فريـت بدروب الفـله انه رقيه
هظموني وانه امدلله انه رقيه
امشــي وادور ويــن
مطروح ابوي حسين انه رقيه

--------------
متعنــيه وأبعــيد الدرب عـنك يراعي الشيــمه
يابويه بـنتك من رحــت حرگـــو علـيه الخيـمه
وين امشي مامش راي الي وانمرد گلبي ابظيمه
ومــتروس سلابـه الدرب وابلا امـــاان الهيــمه

رعبتني والخيل اشكثر لمن اجتني
خفت وركظت ع الجمر لمن اجتني
وعمري انه ثلث اسنين
مطروح ابــوي حسين أنه رقيه

-------------------------

ابيا موقف ابدي وياهظم وابيش اسولف احتار
احترگت خيم والبخــيم نسوان صــارت طشار
الــما تنظرب مــن العـــدو حرگــته جويات النار
وابلا حمــايه الحرم وشفت الـعدو اعلينه اندار

سلبو تراچي وصحت اه يابو فاظل
واشكثر بيكم حشمت اه يابو فاظل
مــثل الزجيــه العـــين
ومطروح ابوي حسين أنه رقيه


---------------------------

ابعيد الدرب من امشي بي أتنخه گمت ابحيلي
لـو اطيح انه ابنــص الــدرب ياهووه اليتچيلي
أزغير حيلي ع الهظم وما امشي وحدي ابليلي
وارد اوصل ابصف الابو واسئل يبويه احچيلي

ارقيه العزيزه ابمصرعك ها ياحبيبي
گـلي يـبويه اشــيوجعك ها ياحبيبي
وتسمعلي ادري وانين
مطروح ابوي حسـين أنه رقيه

----------------------------

ها ياعزيز ام الحسن مطروح فــوگ التـربان
يــابعــد بتـك يلشــهم منلعطش هلـگد ذبـلان
من ادموعي أگعد أرتوي ادريك نايم عطشان
حاچيني تدريبه الگلـب من المناشغ خلصـان

الجروحك الحيل انهدم هاي الفجيعه
ومنسلب حتى من الهدم هاي الغجيعه
مـــن حيره امنيـــن
ومطروح ابوي احسين أنه رقيه

------------------------------

ياريت انه ابهذه العمر ينذبح طــول اسنيــني
وياريت عميه (حتى لا) تنظر اجروحك عيني
ها يلحنين ارقيــه انــه جــرح الكلــف راويني
وياجــرح ظاهــد حيـــلك وباالثـــگلك دليـني

واكبر اجروحـك عمتي لمن شفته
واخنگت عبرتك عثرتي لمن شفته
عذبني حيـــل البين
مطروح ابوي حسين أنه رقيه

-------------------------------

أهنـــانه اخــر لــيله اظــل يمـك وانــام ابكتــرك
من طحت گلولي اشجرى مااجيك والچم صدرك
وما بوسك اعرف بالـدرب السـهم بايـس نحـرك
ارد ابقى يــمك للصبـــح وغفى علشــمت عطرك

ماشم بعد عطــــرك ابد يابويه صعبه
وازغيره واگليبي انمرد يابويه صعبه
وللموعد انطــر زيـــن
ومطروح ابوي حسين أنه رقيه