حرقت قلب ويد"روايه واقعيه"
"الحلقه التالته"..
مشت أبتهاج لمدرسه وتحكي لصحباتها ع الزرده وكل شي صار غادي ورحت وتغدت ورقدت..
وف الليل طلعت أبتهاج لجنان شافت احمد ويوسف مقمعزين وتشوف ف دخان ف يد احمد.،احمد خاف انه أبتهاج تقولها ل امها ،احمد م الخوف مد الدخان ل يوسف.
_أبتهاج👧من لي يدخن؟
_يوسف👦تحسابيه احمد مش احمد راه.
قعدو يضاحكو
_ابتهاج👧ومسكت عليكك حاجه ي احمد.
يوسف مسك يد ابتهاج وحرق يدها ب دخان الوالع.
ومن هنا جا أسم الروايه"حرقت قلب ويد"
توجعت ابتهاج م الحرقه.
_يوسف👦عشان تبطلي بصاصه🌚!
_ابتهاج👧به تمامم وزعلت وخشت.
قعد ينادي فيها يوسف م بتش ترد واحمد قعد يسمط عليها يقوللها ييي اوووي اوييي..
طفى الضي قعدو يولعو ف المحركك متاع الضي،وكملت البنزينه متاع المحرك مشى يوسف جاب بنزينه وعباها وأبتهاج تموت ف شي اسمه بنزينه،شويا و ولع الضي..
مشى يوسف حط المحرك ف المخزن،
_أم أبتهاج👩ابتهاج لمي الحوسه لي ف جنان.
أبتهاج لمت الحوسه شافت المحرك وهي تضعف مع البنزينه،خشو كلهم وقعدت هيا..
قمعزت ع المحركك وقعدت تشم ف البنزينه،لعند معش قدرت تصبي،وكل م تصبي م تقدرش شويا تشوف ف واحد جاي م غادي وقعد يقدم ،..
طلع يوسف جا بيعرف كنها؟
 لقاها دايخه م البنزينه!
معش عرف م يدير رفع أبتهاج وطلع بيها ف الجنان عشان تشم الهواء وقعد معاها لعند وعت.
وبعد وعت قعدت مستكه مش فاهمه شي ويوسف وقعد يهزب فيها معقوله اديري هكي!
سألت أبتهاج يوسف..،
_ابتهاج👧امي عارفه القصه.!
_يوسف👦لالا م حد عارف م مبدري قاعد معاك ونرجا فيك تنوضي.
_ابتهاج👧شكرا عشان م قلتش معايا لحد وقعدت معايا.
_يوسف👦غير بلا طروح وفكيني منهن الحركات هذينا معش اديريهن.
_ابتهاج👧اممباه تمامم
خشت ابتهاج رقدت وفات عليها موعد مدرسه غابت ع المدرسه.،
ولما وعت ابتهاج ..،
 _ام ابتهاج👩 ليش م مشيتي للمدرسه سالتها ويوسف كاين معاهم،
ابتهاج استكت..
_يوسف👦كاينه تقرا لعند الفجر شكلها نعست وفات عليها الموعد
_ابتهاج👧اكيده تو يعاودوه ليا الامتحان.
وكانت ابتهاج خايفه م امها عشان البنزينه ،ومشى اليوم هذك عادي.