قناة الشاعر قصي القاسمي

راح اموت من القهر،،،امنين اجيبنه الگمر
هاي تاليهاصفت،،،زينب ابغربه بقت
خويه عباس،،،خويه عباس
(((((((((((((((((((((((((((((((((((
يالگلتلي وداعت الله،،،وشايل بجفك علم
مادريت اشصاربعدك،،،خويه حرگوهاالخيم
ظامي گلبي من عفتني،،،والوداعك ابجي دم
حرمه والشامت ولاني،،،ونضرت الشامت سهم
،يالعفت زينب تون،،،بيها اشخله الحزن،
،بعدعينك اتعذبت،،،زينب ابغربه بقت،
،خويه عباس،،،خويه عباس،1
/////////////////////////////////////////
هوايه هظموني الاأعادي،،،وانت طايح عالأرض
ودمعي صلى عليك سكته،،،بالغرب اده الفرض
يالعفت روحي وگلبي،،،ابلاهوه وابلانبض
يالجنت صاگرالدنيا،،،ابزودك ابطول وعرض
،وهسه انت منصرع،،،وانه اجري الدمع،
،وليش اختك اتسلبت،،،زينب ابغربه بقت،
،خويه عباس،،،،خويه عباس،2
///////////////////////////////////////////
يالجنت شمعت حياتي،،،وحلوه جانت عشرتك
وتالي فاركنه وداعك،،،وهسه اني ابعازتك
وين سيفك وين جودك،،،اووين خويه رايتك
ألحگ الزينب سبوها،،،ليش طالت نومتك
،بعدك اخذوني العده،،،وانت جثه امدده،
،ابصوت ألك من حشمت،،،زينب ابغربه بقت،
،خويه عباس،،،خويه عباس،3
//////////////////////////////////////////
كل هموم الدنيا بيه،،،وبالكلب صارالكسر
يالغيابك جرح دامي،،،ماقبل يشفه ابصبر
ريت قبلك كون اموتن،،،وانزل ابلحدالقبر
ولوسولف عالجرالي،،،ينعصرگلبك عصر
،ابكلبي بعدك جم جرح،،،وانت طايح منذبح،
،وروحي بعدك اتلوعت،،،زينب ابغربه بقت،
،خويه عباس،،،خويه عباس،4
///////////////////////////////////////////
طولت خويه عليه،،،وجنت اتمل تجي
اطوي بدموعي الصحاري،،،وذبل جفني من البجي
الكسرظهري غيابك،،،خويه بيمن انتجي
اشكثررتك تجيني،،،ابداخلي اهوايه حجي
،صدگ اركب عالهزل،،،وانت ميت موعدل،
،وجم يتيمه أتيتمت،،،زينب ابغربه بقت،
،خويه عباس،،،خويه عباس،5
//////////////////////////////////////////
روحي ميته ابغيابك،،،والسفركلش طويل
انت نايم عالشريعه،،،وانه ابدرب الرحيل
اشما اسولف عن مصابي،،،،خويه شحجيلك قليل
للسبي معقوله اطلع،،،والشمر بيه يعيل
،سوطه بمتوني انطبع،،،وجلد من عندي شلع،
،وعيني الفكدك بجت،،،زينب ابغربه بقت،
،خويه عباس،،،خويه عباس،6
///////////////////////////////////////////
الشاعرقصي القاسمي

تدري بغيابك صعب،،،عباس مجروح الگلب
دمعي جاري،،،بيه ناري،،،يبوفاظل،
«««««««««««««««««««««««««
غالي انت واعزمن عيني ونضرها
وروحي بغيابك حزينه من يسرها
ودنيتي بعيوني ظلمه ابلاگمرها
وين اروحن يابوفاظل من خطرها
،،يالرحت الصوب النهر،،،بعدك ايحوم الخطر،،
،،مالي خاطر،،،لاتسافر،،،يبوفاظل،،1
»»»»»»»»»»»»»»»»»»»»»»»»»»»
تترك أختك ياكفيلي من يردك
وابقى اتاني وماتجيني صعب فگدك
واني كل خوفي على عينك وزندك
لوعفتني يبوفاظل شلون بعدك
،،راسك ايطره العمد،،،واني مااحمل فگد،،
،،صعبه شوفك،،،ابلاجفوفك،،،بيوفاظل،،2
»»»»»»»»»»»»»»»»»»»»»»»»»»»»
عوف جودك لاتسافرابقى يمي
نظرت اعيونك يخويه تجلي همي
بجالك أمأمنه يخويه ابلايه هظمي
ولوهاي اطفال تبجي اتنادي عمي
،،الك يشكون العطش،،،وگلب سكنه انخمش،،
،،الك تشكي،،،بحيره تبكي،،،يبوفاظل،،3
»»»»»»»»»»»»»»»»»»»»»»»»»»»
اني كل همي عليك ودمعي يجري
بعدعينك ياكفيلي شلي بعمري
عالشريعه لوطحت ينكسرظهري
واني اصيحن يبوفاظل انسلب خدري
،،خويه من يحمي الحرم،،،وانت ابعينك سهم،،
،،ابلايه والي،،،هذاحالي،،،يبوفاظل،،4
»»»»»»»»»»»»»»»»»»»»»»»»»»
من يطفي النارلوحرگت اخيامي
ترحل تعوف العقيله ابلا محامي
وتدري هالعدوان ماترحم ايتامي
من يباريلي الظعينه وانت دامي
،،بعدك ابقى بالحزن،،،والعده تبره الظعن،،
،،ضامي گلبي،،،اعليك عتبي،،،يبوفاظل،،5
»»»»»»»»»»»»»»»»»»»»»»»»»»»
من يصدگ امشي مسبيه بحياتي
وتصبح ايام الخدرمن ذكرياتي
شگدهظيمه انسبن ويايه خواتي
خويه وسوط الشمرمزگ عباتي
،،تالي عمري اميسره،،،وانت نايم عالثرى،،
،،شاب راسي،،،من المئاسي،،،يبوفاظل،،6
::::::::::::::::::::::::::::::::::::::::::::::::::::::::
الشاعرقصي القاسمي