سكر ولوز ?

#نصائح لمقابله او تقديم مشروع
_انتبهي الطريقه كلامج ونبرة الصوت
تكون هادئه مو عالي صوتج لو تحجين
سريع لو بطيييئ . .
_لاتتحركين هوايه خليج ثابته بمكان
واحد واستعيني بالحركات بس لاتكثرين
وخلي الحركات بسيطه ومفهومه للمشاهد
_الابتسامه اول متجين امام الاساتذه او
الطلبه . . اي كان الحضور ابتسامه تدل
على ثقتج بنفسج ومدى اهتمامج . .
ابتسامه مو ضحكه . .
_الاناقه هم الها دور الج وللمقابل
تنطي دلاله على ثقتج بنفسج البسي
البسيط والانيق ابتعدي عن الكاجول
والبسي رسمي واللوان هادئه اكسسوار
بسيط ساعه او محبس المهم لاتكثرين
ومكياج كذالك لاتخلين الصارخ رايحه
المقابله وليس حفله . .
_انطي مجال للمقابل بعرض سؤاله
وكوني مستعده للجواب ولاتوترين
وتربكين نفسج . . استبدلي بتعبيرات
ثانيه اذا استصعبتي الجواب . . مثل
ممكتوب بالورقه
_بحال معرفتي جواب ع سؤال معين
لاترتبكين وجاوبي لااعلم . . درستها
بكتاب بالاداره من خطوات المقابله
الاجابه ب لا اعلم لان تعتبرالمصداقيه
بالجواب من اساسيات التقديم
والمقابله . . وياخذونه بعين الاعتبار
المقابل فهمتي . .
_هوايه قريت ودائما يذكرون الثقه
بالمقدمه ثقي بنفسسج 😌 . . ونامي
زين ووتغذي زين قبل يوم المقابله . .
حاولي ترروحين بعيون مفتحه مو
نعسانه وشبعانه نوم ونشيطه 💪
اتمنى اكون قدمت لج بعض من النصائح
الي راح اساعدج ❤️

#سلسلة_نصائح #العودة_الى_الدراسة
#نصائح 💪 School _ Learn 💕
1. الهدف . . خلي هدف المستواج
الدراسي حتى لو جنتي بالمتوسط حطي
هدف لهل سنه انو ماتنزلين عن ٨٠ مثلا
بأي ماده . .ركزي عليها وحطيها ببالك
2. ابتعدي عن مسببات والملهيات للدراسه
والي ذكرناهن البارحه وانتبهي لاتوكعين
بنفس الخطأ الي غيرج وكع بي
اكو وكت للموبايل اكو وكت للصديقات
للاهل للونسه . . لاتاجلين دراستج
لغير يوم . . اقري يوم بيومه . . لاتغيبين
لاتتكاسلين خليج نشطه من اول يوم
ولاينكسر واهسج . . الثقه والحاله
النفسيه انتبهيلهن والمشاكل الشخصيه
العائلية لاتخليها ادمرج وتكون سبب
خمولج بالعكس اشردي منهن بالدراسه💪
3. ايمانج برب العالمين حاشاه ان يخيب
ظن شخص . . لو يضيع تعب شخص
درس وتعب وسهر وحرم نفسه من اشياء
هوايه خلال السنه بالنتيجه راح يحصل
ثمرة نجاحه ويستاهل 💪😍 لان تعب
مستحيل اكو نجاح من غير تعب واراده
لكل فعل ردة فعل 😉
4. صلاتج لاتنسيها وتتركيها اتصلي برب
العالمين من خلال الصلاه وادعي واخذي
القوه منه 💪 بدون الصلاه ماكو توفيق
من الله سبحان وتعالى . .
5. انتبهي الاكلج اله تاثير على الذكاء
وخلي اكلج صحي بعيد عن الدهون
والاكلات المشبعه بالدهون . .
💪 اخير شي اذكرو ماكو انسان فاشل
بس اكو خمول وتكاسل واهمال من البشر👍 #اسوكه لااحلل اخذ المنشور بدون
حقوق

نكتفي بهذا القدر من النصائح اتوقع كل
الاسباب انجمع هنا . . يارب تستفادون
ولو بنصيحه وحده تضلون تفكرون بيها
❤️ وتصحيكم اذا جنتو نايمين احجو
ويه نفسكم عاهدوها هل سنه غير هل
سنه مو نجاح تفووق اعلى من النجاح
💪 مركز اول بين الطلاب درجات
عاليه . .

ربج ماينساج وكل خلو شي بالكم مستحيل رب العالمين يضيعلكم تعب وسهر وحرمان ومعانه دقيقه وحده قريتو بيها ف خليكم مطمئنين التعر ميروح وكلمن يحصل على كد تعبه . .

الهدف هو من ضمنه فرحه الاهل 😍

ماكدر اعلق ع كلامها لان كل كلمه الحجتها صح وواخر سطر اقروو اكثر من مره . .
الكل اذكياء بس الاهمال مسيطر علينه 👍👍👍

فدوه شهل روح الطيبه العدكم ع هل
نصائح . . لعد انطيكم معلومه الاجبان
تغبي ف قللوها بالدوام وكثرو زبيب
مكسرات فواكه 😍

مو بس التلي بشكل عام الموبايل حيل
يدمر الافكار والواهس واكو طريقه ابد
متعجبني مرات اسئل البنات الي وياي
واشوفهن يقرن لو لا جواب واحد لا
مفاتحين شي . . وتالي يجي الليل
الكاهن متصل لان مكملات الماده واني لا
😂 هل شي اكبر غلط لاثقين بصديقاتج
بالدراسه لان محد تحب تظهر شطارتها
للغير وطريقه دراستها فهمتو عليه وهم
راح تكسر واهسج وتخليج تقرين الماده
مستعجله لان تكولين مالحك هي مكمله
قبلي وهذا غلط . . الافضل تغلقين
للجهاز طول اليوم وتكملين دروسج
وتفتحي للاحتياط وانتي المرتاحه وانتي
الملكه 😍💪

قبل ماافتح السايت جنت اكلب بسناب
الدكتوره هند وسبحان الله جانت تتكلم
عن الدراسه نصائح و فكرت انشرها
الكم . . قريت كاتبه لازم تتبعون طريقه
المنافسه مو بس تجاه صديقاتكم لاا ويه
نفسكم اتحدي نفسج انو تاخذين درجات
هل سنه متقل عن ٨٠ عن ال ٧٠ وهي
نفسها كالت اني هيج جنت متبعه هل
طريقه بالدراسه