***
Мен шеър дедим,
“Tелбалик” - дединг,
Бахт йўли бу, сўзимга ишон.
“Ҳаёт - баланд тепалик” - дединг,
“Ғўр шеърларинг оёққа тушов”.

Кечаларда кечарди умрим,
Сўз ахтариб, сени ахтармай.
Ишонмасдим, шеърим туғилиб
Бизни айро қилса бахтлардан.

Мен шеър дедим, сўзлари кескир,
Ўз лафзидан сесканса таним.
Сездим, алам қилганин сездим
Шеърни сендан кўпроқ севганим.

Мен билардим, шеърият – ҳузур,
Ҳузурингга элтмади бу йўл.
Ўғиллар туғ.
Ва сўнгги сўзим
Шеърларимга бошқоронғи бўл.

✏️ Нурмуҳаммад АЗИЗ

https://t.me/zarif_gussa/1