Toshkent shahrida ko'cha mushuklariga nisbatan zo'ravonlik holatlarining yana avj olishni boshlagan

Insider uz aytishicha, "Mushukkent" loyihasi bir necha yil davomida bu muammolarni tinch yo'l bilan hal qilishga uringan, ammo shahar yana avvalgi yomon holatga qaytgandek ko'rinmoqda.

Muallifga deyarli har kuni ko'cha mushuklariga nisbatan zo'ravonlik holatlari haqida xabarlar kelib tushadi. Ularning ichida mushuklarni zaharlash, qasddan mashina bilan bosib ketish, ularga shikast yetkazish holatlari mavjud. Masalan, bir inson, bolaning oldida mashinada mushukni qasddan urib o'ldirgan. Unga nisbatan huquqiy choralar ko'rish uchun arizalar yozilgan, ammo hech qanday chora ko'rilmagan.

"Yunusobod"dagi "Zamok schastya" turar joy majmuasida bolalar ko'cha mushuklarini parvarish qilayotgan bir paytda, u yerga kelgan yosh yigitlar mushuklarga yomon munosabatda bo'lgan, ularning og'ziga kley quyib, ularni urgan. Bolalar bu haqda huquqni muhofaza qilish organlariga xabar berishgan, ammo ko'pchilik mahalla xodimlari arizalarni qabul qilishdan bosh tortishgani haqidagi ma'lumotlar aytib o'tilgan.

Muallif bunday holatlarga qarshi kurashish uchun video va foto dalillarni ommaga e'lon qilish, huquqni muhofaza qilish organlariga taqdim qilish kerakligi, mushuklarga zarar yetkazayotgan odamlarni jinoiy javobgarlikka tortish zarurligini aytgan.

Youtube | Instagram | Telegram