Zulxumor Orifjonova

@zulxumor_orifjonova

Channel's geo and language: not specified, not specified

Category: not specified

"She'r mening mehribonimdir..."

Related channels

Channel's geo and language

not specified, not specified

Zulxumor Orifjonova

11 Jul 2020, 23:03

***
Men yo'lning boshida,
kaftimda
bo'g'izlangan gulning yaproqlari jonsiz.
Dunyo ham bu kecha aftidan,
ufqlarga qadar tomonsiz.

To'xtagan xattoki qo'limda soat,
na yulduzga qarab, na oyga yolvorib,
bilmayman nechani ko'rsatmoqda vaqt.

Bog'larda egila boshlaydi shoxlar,
Men esa
tortilgan dorlardan, uzundan uzun,
yig'aman tanasiz o'zimni o'zim.

O'ngimni tushimda soylarga aytib
Qaytsam... daryoga aylanib --
o'zanlarga solmoq kimning istagi?
O, yo'lim tomonsiz, bori imkon deb,
Ming yilki o'zimga qanot izladim.

Izladim,
Topmoqlik ilinji bilan,
Ohanglar oqizib ketgan yo'llarni.
Taskinim, o'shanda ruhimni hech yo'q,
tutib qololmaydi sening qo'llaring...

09.07

Zulxumor

@zulxumor_orifjonova

48 0 0

Zulxumor Orifjonova

7 Jul 2020, 14:18

Biror odam ko'z yosh to'kishingga arzimaydi. Arzigani esa yig'latmaydi.

Gabriel Garsia Markes

72 0 0

Zulxumor Orifjonova

5 Jul 2020, 22:54

02:20

Navro'za Jasurovadan go'zal tuhfa, rahmat qadrligim!

76 0 0

Zulxumor Orifjonova

4 Jul 2020, 23:06

Письмо к женщине — Сергей Есенин

04:41

🌊

86 0 0

Zulxumor Orifjonova

28 Jun 2020, 09:53

***

Bugun yo
ertaga,
eshigimni buzib kirar shamollar,
bari ro'yo bo'lar -
Mendan ketganu,
menda qolganlari bitta xayolda.

bugun yo
ertaga,
devorlar qulaydi,
Soyalar olis
yillar kechmishidan qilar hikoya.
derazaning jonsiz qanotlaridan,
qushlar uchib chiqa boshlar
nihoyat.

Mening kunlarimda yashab o'tgan tun
ufqning bo'g'ziga tiraydi xanjar.
Bugun yo ertaga kipriklarimga,
O, nurlar inadi qanchadan qancha.

Va men ko'chib o'tgum tushimdan butkul,
ketgan soyalarni chizib qaytadan.
Yo'qotganim sari yo'llarim qadar
yarala boshlaydi izing qaytadan...

@zulxumor_orifjonova

139 0 0

Zulxumor Orifjonova

25 Jun 2020, 08:01

(bamdod)

Bu gal,
tong uyg'onar,
to'rt devor ichida -
tergancha zulmatning parchalarini.
Kishanlarsiz qaytib kelgan tushimdan,
Erk bilan siylayman tashnalarimni.

Bu gal tong uyg'onar,
to'rt devor ichida,
oynaga uradi nigohlarini,
O, uning ko'zlari nurtalash,
poyiga yiqilib gunohlarimning,
iqrorini to'ka boshlar ko'zlarim.
Qo'limda gullaydi hayratim --
dunyoni bir chetga surgancha,
minglarcha to'kilar hasratim.

to'rt devor ichida,
shamollar aylanar,
savollar aylana,
javobing kaftimga chizilgan.
So'ng bor ham peshonam poyingga
yiqilsa...
Izn ber!

To'rt taraf bir yo'lni ko'rsatib,
Nur tutar bir qatim,
tugaydi tunlarning fursati.
O, ko'nglim aylanib O'zingga,
Ortimda shafaqlar nuraydi.

qo'limda gullaydi hayratim...

Zulxumor Orifjonova

@zulxumor_orifjonova

107 0 0

Zulxumor Orifjonova

21 Jun 2020, 18:04

Forward from: Nodirabegim

Qo‘llarimda
sindi ko‘zgular,
har gal boqsam —
sen bor eding unda shubhasiz.
O, bizlar kim, sog‘inib yashab,
Tinglolmasak oshiq suhbatin?
Tinglolmasak tun qo‘shig‘ini,
To‘rtta devor jimib yashasa.
Shamollar ham anduhlarini,
derazamga sochib tashlasa…
Rozimisan otmasa tonglar,
borolmasam shahringga qayta,
gar uyg‘onsam yillar oralab,
ismingni ham bilmasdan xatto.
…qo‘llarimda
sinsa ko‘zgular,
va mavjlansa hovuchimda ishq,
gullab chiqar tomirlarimdan,
go‘zal yonish…
sen bor eding unda shubhasiz.

Davomi: https://nodirabegim.uz/archives/2365

Zulxumor Orifjonova. She'rlarNodirabegim | Nodirabegim

(tush) I Deraza ochildi, qulab tushayapman so'ngsizlikka, jim. Hayqira olmayman, va seni chaqira olmayman, yoki ko'zyoshlarga yetmaydi kuchim. Men shundayin

707 0 0

Zulxumor Orifjonova

18 Jun 2020, 22:41

*
Men eplay olmadim,
yomg'irdek to'kilmoqlikni,
Yelkangga bosh qo'yib,
so'ngra dardlar aro yiqilmoqlikni.
Eplaganim faqat tunlar alahsib,
tonglar uchganimmi samosiz qushday?
Sendan ketaverdim kunlar adashib,
Senga eltaverdi poyonsiz tushlar...
Olislab boraman,
yo'qotib - kelganim yo'llar tarxini.
Unutib qo'yaman umrimdagi bir,
muhabbat haqqini,
ishqning haqqini...
Daraxtlar mung'ayar fevral qoshida,
ko'klam hanuz uzoq.
Ortimga boqsam
Kimgadir og'iri tushmasmikan, o
ko'nglim bog'larni yoqib yuborsam...

Zulxumor Orifjonova

@zulxumor_orifjonova

121 0 0

Zulxumor Orifjonova

18 Jun 2020, 21:20

95 0 0

Zulxumor Orifjonova

18 Jun 2020, 21:13

Bir paytlar "Ijod olami" jurnalini qo'limga olganimda juda havasim kelgandi, ilk sonlaridan edi adashmasam. Rosti, anchadan beri gazeta-jurnallarga ijod namunalarni, ayniqsa she'rlarni bermayman. Shuning uchunmi kutilmagan tuhfa bo'ldi. E'tibor uchun katta rahmat! Yuborganlarga alohida tashakkur😊

89 0 0

Zulxumor Orifjonova

16 Jun 2020, 11:53

Forward from: Muhammad Siddiq

* * *
Зулхумор Орифжоновага

Кўнгилнинг энди не ўзга иши бор:
алмисоқ кунидан бери
оламдан
ғамлагани – фақат андуҳи ишқор,
Мен-да, шодон баҳор тилаб қоламан.

Бироқ, куйлаганинг – яна хазонлар,
заъфарон боғлару
эзгин мева – ишқ.
Борар бу ўкткинчи тушлар ҳазорлаб
то ҳаёт ўтмишни этгунча тафтиш.

Қара, бу осмонда эрксиз қушларнинг
қанотилари узра барқ урар иймон.
На бахтга ўнг келар хайру хўшларинг,
на жимликларингдан ёғилар сиймоб.

Ўтар бари сени ўртаган ҳислар,
битар кўз ёшларнинг чуқур излари.
Тўкилар тилингдан чиқмаган сўзлар
ва яшнар дунёнинг ғамгин кузлари.

Мен-да, такрор раво кўрганим – беғам
фақат далда бермоқ:
унутгин, кўнгин!
Балки дошинг етмас, аммо азизам,
бизни асраб қолар яна шу кўнгил.

Муҳаммад Сиддиқ

@Muhammad_Siddiq

354 0 0

Zulxumor Orifjonova

10 Jun 2020, 15:08

Muhammad Siddiq ijodkor yoshlar ichida eng yaqin do'stim, qadrdon ukam. Hamisha xursand qiladi odamni! Men uchun qadrli bo'lgan esseni sizlarga ham ilingim keldi...

https://telegra.ph/Parda-ortidagi-kuz-04-05

Парда ортидаги куз

(эссе) Шеър хусусида гап кетганда, қай йўсинда кўнгилдан тўкилиб, кўнгил тубига қанчалик етиб боришига қараб даражаларга ажратамиз. Руҳиятимизга яқин бўлган шоирларни ўзгача иштиёқ билан ўқиймиз. Уларни оила аъзосидек, яқин қардош, туғишганимиздек ардоқлаймиз. Албатта, уларнинг ёзганлари шахсий қара...

145 0 0

Zulxumor Orifjonova

8 Jun 2020, 21:56

***
Tog'lar sendan so'zlagaydir,
boshim qo’yib,
tinglagayman…
gar bu yo’llar sen tomonga chorlab o`tsa,
umr bo’yi
irmoq kabi tinmagayman.
Sen bilmaysan,
binafshaning lablaridan
sizib chiqqan huzn edi.
Men kechirgan umrlarning hammasini,
allaqachon yashab qo‘ygan o’zim edim.
Gullayotgan qirlarga boq,
qanday g’amsiz ko‘rinadi ko‘zlaringga?
Axir ishq deb, tirilish deb,
xatlab keldim necha-necha kuzlarimni.
Osonmikan tomirlarni yorib chiqqan,
izhorlarning to‘kilmog‘i?
O, men qancha asraganim gulbarglarning
tun bo’g’ziga tiqilmog’i.
Gar kechmoqqa qadar bo‘lsa,
Manzilimga yetmay illo ming asrlar.
Sen ham ketsang, men ham ketsam
bu dunyodan,
bog’lar uchun
nima qolar to’rt fasldan?

Zulxumor Orifjonova

@zulxumor_orifjonova

160 0 0

Zulxumor Orifjonova

6 Jun 2020, 09:45

***
Ma'yusgina boqib o'tar kuz,
Ko'z oldimda yomg'irlar tindi.
Xayollarim kuzning taftida,
isindi...
Men esa ichkarida..
Derazadan uzoooqda sassiz.
Tun qamalgan devorlarimda
Yashayotgan muhabbatmasmi?
Men emasmi ko'zgudagi kuz,
Men emasmi..
o'zimdan qochgan...
Berkinaman darpardalarni
Paypaslayotgan quyoshdan.
Qo'llarimda ko'zikmoqlikdan,
Yashirganim - tuyg'ular g'ijim..
Tashqari chiqaman xazonrez...
Shunday kechar sensiz kechmishim.

Zulxumor Orifjonova
2018.

@zulxumor_orifjonova

119 0 0

Zulxumor Orifjonova

4 Jun 2020, 23:48

Ayol — noyob ijod. U o’zini parchalab, qismlarga ajratib, qalbini “bo’lak-bo’lak” qilib uyib boradi. Va kutilmaganda yana mukammallashadi, avvalgidan ham zo’rroq, avvalgidan ham kuchliroq...

(Manba: telegram).

@zulxumor_orifjonova

263 1 0

Zulxumor Orifjonova

4 Jun 2020, 10:46

***
Yig'lolmayman...
bo'g'zimga tiqiladi
osmonni sog'ingan sadolar.
Xonada yolg'izlik
yiqiladi...
Xo'rsiniqlar qilgan xatodan.

Qarshimda qahraton ayamay,
Ko'ksimga tiraydi tig'ini.
Ko'zlarimda ko'rinadi o,
Sendan qolgan dardning sinig'i!

Bu o‘ylar uzala tushgancha
Oxirini ko'rsatmaydi, jim.
Nahot zulmat bo'shliqlarini
To'ldirmoqqa yetmasa kuchim...

To borliqdan ko‘zlarimgacha,
Tun kirib boradi chuqurlab.
Tashqaridan yog‘ilib kirar,
Maydalab-maydalab uchqunlar...

Unutaman vaqtning borligin,
Tiz cho‘kkancha tunning qoshida.
Va daraxtga aylanamanu,
Tomirimda gullar ochilar...

Zulxumor Orifjonova
2018.

@zulxumor_orifjonova

128 0 0

Zulxumor Orifjonova

3 Jun 2020, 06:06

Cem Adrian - Biz Senle (Official Audio)

04:39

Biz senle
Aynı yağmurdan dökülen
Ayrı dağlardan süzülen
Aynı denizde can veren nehirler gibiyiz..

104 0 0

Zulxumor Orifjonova

1 Jun 2020, 18:27

#eski_sher

***
Xona…
Oʻzimniki emas devorlar,
Oʻzimniki emas eshik tutqichi.
Kuylarga aldanib oʻtadi hayot…
Meni sogʻintirar qushlar uchishi…
Bilmayman yuragim aylangan
Qachondan eshiksiz qafasga.
Men daʼvo qilmayman xattoki,
Koʻksimni toʻldirgan nafasga.
Dengizdan olisda maskanim,
Tushlarim sigʻmaydi uyquga.
Almashib ketganday fasllar
Tobora anglanmas tuygʻuman…
Oʻzimniki boʻlgan yurakning,
Orzusi koʻklarga eltguvchi.
O, baxtman, qachondir topilgan,
Qachondir qoʻlingdan ketguvchi…

Zulxumor Orifjonova

2017

101 0 0