O'zbekistonda aralash saylov tizimi joriy qilindi, endi 75 nafar deputatlar saylanmaydi, balki partiya bergan ro'yxat asosida tayinlanadiPrezident tomonidan imzolangan Qonun
(O'RQ–883, 18.12.2023 y.) bilan saylov tizimiga bir qator o'zgartirish va qo'shimchalar kiritildi.
Endilikda O'zbekistonda
aralash saylov tizimi amal qiladi. Ya'ni Qonunchilik palatasining
75 nafar deputati avvalgidek bevosita saylov orqali saylanadi, qolgan
75 nafar deputat esa saylovda olgan ovozlari soniga proporsional tarzda partiya bergan ro'yxat asosida tanlanadi.
Majoritar va proporsional saylov tizimi farqini
mana bu yerda tushuntirgan edik.
Yangi qonunga
ko'ra:
➖ Qonunchilik palatasi deputatlari saylovini o'tkazish uchun
75 ta hududiy bir mandatli saylov okrugi tuziladi;
➖ Qonunchilik palatasi deputatligiga siyosiy partiyalar tomonidan ko'rsatilgan nomzodlar
ro'yxati asosida Qonunchilik palatasiga saylov o'tkazish uchun O'zbekistonning butun hududi
yagona saylov okrugi hisoblanadi;
➖ Partiya ro'yxati Markaziy saylov komissiyasi tomonidan ro'yxatga olinganidan keyin, ushbu ro'yxatga kiritilganlar
deputatlikka nomzod maqomini oladi va ularga guvohnoma beriladi;
➖ Partiya ro'yxatiga kiritilgan nomzodlar ushbu
siyosiy partiyaning a'zolari yoki partiyasiz bo'lishi mumkin. Boshqa siyosiy partiyaning a'zolari ushbu ro'yxatga kiritilishi mumkin emas;
➖ deputatlikka nomzodlarni tanlash tartibi
siyosiy partiyalar tomonidan belgilanadi;
➖
ayollarning soni bir mandatli saylov okruglari bo'yicha, shuningdek partiya ro'yxati asosida siyosiy partiyadan ko'rsatilgan deputatlikka nomzodlar sonining
kamida 40 foizini tashkil etishi kerak. Bunda partiya ro'yxatidagi ketma-ketlikda kamida
har 5 nafar nomzodning
2 nafari ayol kishi bo'lishi lozim.
✅ Shuningdek,
yagona saylov okrugi bo'yicha saylanadigan Qonunchilik palatasining deputatlik o'rinlari ushbu saylovda ishtirok etgan saylovchilar ovozlarining
7 va undan ko'proq foizini to'plagan siyosiy partiyalar o'rtasida taqsimlanadi.
📁
Partiya ro'yxati bo'yicha saylangan deputatlar o'rtasida deputatlik mandatlarini taqsimlash Markaziy saylov komissiyasi tomonidan ro'yxatga olingan partiya ro'yxatiga kiritilgan deputatlikka nomzodlar
ketma-ketligiga muvofiq amalga oshiriladi.
👉
@xushnudbek 👈
