گَللم
نه هوندور نه اوجا داغلارا چیخدیم
ائنیب بو داغلارین دوزونه گَللم
گؤزومده گؤزللیک باشیم دا هاوا
قلبیمده عشق آدلی خزینه گَللم
دویغولار موقّدس فیکیرلر درین
دویدوم معناسینی خئییرین شرین
یولوندا چیخدیغیم حقیقت لرین
قاییدیب یولونا ایزینه گَللم
زیروه لر توتغوندو یوللار دوماندی
کَدر ابدی دی سئوینج بیر آندی
یامان آداملارین اوزو یاماندی
یاخشی آداملارین اوزونه گَللم
شیمشکلر اود سالار طوفانلار داوا
دورولار بولانار قاریشار هاوا
قوینونا چاغیرار منی یورد یووا
دورو بولاقلارین گؤزونه گَللم
قوجالیق دیلینده دینمک واختیدی
بوداقدان کؤکلره دؤنمک واختیدی
گؤیلردن یئرلره ائنمک واختیدی
باش قویوب آنامین دیزینه گَللم
زلیم خان یعقوب
@zxsdhdfgdsd45
نه هوندور نه اوجا داغلارا چیخدیم
ائنیب بو داغلارین دوزونه گَللم
گؤزومده گؤزللیک باشیم دا هاوا
قلبیمده عشق آدلی خزینه گَللم
دویغولار موقّدس فیکیرلر درین
دویدوم معناسینی خئییرین شرین
یولوندا چیخدیغیم حقیقت لرین
قاییدیب یولونا ایزینه گَللم
زیروه لر توتغوندو یوللار دوماندی
کَدر ابدی دی سئوینج بیر آندی
یامان آداملارین اوزو یاماندی
یاخشی آداملارین اوزونه گَللم
شیمشکلر اود سالار طوفانلار داوا
دورولار بولانار قاریشار هاوا
قوینونا چاغیرار منی یورد یووا
دورو بولاقلارین گؤزونه گَللم
قوجالیق دیلینده دینمک واختیدی
بوداقدان کؤکلره دؤنمک واختیدی
گؤیلردن یئرلره ائنمک واختیدی
باش قویوب آنامین دیزینه گَللم
زلیم خان یعقوب
@zxsdhdfgdsd45