‏" نعاتبك علاش على حاجة أنت عارف وأنت ادير فيها إنها حـ تضايقني ؟ "

عارف انا علاش بعدت عليك ؟..
علي خاطر كل مره كنت نقولك الحاجات اللي تضايقني و مع ذلك ادير فيها ..
مع كل مره كنت ادير حاجه تضايقني "كانت معزتك عندي تقل بالتدريج" ..
و لما كنت نجي عاتبك تقولي "مش قصدي "
انت ماحسيتش ب اللي انا حاسيته لما درت الحاجه اللي تضايقني ..
متحكمش علي الموقف الي انا فيه غير لما تكون مريت بـ نفس الموقف !..
رغم انك لما قلتلي الحاجه الي تضايقك "احترمتك رغم انك مااحترمتنيش " ..
تعرف شن يعني احترام ؟
- يعني انك تحترم الحاجه اللي تفرحني حتى لو كانت حاجه تافهة جداً ..
الاحترام انك تخاف علي زعلي ..
تخاف انك تضايقني .. تخاف عليا
الحب مايسواش شي من غير "احترام"
تعرف امتى نعرفو علاقتنا فيها احترام ولا لا ؟
في نهايتها ..
النهايه هي اللي تقول البدايه كانت كيف ..
نشوفو منو فينا اللي ولد ناس و اتربى ..
مش قصدي انك مش متربي ..
كلنا متربين ..
بس كل واحد بشكل غير التاني ..
و في اشكال هلبا احسن من شكل تربيتي و تربيتك ..
انا بعدت عليك بنقص عتاب ..
الي هو انا لو عاتبتك تاني ، عارفه انك حـ ادير اللي يضايقني تاني !..

انا هكي شن استفدت لما عاتبتك علي حاجه انت عارف انه حـ تضايقني ؟