O'zbekinvest_Taxiatosh tumani bo'limi

Ўзбекинвест суғурта компанияси Сирдарё вилоятида жабр кўрган оилаларга 150 млн. сўмлик хайрия ёрдамини йўллади ҳамда суғурта қопламаларини тўлаб беришни бошлади, бунинг учун 5 млрд. сўм миқдорида заҳира шакллантирилган

Сирдарё вилоятининг Сардоба, Мирзаобод, Оқ олтин туманларида аҳолининг уй-жойларини бузилишига ва мол-мулкларидан айрилишига олиб келган табиий офат оқибатида мазкур ҳудудларда жабр кўрган оилаларни қўллаб-қувватлаш мақсадида Ўзбекинвест компанияси 150 млн. сўмлик хайрия ёрдамини йўллади.

Шунингдек, Ўзбекинвест компанияси уй-жойларини йўқотган ва вақтинча мактаб ҳамда болалар боғчаларида жойлаштирилган аҳолига дори дармон, шахсий гигиена воситалари, ичимлик суви ва бошқа зарур воситаларни ўз ичига олган инсонпарварлик юкини жўнатди.

Ҳозирги кунда Ўзбекинвест компанияси фуқароларнинг компанияда суғурталанган мол-мулкларига етказилган зарарлар миқдорларини баҳолаш ва тўлаш ишларига фаол киришди ҳамда аризалар келгандан бошлаб икки кун ичида 120,5 млн. сўм миқдоридаги зарарни компаниянинг Мирзаобод туманидаги биринчи мижозларига қоплаб берди.

Шу билан бирга, Бухоро вилоятида бўлгани каби компания мутахассислари сертификатланган баҳоловчилар билан биргаликда қисқа вақт муддатларда зарарлар кўриб чиқиш, уларнинг миқдорлари аниқлаш ва азият чеккан оилаларга суғурта қопламаларини тўлаб бериш ишларини якунлайдилар. Ушбу мақсадлар учун компанияда 5 млрд. сўм миқдорида заҳира шакллантирилган.

Жорий йилнинг 6 апрелдан 17 апрелгача бўлган муддат давомида «Ўзбекинвест» 132,9 млн сўм суғурта қопламасини тўлади, корхонада рўй берган бахтсиз ҳодиса натижасида иш берувчиларнинг фуқаролик жавобгарлигини мажбурий суғурта қилиш полисига эга шахс Ю.А. меҳнат қобилиятини йўқотди ва унга битта суғурта ҳодисаси учун энг йирик бўлган тўлов – 106,7 млн сўм миқдорида суғурта бадали тўлаб берилди.
Иш берувчиларнинг фуқаролик жавобгарлигини мажбурий суғурта қилиш полиси туфайли турли соҳалардаги ишчилар ишлаб чиқаришдаги бахтсиз ҳодисалардан ўзларининг меҳнатга лаёқатлиликларини суғурталаш имкониятига эга бўладилар. Шу билан бирга, полис ходим томонидан эмас, балки ходимларига олдиндан ғамхўрлик қиладиган иш берувчи томонидан олинади.
Шуниси қизиқ-ки, компаниянинг йўқотишларини ўрганиш тартиби қайта кўриб чиқилиб, тўлов жараёни автоматлаштирилмоқда, кўплаб жараёнлар рақамли форматга ўтказилмоқда. Тез орада компания мижозларини бунданда ёқимли совғалар кутмоқда – суғурта тўловлари янада қулай бўлади.
«Ўзбекинвест» суғурта компанияси иш берувчиларнинг фуқаролик жавобгарлигини мажбурий суғурталаш амалда фойдали ва қулай эканлигини исботламоқда.

Ўзбекинвест компанияси Бухоро, Самарқанд, Навоий ва Қашқадарё вилоятлари туманларида шиддат билан содир бўлган табий офат – кучли шамол оқибатида мол-мулки зиён кўрган мижозлардан аризаларни зудлик билан қабул қилишни бошлади. Ҳозирда қабул қилинган 40 та аризадан 5 таси тезкор кўриб чиқилиб, 35,4 млн. сўм тўлаб берилди.
Қолган аризалар бўйича ҳам зарур қопламалар яқин кунларда тўлаб берилади.
Ўзбекинвест компанияси яна бир бор фуқароларга ўз мулкларини турли табий ҳодисалардан суғурта қилишларини қатъиян тавсия этади. 
Суғурта – бу ҳар бир инсон учун суғурта тўловини олишига ҳамда ўз мол‑мулки ва жамгармасини сақлаб қолишига имкон берувчи синалган хизмат.

Суғурта компаниялари Бухородаги табиий офатдан зарарни қоплаш учун 32,6 млрд. сўм тўлаб беришлари мумкин

✅ Бухоро вилоятидаги жисмоний ва юридик шахслар томонидан қурилган иссиқхоналарнинг бор йўғи 21 таси суғурта қилган бўлиб, улар бунинг учун атиги 157 млн. сўм суғурта мукофоти берган, яъни суғурта қилиш учун шунча пул тўлаган. Эндиликда уларнинг табиий офатдан кўрган 32,6 млрд. сўмга яқин зарари суғурта компаниялари томонидан қоплаб берилади.

Эътибор берган бўлсангиз суғуртага берилган пул ўндан бирига ҳам тўғри келмаяпти. Мана нима учун суғурта керак. Бу иссиқхоналарнинг ўзига холос. Ҳали, мол-мулкини, экинларнинг ҳосилини, бино-иншоотларни ва бошқа объектларни суғурта қилдирганлар бор.

Яъни, бирор бир фаолиятингиз тахминий 100 млн. сўм турса бунинг учун 100 минг сўм суғуртасига пул тўлайсиз ҳамда ҳодиса рўй берса 100 млн. сўм қилиб ундириб оласиз.

‼️ Суғуртага ишонмаганлар ва суғурта қилдириш шарт эмас деб ўйлайдиганларнинг саволига жавоб.