اللهم صل علی نبي الامي ﷺ

څه بې حده کیفیت لرې وصال کې
څرګندیږي راته داهرڅه په خیال کې

بېخود کیږمه لیدل دې ناممکن شي
هیڅ کتلی درته نشم په یو حال کې

ټوله ورځ دې چې نوم اورم ورته ژاړم
زنګوي مې ذهن تل دفکر ټال کې

محبین دې غلي غلي رانه لاړ شي
ناخبره پاتې کیږمه هر کال کې

څه دې وګڼم اوڅه سره دې سیال کړم
داټول عمر پاتې راغلم په مثال کې

نیمه شپه مې مخ داوښکو بدرګه شي
راویښږم وحیدي دکیف شمال کې

وحیدالله وحیدي