Xikmado

WAXYAABO AY XAASKU JECESHAHAY, HASE YEESHEE NINKEEDU AAN U OGGOLEYN.

Waxyaabaha ay Xaasasku jecel yihiin, Ragguna ay Awoodaan, balse ay ka baqiilaan ama aan u Oggoleen, waxaa ka mid ah:-

1- Xaaska waxey jeceshahay Amaanta badan, taasi Ragga wey Awoodaan, haddana uma quuraan Ammaanta, wuxuu ku Oranaa haddaan Ammaamo wey igu Kibreysaa.

2- Xaaska waxey ka heshaa Hadiyadaha, Nooca ay doontaba ha noqotee, Raggu wey awoodaan, balse uma Oggola, oo wuxuu leeyahay Kibir bey ka qaadeysaa.

3- Xaaska waxey rabtaa in loo Naxariisto mar kasta, Ragguse wey Awoodaan, balse uma Naxariistaan oo kibir ayeyba ka sii qaadaan.

4- Xaasku waxey rabtaa in loo Koolkooliyo sida Caruurta oo loola Ciyaaro, Ninku wuu Awoodaa haddana ma sameeyo oo wey ka faanaan.

5- Xaaska waxey jeceshahay in Qalbiga Ninka ay keli ku noqoto, Ninku wuu Awoodaan, balse ma Oggola oo markaas ayuuba is Xariifiyaa.

6- Xaaska waxey ka heshaa inuu Gurigeeda ahaado mid Farxad iyo Dhoolacadeyn taal, Ninkuse isagoo taas Awoodo ayuu misana ka sii jecel yahay iney Gabadhu ay Gurigeeda ku Caburnaato.

7- Xaasaska waxey Xiiseeyaan in waxey rabaan Fadhigooda loogu keeno, Ninkuse taasi dhib kuma ahan, haddana ma sameeyo, waayo Xaaska uma Oggola Nasashada iyo Raaxada.

8- Xaaska waxey jeceshahay in kaligeed la jeclaado, Indhuhuna ay keligeeda qabtaan, Ninkuna taas ma sameeyo oo wuxuu Indhaha u sii Raaticiyaa kuwo kale.

Dhammaan Astaamahaas aan soo sheegay ma ahan kuwo ay Ragga oo dhan ka wada siman yihiin, balse waxey Qaas u tahay oo lagu yaqaan Raggeena Soomaaliyeed, waxaanse leenahay ilaaheey ha jecleysiiyo Xaasaskooda, waayo maba Oga Xaasku iney tahay Qeyb ka mid ah Nolosha.

@xikmadosom
@somalibooks

7 Todobo qofood Noloshaada ka Saar

1-Qof Aad fursad Cafis Siisay kuuguna Abaal
Guday jees jees iyo Qaraaxo

2-Qof Aad u cudur Daaratay Ama Raali Garaysay Balse Waji xumayn kuugu Abaal Guday

3-Qof Aad Laabtaada U furtay Balse kaa jeestay kuna Dayacay

4-Qof Dhaawac kuugu Geysta Dadka Hortooda Si Dadku Ay kuugu Qoslaan

5-Qof Aad Daganaantiisa Raadiso Adigana Dareen Xumo kula Raadsha

6-Qof Laba Wajiile Marka Uu Ku Hortaagan yahay Boqor kaa Dhiga Marka Aad ka Maqantahayna Shaydaan kaa Dhiga

7-Qof isaga oo Baahidaada Og Hadana Ciriiri kugu sii Galsha Baahida Aad Tabanayso

@Xikmadosom
@somalibooks

The bane of knowledge is forgetfulness.
آفة العلم النسيان 😴✍.
Cilmiga Aafadiisu waa ilawga

Ibraahim ilka case

Iska ilaali 10 kan qof inay noloshaada soo galaan, hadday ku jiraanna ku dedaal sidii aad uga saari lahayd noloshaada🙂

1. Qofka qof kale ka sheekeeya, ee mar walba oo aad kulantaan, kuula yimaada ama kaaga sheekeeya dhibka iyo jabka dadka kale.

2. Qofka qofka ay kala tageen si xun uga warrama, oo mar kasta oo aad weydiiso xumaantii oo dhan dusha u saara qofka maqan.

3. Qofka damaca badan, ee isla jecel wax walba in uu helo, tanaasul na aan u sameyn si walba oo aanu ugu baahnayn waxaas haddana isla raba.

4. Qofka naftiisa oo keliya ka sheekeeya, oo naftiisa oo keliya macne uun la leedahay, si walba oo loo caawiyey dafira oo yidhaahda aniga ayaa dedaalkayga ku gaaray.

5. Qofka markaad u dhib sheegatid dhibkiisa kuu weyneeya, kaasoo halkii aad ka sugaysay talo iyo in qalbigu kuugu dego kuu buunbuuniya dhibkiisa, illaa ba aad aaminto in aadan adigu dhibba ku sugnayn.

6. Qofka beenta badan. In kasta oo beenaha dadka afkooda ka soo baxa ay fara badan yihiin haddana beenuhu kala darane iska ilaali qofka noloshiisa oo dhan beenta tahay; kaasoo weliba ku dhaaranaya beentaas.

7. Qof hore kuu garanayay, oo mar keliya xiise kedis ah, ammaan, deeqsinimo, naxariis iwm kuula yimi, taasoo ujeedada keliya ay tahay dan u gaar ah oo xaggaaga uu ka arkay.

8. Qofka mar ku khiyaamay, waayo waa suuragal in uu qofkaasi marar kale na uu ku khiyaamo. Haddii aad qalbi jabtay waa hubaal in kalsoonidi meesha ka baxday oo aad marar kale na qalbi jabi doonto.

9. Qofka kula tartama oo noloshiisa oo dhan barbardhiga noloshaada iyo qaabka aad u wadato, mise na dedaalkiisa oo dhan ku bixiya in uu adiga oo keliya kaa sarreeyo.

10. Qofka marka ay noqoto xidhiidhka haasawe ka been sheega awoodihiisa, dhaqamadiisa, dabeecadiisa iwm si uu u sameeyo soo jiidasho dhankiisa ah.

Abdulkadir Uukow

@xikmadosom
@somalibooks

Jimco Wanaagsan Marka Hore

Dood Furan Caawa

Labada Qof Ee Lamaanaha Ah Burburka Xiriiirkooda Jaceylka Ma Waxaa Sababa

(A) Kala Fogaanshaha
(B) Shakiga
(C) Daryeel La,aanta

Burburka Xiriirkaasi Marka La Eego Labada Dhinac Midkood Yaa U badan

-Ragga Iyo Dumarka-

Soo Raaci Sababta?

Tayo Official waxaad ka daawan kartaa Chanallo free ah Oo aad kaga daawan karto Adigoo Mobilekaaga istcmaalaya hadaba hore u gaar Oo ka faa'ideyso
Https://t.me/tayoofficial

Wuxuu jeclaa danyarta, wuxuuna saxan wax kula canayay masaakiinta. Wuxuu la sheekeysan jiray, la tashanayay, lana kaftamayay saaxiibbadiis. Qof kastana wuxuu ula dhaqmayay sidii in uu isaga dadka ugu jecelyahay. Farxadda iyo dhoolacaddeyntuna dhaqan ayay u ahaayeen.

Islama weyneyn. Markii uu gurigiisa joogo wuxuu u adeegayay reerkiisa, xaasaskiisana wuxuu ficil iyo hadalba ugu sheegayay in uu jecelyahay. Isaga ayaa caanaha ka soo lisan jiray adhiga, kabtu haddii ay ka go'dana isaga ayaa tolanayay. Isaga oo socdo ayuu duqeyda la istaagayay waddada si ay danteeda ugala hadasho, wuxuuna siinayay waqti ku filan. Waxaa u imanayay addoon raba in uu sayidkiisa kala hadlo, wuuna raacayay si uu uga odayeeyo.

Wuxuu tusaale nool noogu yahay tilmaan kasta oo wanaagsan, wuxuuse dadka Alladiidka ah kala kulmaa colaadin, dhaleeceyn iyo naceyb.

Hooyo waayeel ah oo culeys xambaarsan ayuu maalin waddada ku arkay, culeyskii ayuuna ka qaaday, wuxuuna u geeyay gurigeeda. Markii uu ka soo tegayay ayay ku tiri: "Waan ka xumahay in aanan maanta heyn wax aan kuugu abaalgudo, balse aan kula dardaarmee waxaa magaalada Makka soo galay nin Muxamed la dhaho oo beenlow ah, ee ka digtoonaaw in uu ku duufsado, oo uu kaa beddelo diintii awoowayaashaa."

Nabi Muxamad ﷺ ayaa Hooyadii ku yidhi: "Hooyo waa aniga Muxamadka laguu sheegay, ee aad iiga digeyso!" Kadibna halkii ayay ku ashahaadatay oo ay ku soo Islaamtay!

Allow u naxariiso oo nabadgeli Nabi Muxamed.

@xikmadosom
@somalibooks

Madaxweyne Pedro Pablo Kuczynski, oo mar hogaamiye ka noqday dalka Peru ee dhaca Laatin America ayaa waxa uu iska casilay xilkaas Bishii March 21-kedii Sannadkii 2018-kii. ka dib markii lagu eedeeyay inuu ku kacay musuqmaasuq lala xiriirey shirkad xagga dhismaha ah oo laga leeyahay dalka Barazil oo dowladdiisu siisay qandaraasyo.

Shirkadda oo lagu magacaabo Adebrecht SA ayaa qiratay in si musuq maasuq ah ay ku bixisay lacag dhan 800 oo milyan oo doolar dhowr wadan oo gobolkaasi ah si ay qandaraasyo u hanato.

Ninkan ayaa xilka ku guuleystay Bishii July Sannadkii 2016-kii waxaana uu la tartamay haweeney uu dhalay Madaxweynihii hore ee dalkaas Alberto Fujimori oo musuqmaasuq uu ku kacay dartiis xabsi ku galay muddo sanado ahna ku jiray illaa sanadkii hore oo xabsi looga sii daayay cafis madaxweyne.

Madaxweyne Pedro Pablo Kuczynsk Ololahaas uu jagada ku hantay waxaa udub dhig u ahaa la dagaalanka musuqmaasuqa isaga ayaana xilka uga degay musuq uu galay lagana yaabo inuu galo xabsigii uu Fujamore ka cafiyay sannadkii tagay.

Annaga dalkeenna hooyo ee Soomaaliya oo intan iyo ka badanba ka jiraan oo musuqmaasuqu uu yahay banaanyaal laakiin waxaan la’ nahay waa hay’ado sharci oo madaxbanaan, warbaahin aan dhacdooyinka maalinlaha ah ka shaqeyn ee sameyn kara baaris qoto dheer oo ay wasaqaha dalka la degay banaanka kusoo dhigayaan.

Waxaanan kale oo aan la’nahay dad ka damqanaya xanuunka musuqu uu dalka ku haayo oo shaqsiyaadka kuraasta fadhiya ayaa nagala qiime badan falalka ay gaysanayaan.

@Xikmadosom
@Somalibooks

QISO YAR OO AAD U CAJIIB AH.

Boqor ayaa wuxuu dhalay Gabar Qurux, Akhlaaq iyo Diinba ilaaheey u Hibeeyey, waxaana la oran jiray Maryama.

Maryama waxey maalin maalmaha ka mid ah ay si lama filaan ah u gaday Silsilad Dahab ah oo ay iyadu lahayd, aadna Qaali u ahayd si ay Masaajid hor Allah ugu dhisto.

Muddo ka dib Masjidkii ayaa la dhisay, markii dhismaha Gacanta sidaa looga qaaday waxay ay damacday inay maalin soo fiiriso, Shaqaalihii ayaa amar lagu siiyay inay Faaruqiyaan Masjidka. Kadib ayey Maryama soo gashay oo ay indhaha ka siibtay Niqaabkii si ay ugu Raaxeysato Quruxda Guriga ay Aaqiro u sii Hormarsatay. Mid ka mid ah Shaqaalihii ka shaqaynayay masjidka oo kor saarnaa ayaa lagu ilaaway oo Masjidka ku haray, wuxuu arkay Quruxdeeda, ka dibna aad ayuu uga helay Gabadhaasi Bilicda san, ilaaheey uu Markii dambe uu u Xanuunsaday jaceylkii Gabadhaasi.

Ninkan Shaqaalaha waxaa dhashay Hooyo Waayeel ah oo aad u taag daran, cid kalana aan laheyn isaga mooyee. Hooyadii ayaa weydiisay Xanuunka haye Wiilkeeda beryahaan ee uu la ildaran tahay?, isagana wuxuu ugu jawaabay:- Hooyo waxaan jeclaaday gabarta Boqorka uu dhalay, haddii aan guursan waayona waan dhimanayaa. Hooyadii da’da aheyd iyada oo aad u dareemeysa Xanuunka Wiilkeeda ayey u jiheysatay dhankii ay ka xigtay inanta Boqorka uu dhalay, waxeyna ku tiri:- Waxaan kuula socdaa arin aad la yaabi doonto, taasoo ah Wiilkeyga ayaa ku arkay maalintaad Masjidka soo booqatay, wuuna ku jeclaaday adiga la’aantaadana ma sii Noolaan doono.
Maryama ayaa si Qabaw ugu jawaabtay: Waan Aqbalay. Hooyadii oo yaaban baa tiri:- Waan Aqbalay aa?. Maryam ayaa tiri:- Haa waan Aqbalay balse Hal Shardi waa inuu fuliyaa, waa inuu 40 Habeen Salaatu Leyl oo aan kala go’ laheyn Tukadaa, ka dibna diyaar ayaan ahay anigoon wax adduun ah ku Xireynin.

Sidii ayey Hooyadii iyadoo Faraxsan u Baqooshay dhinacii Gurigeeda iyo Wiilkkeedii oo warkii si degdag iyo Farxad badan ugu sheegtay. Wiilkii oo Farxad iyo Reynreyn ka muuqato ayaa yiri Marxaba Hooyo Shardigaas waan Fulinaa. Habeenkii koowaad ayaa taag dari awgeed uu Fadhiga ku tukaday, Habeen Labaad iyo Saddexaadkiina sidii oo kale isagoo Qalbigiisu ku maqan yahay Maryama.

Habeenba habeenka xiga wuxuu u sii dhawaanaayey dhanka Allaah isaga oo Qalbigiisu ku sii Xirmaayay Allaah, oo awood u sii kordhiysay. Jacayl kale ayaa Qalbigiisa ku abuurmay, waa jacaylka Allaah, isaga oo uu ka tirtirmay Baahidii iyo jacaylkii Gabarta.

40kii habeen markey u Dhamaadeen ayaa Hooyadii weydiisay goorma ayeynu Hooyo u tagnaa inantii Boqorka?, Wiilkii ayaa ugu jawaabay:- Hooyo macaan wax baahiya oo ina heysaa ma jirto iminka, dhab ahaantii waxaan jecelahay Allaah SW oo ah Abuuraha dhamaan dunida iyo korkeeda, isaga ayaa igu filan.

Maasha Allaah.. Bal Eeg Alla ka Cabsiga Gabartaas, waxey garatay Dawada uu Wiilku u baahan yahay iney tahay Iimaan iyo Kalgacalka Allaah SW.

Hadii aad ka heshay 👍 saar si aan qormooyinka usoo Badino

@Xikmadosom
@somalibooks
@educationlibrary

Maxey u Dulloobaan?

Yamaninyiintu waa dadka ugu qaad cunka badan caalamka Islaamka. Sidaas oo ay tahay, ma dulloobaan sida ay Soomaalida jaad-qabatinka ah u dulloobaan ee ay cibaadada iyo cabsida Alle uga fogaadaan, waa maxay sababta arribkan keenay?

Suudaaniyiintu waa dadka ugu heesaha iyo muusigga jecel, sidaas oo ay tahay, fannaaniintoodu waa muxtarimiin jiddan, aqoonyahanno, bareyaal jaamacadeed, ganacsato, siyaasiyiin iyo dad aysan balwaddu dulleynin. Wey cibaadeystaan; fankuna waa u hibo iyo qurux nololeed ee kuma saaqidaan.

Sidan roggeeda, hooballada Soomaaliyeed, intooda badan, fanka marka ay galaan waxey ka fogaadaan cibaadada iyo camalka suubban, waxeyna billaabaan balwadda, waa sida la sheegee, maxay sababta ay fanka ugu xumaadaan fannaaniinta Soomaaliyeed?

Drs Mulki Mohamed Mahamud

@xikmadosom
@Somalibooks

Qiso Dhab ah iyo Tusmadeeda

Markaan wax wanaagsan bixino ayaa abaalmarinta heleyna oo ah in wixii aan bixiney inaguh soo noqdo isagooh kasii wanaagsan haddabah yaanan hadalka idiinku sii badinine ,
Maalin maalmaha Ka Mida anigoo jamacada joogah gabdh aan wada dhiganaa igah codsatey inaa fahansiiyo cashar ay maqneyd waan fahansiyey kadib assignment naloo diley ama leylis sida aad kolba Ku taqanaane ayey Tiri haddabah assignment wankasoo shaqeyneynaa hadda midkii u horeeyey I fahansiisey kadib dhowr maalmood ayaanu kulaney galabnimo galaaska iskuguh nimaadney xiisadii galabtaa aanu laheyn wexey noqotey fasax kadib ayey Tiri assignment malinkii ayanka shaqeynaya Wana ay Ka shaqeysey machallah welibah si saxa kadib markaan Ka hubiyey ayaan ogaadey in anigah labah lambar aan is dhafiyey kadib ayey ii sheegtey in teydu qaldantahy maadama sida aan uguh hubiyey ay saxsantahay halki baanku saxey su'aashu udambeydeen qaldey .xikmada sheekadu waa markaan waxwanaagsan qabano ayaa inagana wixii wanaagsanaa waxkasii wanaagsan aynu helaynaa aynu Ku dedaalno iscaawinta waxwal oo aynu qabanaa xuman ama wanaag dub ayey inooguh soo laabanyaan aan wanaagsameyno si aan u helno bedel kasii wanaag

Waxaa inoosoo gudbisay Asma Mohamud Bedel oo Ah aqristayaasha Channalkeena

@Xikmadosom
@Somalibooks

Adne soo dirso Qormadaada Kuna soo di @hagad ama @farta12

Xikmado Gaagaaban

"Mararka qaarkood Allah wuxuu kugu imtixaana dhibaato , balse Alle wuxuu imtixaan marsiiya aadoomadisa kuwa oo ogu jecelyahay "

Riyadeyda ogu weyn:inaan sabab unoqdo farxada halka qof ee aan marnaba gudi karin abaalkeeda HOOYO❤️

Illahay sahay hakaaga yeelo cabsidiisa, hana kuu kordhiyo taqwo, danbigaagana hadhaafo,hana kuu sahlo kheyr oo idil meel kasta oo aad joogto

Hadaad ogaan leheed siduu Illahay wax kasta kugu kala dabaraayo Asaga maa hee cidkale mabaryi leheen amarkiisana waad raaci leheed si raaxo leh❤️

Waxaa Inoo so Gudbisay Aragsan Majeey Oo ah Aqristayaasha ku xiran Channalkeena

@xikmadosom
@Somalibooks

Adne soo dirso Qormadaada kuna soo dir @hagad ama @farta12

anta iyo dareen wax u sheegaba, wuxuu markiiba ogaaday inu dhooqo dhex batalaq-saday, xadki sharciga ka talaabay, oo wuxuu isku canaantay in basarki ka xumaaday oo talaabo aan loo baahneyn qaaday, wuxuuna talo ku soo gabagabeeyey oo qiray in Gabadhi cashar wacan u dhigtay oo fariiso tiri Alla madax kaga dhigay Beeshe! .. Shiikhi Waa Ka Toobad Keenay oo Aaminta Lala Guray

Abdulkadir Uukow

@xikmadosom
@somalibooks

Xujadi Ugu Adkeyd Ee Nin Soo Marta .. Shiikh Balad Carbeed Oo Gabar Badwiyad Ah Qalbigisa Gashay Xod-Xodo Baas Ku Qabtay Iyo Xujo Adag Oo Ay Hordhigtay



Waxaa la Yiri Nin Badaw ah ayaa guursaday Gabar ay isku Qabiil yihiin, Gabadhaas oo u dhalaatay muuqaal Qurux leh, Akhlaaq, Edeb iyo Diin wanaag intaba .. kadib marki Sanad ka soo wareegtay guurkoodi Ninki wuxuu dilay Nin ina adeerkiis ah sidaa daraadeed si aan loo qisaasin wuxuu isaga iyo xaaskiisi u galeen qabiil kale oo magangalyo ahaan ula dageen, dabadeedna wuxuu ku wareegay Majilis ay fariistaan odayaasha beesha oo u madax ka yahay shiikha qabiilka ( Ugaaska Beesha)


Maalin Maalin ka mida Shiikhi Qabiila wuxuu soo hormaray Guri u deganaa ninka sheekadu ku socoto, wuxuuna ku indha sarcaaday Gabar gurigaas kaga soo hor baxday qurx-ley ah oo isla markiiba qalbigiisa ayey degtay oo caqligiisa waaba hantiday .. intaa kadib waxaa ku dhalatay fikrad Sheydaanimo oo ah sidee Ninkeeda uga fogeysa guriga si xaaskaas ugu kaliyeysto .. durbadiiba wuxuu ku soo noqday Majliska oo Rag buux dhaafiyeen, waxaana dhex fadhiyey Ninki xaaska qabay .. Shiikhi ayaa hadla qaatay wuxuuna yiri: Meel Tuulo ah oo sidaa aan noogu dheereyn oo qurux iyo cimilo fiican leh ayaa la sheegay, waxaana doonaya inaan Afar Nin u diro oo soo sahmiya .. waxaa afarta ka mid noqday Ninki naagta qabay, halkaas oo inta badan masaafo loo socdo Labo illa Sadex Maalmood.


Markay habeen Noqotay Dadkiina seexdeen .. Shiikhi wuxuu abaaray gurigi Ninki xaaskiisa daganeyd oo xiligaas huruday oo sidu u socday ilaah amarkiis intusan albaabka gaarin ayuu Tiir guriga ku har-yaal hardiyey, waxaana ka dhashay cod weyn oo ay ku salashay Gabadhi oo tiri: Yaa guriga soo galay .. Shiikhi oo si un u naxsan, ayaa ku jawaabay oo yiri: waa anigoo ah Fulan shiikh Qabiila oo kula daris ah .. Xaaski oo iyadu iska Badawiyad ahayed waxay tiri: Bariido fiican oo xiligaan oo kale waqti la isu yimaado ma ahee ee Shiikhow maxaad dooneysa .. Shiikhi ayaa ugu jawaabay: Suleekhaay, waxaan la yabay Aragaaga iyo markaan arkay Quruxdaada, oo caqligi iyo qaalbigiiba waad iga xaday .. Waxay Tiri: Waxba isku diidi-meyne, laakiin waxaan shardi kaaga dhigaya Hal-Xiraale inaad furtid oo haddi aad furtid amase aad garato waxaad doontid ayaan ku fulinaya., isagiina wuxuu ku jawaabay waa ogolahay ee soo daah.


Waxay Tiri:  Hilibka Waxaa Milixa Loogu Rusheeya Si Aanu U Qurmin, Balse Haddi Milxu Xumaado Yaa Hagaajinaaya? waxay intaa si raacisay: Orod Caqligaaga Maal, ciid kasta la kaasho hadaad ka jawaabtid adigaa iska key leh .. Shiikhi wuxuu yiri: Habeen dambe ayaa wixii xal iyo Jawaab ah ku keenaya .. Shiikhi gurigiisi ayuu tagay, wuxuu habeenki ku dhameystay feker, faaqidaad iyo sidu Hal-Xiraalahaa u furi-lahaa, balse wax natiijo ah kama gaarin.


Maalinti Dambe Ragi oo Majliska fadhiya wuxuu weydiiyey Su'aashaan: Si Aan Hilibku U Xumaan Waxaa Lagu Rusheeya Milix, Haddise Milixu Xumaado Maxaa Hagaajinaaya? Ragi Majliska fadhiyey Nin waliba aqoontiisi ayuu kor tagay oo Ninba cala qadarkiisa buu ku jawaabay, balse shiikhi jawaab-toodaas kuma qancin.


Laakiin waxaa golaha fadhiyey nin xikmad iyo garasho dheer murti-yaqaan ah, hasa-yeeshe Ninkaas kama hadlin golahaas waxna ma oran .. Dadki oo mar dambe ka dareeray Majliski, waxaa goobti isku kaliyeystay Shiikh Baladki iyo Ninki Murti-yaqaanka ahaa .. Shiikhi ayaa yiri: War Niyahow adiga su'aashi kama aadan jawaabin ee maxaa jira oo u Aamustay .. Ninki murti-yaqaanka ahaa ayaa yiri: waxaan door biday inaan kaligaa kula hadlo sababto ah Hal-Xiraalahaan aslkiisu wuxuu ka soo jeeda gabay oranaaya: Ragi Cilmiga Lahaayow .. Milixi Beledkow Yaa Hagaajinaaya Milixu Haddu Xumaado? Ninki oo hadalkiisi si wata ayaa yiri: Hal-Xiraalahaan Qof aad ka soo xigataba waxaa loola jeeda: Haddi Nin Qabiilka ka xumaado waxaa hagaajinaaya oo toosinaaya Shiikha Qabiilka sida Milixu hilibka u hagaajiyo oo kale, Laakiin haddi Shiikha, Siyaasiga, Imaam iyo Masuul kasta-ba haddey Fasahaadaan Yaa iyaga Toosinaaya oo hagaajinaaya.


Shiikh Balad Marki loo furdaamiyey Hal-Xeraalhi tala ku baraahsatay ceebey tacaal, balse damiir cana