ما اتذكرك بس جذب انساك
اذا اتذكرك يعني انه ناسيك
عقلي ماعرف هذا ولا ذاك
ولا انه عرفني شعرفه بيك
ما افتهم كلشي بغير طرواك
مسودن وافتهم كلشي من الاگيك
كتبت راح اكرهك واتوقع انساك
أجرها وقعت صرت انه مجنون
رجعت تأكدت بس طلعت أهواك
ردت امسحها زادت ترست الكون
اذن إهواك كون يدور بيه
ولا بيه مجال انساك هيهات
اذا انه ارد اگلك كافي جيه
لساني يصيح مو تگطع الجيات
زين لساني شوف جفوف اديه
ينسني من احضنك هاي هيه
اردن هاي گوه تروحلك هاي
ضجت منك وگلبي شسوة بيه
گطع نبضة وزعل وتعارك وياي

عبد الحسين الحلفي