#dentists_say
الكونتراااااا تتتعقم ولا لأ
علشان اكون رضيت ضميري 👌🏻(رداً علي بوست حرام متعقمش الكونترا)
" High speed Handpiece"
ده كلام دكاترة من الخليج و من المغرب و من الشام و العراق و مصر
(ملخص كلامهم و شوية معلومات صغيرة جنبها منهم)
١- الكونترا مش بتبوظ من التعقيم و لو باظت تبقي نوع ردئ جداً
"و حتى لو بتبوظ قدام ربنا تبوظ كونترا ولا تبوظ حياة فرد و ممكن ينقل الي جاله لاكتر من حد كمان "
٢-الرابنج (wrapping) للكونترا لا يكفي أبداً لازم تتدخل autoclave
٣-لازم كطالب يبقى معاك أكتر من كونترا علشان هتستخدم كتير و التعقيم هيحجز واحدة منك وقت تعقيمها
٤- للأسف في بعض المعيدين و دكاترة الجامعات لإستغلال الوقت للطلاب بيخلوهم بين كل بيشنت و التاني يشيل الرابنج و يمسح الكونترا بكحول
"يا أخي ده الحلاق بيغير الموس مش بيمسحه "
٥- هتقولي مش هوجع دماغي كل ده مش كل الناس عندها فيروسات قاتلة -تمام حضرتك المفروض بتتعامل مع كل مرضاك انهم عندهم أخطر الأنواع من HCV و HIV و بكده تحمي نفسك و تحمي المريض بين أيدك
٦-الكونترا تتعقم بعد كل بيشنت مش بعد كل سكشن 🙃
٧-اوعي تزيت الكونترا قبل التعقيم "في أبحاث جديدة اثبتت ان طبقة الزيت بتعمل عازل في cartilage و الي فيها من بكتريا و فيروسات مش بيموت "هتقولي هشغلها شوية تطلع الزيت -تطلع الزيت 🤨 انت عبيط 😂 -امال انا بزيتها ليه -الزيت بيفضل جواها حضرتك يعني الأفضل لك انك تزيتها بعد التعقيم "
المهم طبقة الزيت بتعمل عازل و بتقلل كفاءة التعقيم
٨- الكونترا تتزيت بعد التعقيم و تشتغل ٣٠ ث بس و ال bur المعقم فيها
٩-لو ترضي تشتغل لاهلك بعد بيشنت عنده فيروس ويدوب تمسحها بكحول يبقي متعقمهاش .. لو مش هترضي يبقي عقمها
١٠-لازم تتعقم بس اللي بيبوظ مش التعقيم اللي بيبوظ ان يجي عليها ميه او سيدكس او اي سائل يدخل جواها بيصدي وبتبوظ
انت تمسحها بكحول او اي سائل معقم من بره وتنشفها وبعدين تدخل اوتوكلاف وبعد ما تخرج تتزيت .
* class N autoclave لا يعقم الاجزاء الداخليه للكونترا وللاسف اغلب الناس
بتستخدمه عشان رخيص .
١١-
درجة الحراره في class B autoclave ماتفوتش 135c/275f
ماتعقمهاش والبير راكب فيها
ماتخليهاش ليله كامله في autoclave
ماتستعملش في التنظيف chemical solution
بعد ماتعقم زيتها وخدمها 20 ثانية
١٢- متنساش تزيت الترباين "المكان الي بيركب فيه البير"
ده كل الي جمعته و لو في جديد هعمل edit للبوست
و اكتب فوق edited
عايزين ننشر الثقافة دي بين دكاترة الأسنان الي ناس كتيرة منهم هتتاجاهل البوست ده و
يتريق عليه "هههه ده انت ناقص تقولي اجيب لكل بيشنت كونترا خاصة بيه" و الله حضرتك علمياً ده المفروض و اشتغل زي نا تحب أنا بنصحك بس مش بعدل عليك
بس افتكر يوم من الأيام الحلاق بتاعك أو دكتور الاسنان بتاعك او لقدر الله دخلت عملية و هيتنقل لك شئ تندم عليه طول عمرك و هتعرف ان السبب الي عملته في غيرك
" طبيب الأسنان مصدر للبهجة و الإبتسامة، و ليس مصدر للأمراض"
شير 👌🏻لو سمحت علشان الكل يعرف👍🏻 + تعبت على ما جمعت المعلومات دي 😥
Copied
مــنـقول
الرجاء تعزيز القناة للإستمرار بنشر المحتوى
https://t.me/RealDentists?boost
