Ko'makchilar yetakchi so'zga bog'lanib, unga turli qo'shimcha ma'nolar yuklaydi. Quyida bilan buni ko'makchisi misolida ko'rib o'tamiz.
bilan ko'makchisi:
🖇 vosita ma'nosi: bunday holatda, asosan, narsa bildiruvchi otlar bilan birga keladi va nima bilan? so'rog'iga javob bo'ladi va bilan ko`makchisining o`rniga yordamida so`zini qo`yish mumkin bo`ladi:
Salim shaharga avtobus bilan keldi.
Bola suratni qalam bilan chizdi (Bola suratni qalam yordamida chizdi)
🖇birgalik ma'nosi: bunday holatda, asosan, shaxs bildiruvchi otlar bilan birga keladi va kim bilan? so'rog'iga javob bo'ladi:
Marjona onasi bilan telefonda gaplashdi
Yoki bilan ko`makchisidan keyin birga so`zini qo`yish mumkin bo`ladi: Men Akam bilan bozorga bordim (Men akam bilan birga bozorga bordim).
🖇payt ma'nosi: bunday holatda, asosan, harakat nomi bilan birga keladi va qachon so'rog'iga javob bo'ladi:
Nafisa uyga kirishi bilan yig'lab yubordi.

🖇holat ma'nosi: bunday holatda, asosan, mahvum otlar bilan birga keladi va qay holatda? so'rog'iga javob bo'ladi:
Qizcha she'rni hayajon bilan o'qidi.

https://t.me/Ona_va_adabiyot_Muhammadiyev