کیرون پولارډ د ممبۍ انډینز روزونکی وټاکل شو🇮🇳🏆🏏



د ممبۍ انډینز لوبډلې ویسټ انډیزی الراونډر کیرون پولارډ، چې په خپلو اوږدو شپږیزو یې مینه وال حیران کړي وو، له آی پي ایل څخه تقاعد شو او په راتلونکي پړاو سیالیو کې به له دغې لوبډلې سره د روزونکي په توګه مل وي.



پولارډ له ۲۰۱۰ کال راهیسې د ممبۍ انډینز لوبډلې لپاره لوبېږي، چې پرلپسې دیارلس فصلونو کې ورسره و او د دې لوبډلې خورا مهم لوبغاړی ګڼل کېده، خو تېر پړاو سیالیو کې یې مزه نه وه، خو ځکه خو تقاعد واخیست او اوس به د دغې لوبډلې روزونکی وي.



د ممبۍ لوبډلې مالکه نیتا ایم امباني وایي چې پولارډ د ممبۍ انډینز په بریا کې مهم رول لوبولی دی، هغه د ممبۍ په پنځه ځله اتلولۍ کې مهم ثابت شوی؛ خو نور به هغه د لوبې په میدان کې ونه لېدل شي؛ خو خوشحاله یم چې د روزونکې په توګه راسره دی.



کیرون پولارډ په دې اړه وایي، ما د ممبۍ انډینز لوبډلې له مشرانو سره خبرې وکړې او هغوی راته وویل چې موږ غواړو یوه ځوانه لوبډله برابره کړو،



نو ما ښه وګڼله چې دغه لیګ پرېږدم، ځکه چې د ممبۍ لپاره نه لوبېږم نو پر وړاندې یې هم نه لوبېږم.
پولارډ، چې د هند په پریمیر لیګ کې د ممبۍ انډینز لوبډلې استازیتوب یې کاوه او څه موده وړاندې یې نړیوال کرکټ پرېښود، اوس له هند غوره لیګ څخه هم تقاعد شو او د روزونکي په توګه به دنده مخته یوسي