ويښ آرمان

هغه خوب نکوي دی پاک له هرنقصان ویښ دی
خلک ویده دي زه یې در ته ځم جانان ویښ دی

لا دې دخیال جونګړه ساتمه ترې تللی نه یم
لامې ذوق مات نه دی تراوسه مې ارمان ویښ دی

ورشئ زما د حال پوښتنه که له تاسې وکړي
ورته دا ووایئ غافل نه دی ناتوان ویښ دی

فقط وجود یې ظاهراً دی زمونږ له سترګو غائب
چاچې په مینه کې وژلی دی خپل ځان ویښ دی

د خدای بنده دی بندګي یې په ځای کړې نه ده
وحیدي نن د تړمو اوښکو له باران ویښ دی

وحیدالله وحیدي