***
Хат юбординг, роҳат юбординг,
Ҳижжаладим ҳовлиқиб, яйраб.
Яноғингдан (эсингда бордир)
ўпич олган кунимдек — байрам.
Чексизликдан чексизми титроқ?
Иштибоҳлар — хазон, янчилар.
Қорахатнинг чандиғи битмай
ўзи кириб келган жангчидай
тасаввурга сиғмас қувончнинг
лабларимда ўйнар жаранги.
Сўзларингда ёсуман сочинг-
нинг муаттар ифори анқир.
Чор тарафга боқдим — жовидон,
Замин кафтдек, қанотсиз учдим.
Шу бир парча мактуб олдида
Менинг бари ёзганим пучдир.
Хат юбординг, роҳат юбординг,
Ҳижжаладим ҳовлиқиб, яйраб.
Яноғингдан (эсингда бордир)
ўпич олган кунимдек — байрам.

📝 Нурмуҳаммад АЗИЗ

https://t.me/zarif_gussa/1