Bir ayol Rosulullohning huzurlariga eridan shikoyat qilib keldi. Eri doimo uyiga mehmon chaqirib ziyofat berar, bu esa, ayolga ortiqcha tashvish, mashaqqat va charchoq keltirar edi.
Ayol Rosulullohning huzurlaridan oʻziga maʼqul boʻlgan joʻyali javobni ololmadi.
Bir fursat oʻtgach, Rosululloh ayolning erini chaqirdilar va:
-Bugun men sening uyingga mehmonga boraman,- dedilar.
Er oʻzida yoʻq xursand boʻlib uyiga qaytdi va bu haqda ayoliga xabar berdi. Oʻz navbatida ayoli ham bu xabardan juda xursand boʻldi va turli-tuman lazzatli taomlar tayyorlashga urinib ketdi. Chunki, uning uyiga Rosululloh mehmon boʻlib kelayotgan edilar.
Rosululloh mehmonga kelib, ayolning rozi ekanligini, Rosulullohni mehmon qilganidan xursand ekanligini koʻrdilar.
Rosululloh mehmondorchilikdan qaytib ketayotganlarida erini chaqirib:
-Men eshikdan chiqib ketayotgan vaqtimda ayoling eshikka qarab tursin,- dedilar.
Ayol Rosulullohning ortlaridan eshik tomonga qarab turgan edi, Rosulullohning orqalaridan har xil hasharotlar, chayonlar, zararkunanda jonvorlar ham ergashib chiqib borardi. Bunday qoʻrqinchli holatni koʻrgan ayolning qoʻrquvdan esi ogʻib qolay dedi. Shunda Rasululloh ayolga qarab:
-Xuddi shunday, har gal uyingizdan mehmonlar chiqib ketayotganda oʻzi bilan uyingizdagi balo-ofatlarni, zararkunanda hasharot va jonivorlarni olib chiqib ketadi, dedilar.
Mehmonni izzat-ikrom qilishning hikmatlaridan biri shu.
Koʻp mehmon keladigan uy Alloh yaxshi koʻradigan uydir. Kattayu kichikka eshiklari ochiq boʻlgan uyga Allohning rahmati va barakoti nozil boʻladi.
Rosululloh sollallohu alayhi vasallam:
“Agar Alloh taolo biror qavmga yaxshilikni iroda qilsa, unga hadya beradi”, dedilar.
Sahobalar: - U qanday hadya? -deb soʻradilar.
Rosululloh: - U oʻz rizqi bilan keladigan va ketayotganda oʻzi bilan xonadon ahlining gunohlarini olib chiqib ketadigan mehmondir, dedilar.
Shuning uchun ham mehmon atoi Xudo deyiladi.
Rosululloh sollallohu alayhi vasallam shunday marhamat qilganlar:
“Kim Allohga va oxirat kuniga imon keltirgan boʻlsa, mehmonni ikrom qilsin”!
@dadasining_qizi97🫰
