdan ustun turadi.

Foyda keltirishdan ko‘ra zarar keltirmaslik, solih amaldan ko‘ra gunoh qilmaslik ustun turadi.

Najot tiyilishda. Ko‘zingizni, qulogʻingizni , tilingizni, qo‘lingizni va oyog‘ingiz orasidagini haromdan va yomonlikdan tiying, inshaalloh najot topasiz. Olamshumul ishlar qilib tashlashingiz shartmas, nafsingizni yengsangiz bo‘ldi, mana shu eng katta muvaffaqiyat bo‘ladi.

Dunyodagi hamma kulfat va ofat nafs bandalarining kasofatidan keladi.

https://t.me/YaqinOzbek

ФИТРАТ
Ибнул Асир роҳимаҳуллоҳ ўзининг "Усудул ғоба фий маърифатис саҳоба" номли китобида келтиради:
"Ҳорис ибн Ҳорис ал-Ғомидий ривоят қилади. Унинг отаси саҳоба бўлгани айтилади. У отаси билан жоҳилиятда Маккага келади. Узоқдан шовқин-сурон эшитилди. Ҳорис отасидан сўради:
- Ота! Булар нега жамланишган?
Отаси деди:
- Булардан бири динини тарк қилган экан. Ўшанга унинг қавми жамланишган!
Биз жамланган инсонларнинг олдига бордик. Набий саллоллоҳу алайҳи ва саллам қавмни исломга даъват қилаётган эдилар. Улар эса у кишини уриб азият бераётган эди. Кун кўтарилганида улар тарқалишди.
Шунда бир аёл қўлида қадаҳ ва рўмолча билан келди. У йиғлаган, бўйинлари очиқ эди. Набий саллоллоҳу алайҳи ва саллам қадаҳни олдилар, сувни ичиб таҳорат олдилар. Сўнгра аёлга қараб дедилар:
- Қизим! Бўйнингни ёп. Отангни мағлуб бўлишидан ёки хор бўлишидан ташвишланма!
Мен кишилардан у аёл кимлигини сўрадим. Улар менга уни Набий саллоллоҳу алайҳи ва салламнинг қизлари Зайнаб эканлигини айтишди!".

Набий саллоллоҳу алайҳи ва саллам оғир аҳволда турганларида ҳам қизларининг кийимига эътибор қилишни унутмабдилар. Шунча бало ичида ҳам қизларининг бўйни очиқлиги у кишини рози қилмабди...
Бизни ҳам қизларимиз, аёлларимиз кийимига эътибор қилишимиздан дунёйимиз чалғитиб қўймасин.
Баъзилар бу ҳадис ҳақида турли гапларни гапиришган. Ўша пайтда ҳижоб фарз бўлмаганини ҳам айтишган.
Хўп майли, инсонда агар дин бўлмаса мурувват, шараф ва рашк ҳам бўлмаслиги керакми?!
Оддий ҳайвон ҳам урғочисини бошқа ҳайвонлардан қизғанади-ку ахир!

https://t.me/Abdulqodir_Polvonov