Milliy sertifikat || Dildora Tojidinova

#qitʼa_tahlili

“Badoye' ul-vasat”dagi 33-qit’a tahlili:

Xo‘bkim shamoyilida onsiz bo‘lg‘ay, ani suratqa tashbih qilibdurki, jonsiz bo‘lg‘ay.
Xo‘bkim, yo‘qtur shamoyil birla shirin so‘z anga,
Saydi bo‘lmas el, nechakim bo‘lsa zebo suvrati.
Xil’atin zarbaft debodin gar etsun bil yaqin,
Kim namudor ichradur zarbaft debo suvrati.

Lug‘at:
Xo‘b – chiroyli, go‘zal;
Shamoyil – xulq, axloq;
Sayd – ovlamoq, o‘ziga tortmoq;
Xil’at – hashamatli kiyim, sarpo;
Namudor – ko‘rinishli, ko‘rinib turgan;
Debo – nozik va nafis naqshlar solib to‘qilgan ipak mato.

Nasriy bayon:
Chiroyli husn sohibining axloqi go‘zal bo‘lmasa, uni jonsiz suratga tashbeh qiladilar
Chiroyli husn sohibida go‘zal axloq va shirin so‘z bo‘lmasa, ko‘rinishi har qancha zebo bo‘lsa ham, el unga ko‘ngil bermaydi.
Bilki, bu kabilar zarbaft ipakdan hashamatli kiyim kiydirilgani bilan nozik mato suratidan o‘zga narsa emas.

Badiiy san’atlar:
Kalomi jome’ – nasihat;
Baroati istehlol – she’r boshida mazmunga ishora;
Takrir – zarbaft debo;
Tanosib – zarbaft debo, xil’at;
Tazod;
Tashbeh – fe’l-atvori yaxshi bo‘lmagan go‘zallar jonsiz suratga o‘xshatilgan.

Xulosa: go‘zal xulq va shirin so‘z sohibi bo‘lish targ‘ib qilingan.

https://t.me/MS_DildoraTojidinova

#qitʼa_tahlili

“Badoye’u-l-vasat”dagi 37-qit’a tahlili:

Shah lutfi om bo‘lsa ham, barchag‘a teng tarbiyat bo‘lmasqa jihat aytur va xurshiddin ravshan dalil ko‘rgizur
Shah lutfi garchi bo‘lsa ko‘p, qobil topar nash’-u namo,
Bevajhdur, bu nuktaga har kimsakim diqqat tutar.
Garchi quyoshtin parvarish olam yuziga omdir,
Sahroda qumg‘og‘-u tikan, bo‘stonda sarv-u gul butar.

Lug‘at:
Lutf – marhamat;
Om bo‘lmoq – ko‘pchilikka yoyilmoq;
Nash’-u namo – o‘sish;
Bevajh – besabab, o‘rinsiz, dalilsiz;
Nukta – nozik ma’noli so‘z;
Diqqat tutmoq – e’tibor qilmoq, sinchiklab qaramoq;
Butmak – ko‘karmoq, o‘smoq.

Nasriy bayon:
Shoh barchaga bir xilda marhamat ko‘rsatsa-da, bundan barcha teng bahramand bo‘la olmasligiga quyoshdan yaqqol dalil keltirmoq
Garchi shohning lutfi ko‘p bo‘lsa ham, bundan faqat qobiliyatli kishi bahramand bo‘ladi, “o‘sadi”. Bu fikrga har kimki shubha bilan qarasa, o‘rinsizdir.
Masalan, garchi quyosh olamga bir xilda nur sochsa ham, sahroda qumg‘og‘-u tikan, bo‘stonda esa sarv-u gul bitadi.

Badiiy san’atlar:
Tamsil – 2-bayt;
Baroati istehlol – she’r boshida mazmunga ishora;
Kalomi jome’ – nasihat;
Tazod – sahro, bo‘ston;
Tashbeh – shoh quyoshga o‘xshatilgan.

Xulosa: qobiliyat, iste’dod ulug‘langan.

https://t.me/MS_DildoraTojidinova

Diqqat! ⚡️

Noyabr oyidagi milliy sertifikatga topshiruvchilar uchun tezlashtirilgan onlayn esse kursi ochiladi. Esse yozishda qiynaladigan, esse ballini koʻtarmoqchi boʻlgan ustozlar, abituriyentlar bemalol qatnashishi mumkin.

Darslar 15-oktyabrdan boshlanadi.

Haftada 6 kun esse yoziladi.

Guruhga 10 ta odam olinadi, ulgurib qoling.

Kurs narxi - 125 ming soʻm. Boʻlib toʻlash imkoniyati mavjud.

Murojaat uchun @DildoraTojidinova ga yozing.

Milliy sertifikat kanalimizga aʼzo boʻling 👉 https://t.me/MS_DildoraTojidinova 👈

Assalomu alaykum, hurmatli obunachilar, quyidagi kanal linkini ona tili va adabiyotga doir 5 ta guruhga yuborib, skrinshotini @DildoraTojidinova ga tashlasangiz, siz yozgan esse tekshirib beriladi.

Ona tili va adabiyot fanidan milliy sertifikat kanali linki:

https://t.me/MS_DildoraTojidinova

https://t.me/MS_DildoraTojidinova

https://t.me/MS_DildoraTojidinova

Hurmatli obunachilar, bayram munosabati bilan esse kursi toʻlovini ikkiga boʻlib toʻlashingiz mumkin. Joyni hoziroq band qiling. Keyin kech boʻlishi mumkin.

#gʻazal_tahlili

7. Qoshi ollinda Navoiy bersa jon ayb etmangiz,
Gar budur mehrob, bir-bir qo‘yg‘usidur barcha bosh.

Nasriy bayon:
Navoiy yor qoshi oldida jon bersa, aybga buyurmang. Agar u mehrob bo‘lsa, barchaning birma-bir bosh qo‘ymog‘i tayin.

Badiiy san’atlar:
Tashbeh – yor qoshi mehrobga o‘xshatilgan;
Mukarrar – bir-bir;
Izdivoj – qosh, bosh;
Tanosib – qosh, bosh;
Ideoma – jon bermoq;
Alliteratsiya – “b”;
Tamsil – 2-misra.

https://t.me/MS_DildoraTojidinova

#gʻazal_tahlili

6. Umri jovid istasang fard o‘lki, bo‘ston Xizridur –
Sarvkim, da’b ayladi ozodalig‘ birla maosh.

Lug‘at:
Jovid – abadiy, mangu;
Fard – yakka, yolg‘iz, ajralgan;
Da’b aylamoq – odat qilmoq;
Maosh – yashash, hayot kechirmoq.

Nasriy bayon:
Abadiy hayot istasang fard bo‘l. Chunki sarv yolg‘iz hayot kechirmoqni odat qilgani uchun bo‘stonning Xizriga aylandi.

Badiiy san’atlar:
Kalomi jome’ – nasihat;
Tashbeh – sarv Xizrga o‘xshatilmoqda;
Talmeh – Xizr;
Tamsil – 2-misra;
Tanosib – sarv, bo'ston.

https://t.me/MS_DildoraTojidinova

#gʻazal_tahlili

5. Novaking ko‘nglumga kirgach jon talashmoq bu ekin,
Kim qilur paykonini ko‘nglum bila jonim talosh.

Lug‘at:
Talosh qilmoq – talashmoq.

Nasriy bayon:
Kipriklaring o‘qlari ko‘nglimga kirmog‘i – jon talashmoq ekan. Negaki bu paykon ko‘nglim bilan jonim o‘rtasida talash bo‘lmoqda.

Badiiy san’atlar:
Istiora – novak;
Takrir – ko‘nglum;
Mutarodif – sinonimlarni qo‘llash: ko‘ngil, jon;
Tajnis – jon talashmoq, jonim talosh.

https://t.me/MS_DildoraTojidinova

#gʻazal_tahlili

4. “Bo‘saye qilmas muruvvat asru qattiqdur labing”
Desam, og‘zi ichra aytur: “La’l ham bor nav’i tosh”.

Nasriy bayon:
“Labing juda qattiqdir, bir bo‘sa muruvvat qilmaydi” desam, og‘zi ichra aytadiki: “la’l ham toshning bir turi-da”.

Badiiy san’atlar:
Istiora – “qattiq” so‘zi “baxil” ma’nosida; la’l;
Iyhom – qattiq: 1. Qattiq. 2. Baxil;
Savol-u javob – desam, aytur;
Tanosib – og‘iz, lab;
Tashbeh – yor labi la’l toshiga o‘xshatilgan.

https://t.me/MS_DildoraTojidinova

#gʻazal_tahlili

3. Bu damodam ohim ifsho aylar ul oy ishqini,
Subhning bot-bot dami andoqki aylar mehr fosh.

Lug‘at:
Damodam – uzluksiz, ketma-ket;
Bot-bot – tez-tez.

Nasriy bayon:
Subhning tezkor damlari quyoshni fosh qilib qo‘ygani kabi to‘xtovsiz chekayotgan bu ohlarim u oydek go‘zal yorga bo‘lgan ishqimni oshkor qilib qo‘yadi.

Badiiy san’atlar:
Istiora – oy;
Tanosib – subh, mehr;
Mukarrar – bot-bot;
Ishtiqoq – ifsho, fosh;
Tardu aks – ifsho aylar, aylar fosh;
Tamsil – 2-misra;
Tashbeh – oshiqning ohi subh damiga, ishqi esa quyoshga o‘xshatilgan.

https://t.me/MS_DildoraTojidinova

#gʻazal_tahlili

2. Qut bir bodom-u yerim go‘shayi mehrob edi,
G‘orati din etti nogah bir balolig‘ ko‘z-u qosh.

Lug‘at:
G‘orat – yakson, barbod;
Go‘sha – burchak, chekka joy.

Nasriy bayon:
Nasibam bir bodom-u, yerim esa mehrob cheti edi. Nogoh bir balo yog‘diruvchi ko‘z-u qosh egasi dinimni yakson qildi.

Badiiy san’atlar:
Istiora – “ko‘z-u qosh” yor ma’nosida;
Mukarrar – ko‘z-u qosh;
Tanosib – din, mehrob;
Takrir – bir;
Alliteratsiya – bir bodom, bir balolig‘.

https://t.me/MS_DildoraTojidinova

#gʻazal_tahlili

1. Orazin yopqach ko‘zumdin sochilur har lahza yosh,
O‘ylakim paydo bo‘lur yulduz, nihon bo‘lg‘ach quyosh.

Nasriy bayon:
Yor yuzini yopgach ko‘zimdin har lahza yosh sochiladi. Bu go‘yo quyosh yashiringach yulduz paydo bo‘lishiga o‘xshaydi.

Badiiy san’atlar:
Tamsil – 2-misra;
Tashbeh – oshiq ko‘z yoshlari yulduzga, yor jamoli quyoshga o‘xshatilgan;
Tazod – nihon, paydo;
Tanosib – yulduz, quyosh;
Mubolag‘a;
Husni matla’ (Husni ibtido) – matla’ning o‘quvchini hayratlantiruvchi darajada go‘zal bo‘lishi.

https://t.me/MS_DildoraTojidinova

#gʻazal_tahlili

Orazin yopqach ko‘zumdin sochilur har lahza yosh,
O‘ylakim paydo bo‘lur yulduz, nihon bo‘lg‘ach quyosh.

Qut bir bodom-u yerim go‘shayi mehrob edi,
G‘orati din etti nogah bir balolig‘ ko‘z-u qosh.

Bu damodam ohim ifsho aylar ul oy ishqini,
Subhning bot-bot dami andoqki aylar mehr fosh.

“Bo‘saye qilmas muruvvat asru qattiqdur labing”
Desam, og‘zi ichra aytur: “La’l ham bor nav’i tosh”.

Novaking ko‘nglumga kirgach jon talashmoq bu ekin,
Kim qilur paykonini ko‘nglum bila jonim talosh.

Umri jovid istasang fard o‘lki, bo‘ston Xizridur –
Sarvkim, da’b ayladi ozodalig‘ birla maosh.

Qoshi ollinda Navoiy bersa jon ayb etmangiz,
Gar budur mehrob, bir-bir qo‘yg‘usidur barcha bosh.

Vazn:
Fo-i-lo-tun / fo-i-lo-tun / fo-i-lo-tun / fo-i-lon /
– V – – / – V – – / – V – – / – V ~ /
Ramali musammani maqsur

Qofiya: yosh, quyosh, qosh, fosh, tosh, talosh, maosh, bosh.
Raviy: “sh” undoshi.
Qofiya turi: muqayyad qofiya.
Ridf: raviydan oldingi “o” unlisi.

https://t.me/MS_DildoraTojidinova

Qabul yakunlandi. Darslar 16-sentyabrdan boshlanadi.