***
Сенга атаб шеър ёздим,
Юрагимни ҳовучлаб.
Бўғзимга келди бот-бот
О, муаттар соғинчлар.

Сенга атаб шеър ёздим,
Ҳар имлоси меҳрдан.
Бу хаёлий муножот,
Эй, кўзлари сеҳргар.

Сенга атаб шеър ёздим,
Руҳим сарҳуш саросар.
Сен Тангримдан мукофот,
Сен Тангримдан жазосан.

Сенга атаб шеър ёздим,
Куйи кўнглимдай ҳазин.
Мени эслатиб бот-бот
Қизчаларинг ёдласин.

Сенга атаб шеър ёздим...

📝 Нурмуҳаммад АЗИЗ

https://t.me/zarif_gussa/1