- أني إنسانه مُتصالحَه مع نفسي وعيُوبي جداً ، متصالحه مع كُل شيء أخي ، أني إنّسانه نحب نقاط ضعفي وديما معتِرفه ونقول فيها ، أني انسانه نحب نمشي ب نياتي وطيبتي هلبا وعارفه إن لِ يخدم بِ طيبته ونياته حيمشي القدام فِ كل شيء ، نحب حالاتي ومزاجيتي وعنادي وكل شيء فيا ومرات حت يضايقو فِ الناس لِ قريبه ليا ، نحب لِ يميزني ع غيري ، أني انسانه منخافش من شيء منخافش من فقدان شخص ولا الانسان هادا يمشي فجأة لاني إنسانه نفسي عزيزه ونحب روحي بطريقه متُوصفش ، أني الانسانه لِ مقتنعه إن الشخص او العلاقه لِ نشوف ف روحي نستاهلها والمكانه ليا مش حننسحب منها وحنتمسك فيها بكل لِ فيا ، إنسانه يصعب ع حد يكسرها وإنسانه متصالحه ومقتنعه إن الشيء لِ ليا مش حياخده غيري ومتصالحه تاني مع فكره إن وراء كل شيء حكمه يعلمها الله ، وأي شخص كسر شيء فِ داخلي نعرف إن الله سيصلحه بنفسه 🤍🤍.