#السلام_على_المعذّب_في_قعر_السجون_وظُلَم_المطامير



يا موسى ابنْ جعفر الك مشايه
شيعه ونظل طول العمر وفايه

........

نارك يبن حيدر علي تچْوينه
جينالك وحادي البچي ايمشّينه
( هذا الغريب منين ) من نادينه
نزلت ملائكة السمه بچّايه

........

جينه ونشوف الزهره تتلگانه
حتى النجم والطير يبچي ويانه
عين المواكب للبچي عطشانه
ولدجله مشّاي الفرات ومايه

........

منك يباب الله ولا طلبنا
ابلا غايه .. غير انت نبض گلبنا
من جاري غيرك گطره ما شربنا
اي والذي لسكينه منطي احچايه

........

اتعلّمني أمي امن الزغر عالخدمه
( يا موسى ) گول بطيحتك مو ( يمّه )
للكاظم الما يمشي شله بجدمه
اتشد راسي لو يوم اشتكي بالرايه

........

ابفارغ صبرنه ننتظر أيامك
يا بخته ذاك الصار من خدامك
هاي بگلبنا اجروحك وآلامك
اجروحك مثل جدك چبيره هوايه

........

يا سيدي أبقه لأخير أنفاسي
خادمكم وهالخدمه رفعة راسي
گلبي حُسيني .. والنبض عباسي
وموسى بن جعفر مسندي بدنيايه

........

خادم باب المراد
#أحمد_هادي_الشمري