الليل صاحب هلبا ناس ، فيه منهم راقد في حضن الشعور الحلو ، وفيه منهم راقد على الجيهة لي تبكي فيه فالقلب ، رجفة شعوره تتحسس ماتنقالش ، تدمع وتبكي اي شخص شافها ماتنوصفش ، رعشة القلب بين دقيقة وثانية مابين البين والبين ، بين ساعة وثانية تحاول مرة اثنين وثلاثة حتى ، مش قادر تسيطر على أنت فيه ..
بدون سابق إنذار ، تقعد تفكر بينك وبين روحك ؟
اني مستاحش ، اني مش فاهمني ، اني مش انا !
تفتح اللست اغاني الذكرى تزيد تتعب اكثر ، تتصفح البوم صور ولي داخلك مافيه يبكي ، يوجع فحدة الوجع ، كيف حيستوعب ؟
بين النسيان ، وبين صفة الطريق لي انت قاعد فيها ، تعب متغلب عالراحة مش موقف ، القلب يشفع ، العقل يكابر ، والعين تنكر !
" نسأل فروحي بلهفة " ؟
اني امتى حننسى ، امتى حنكون اني لي كان نفسه لي قبل ، الشعور بهلبا أسئلة ، والإجابة بلا جدوى انعدمت من وقت فات ، تجاهلت الروح لي فيا ، ومعاش رجعت .