نعي بحق علي الاكبر وعبدالله الرضيع
---------------------------------------
احاه يالولــــــــــد نارة سرية
تظل حسرة مصابة للمنية
راح بساع الاكبر من ادية
لعميها يبوية اعليك عيني
---------------------------------
الميتلة عزيــــــــز وراحــــل بساع
نهار وليل يذكر يوم الــــــــوداع
والاكبر بين ادية ويرفس الكَاع
يبوية ما بطــــــل لجلك ونيني
-----------------------------------------
يبعد الروح فك عينك يالاكبر
انــــــه بلــــــــياك دلالــــــي تمــــــرمر
تريــــد الماي وانة عــــليه مكَدر
اخير وداع هالبينك وبيــــــني
------------------------------------------

نعي بحق عبدالله الرضيع لسان حال الرباب
-----------------------------------------
يسباح الكَلب يا شوف العيون
يعبدالله الدليل اعليك محزون
يفت الروح يفراكَ الزغــــــيرون
انــــــدهك ما تــــرد جــــــواب لية
------------------------------------------------
نحرك يوجعك يا يمة لو لاه
احا يالــــــــولد يا حــــسرة رباه
مثل عمر الورد ماعرف دنياه
تفرهد يا خلكَ من بين ادية
------------------------------------------------
ركَبتك موش مالت ذبح يبني
بساع بساع يــــــمة رحت عني
مــــــن راح الــــــولد ياروح ونــي
يعــــبدالله شعــــــمل فركَاك بية
------------------------------------------------
خالي يظل مچانك من اصد ليه
اهــــــــزن بالمــهد يــــبني واناغــــيه
وحشة البيت شالت زهرتة البيه
تمنــــــيت اندفــــن يمــــك ســــــوية
------------------------------------------------
السهم چتال وانتة طوير جنة
يبنــــي وداع منــــك ما شبــــعنة
خذاك البــــين يمة بــــــساع منة
يبني منين اجتني الغاظرية
------------------------------------------------
زغير وما سمعتة يكَول چلمة
بساعة ذبحــــــتة ياريــــــــت يمة
من ذبحوا ركَبتك صحت يمة
لــــو مالحــــــكَت تنــــده عــــــــلية

أسالكم الدعاء رائد الاسدي