الشاعر ابو فضه الحميداوي

المشايه المقدسه
ش صفر الوجود 1441
••••••••••••••••••••••••••••••••••••••••••••••••••••••
يا حلم صافي ودوم عله گدي
يادمع طفله و نام عله خدي
گاعد يأّغالي ابابك وأّجدي
رايد يروحي بس الدموع
،،،،،،
،،،،،،
اكسرلي خاطر مثل السبيه
مد انته ايدك واخذ أّبئديه
محلفك ترانه بدمعت رقيه
وكسر دليلي مثل الضلوع
،،،،،،،،،،،،
مثل المدامع طاحت بناتك
وبين الحوافر راحت حلاتك
الطف خريف وما خله كلشي
سلب تراچي وركض خواتك

حسسسيين
حسسسيين

************

برحمتك عطائك گاعد اناطر
عليك برقيه المكسوره خواطر
ضوگني فدوه سحگ الحوافر
وكون بعزائك خليني اموت
،،،،،،
،،،،،،
يلسمك انته دوم عله بالي
سجلته بسمك شعري وِخيالي
ما عندي غالي بس انته غالي
انته التسولف وكلهه سكوت
،،،،،،،،،،
يا هضمه ضلت أّبعين العقيله
طايح أخوها اللي تشتكيله
الزهره أمها وماعده خيمه
بجسمك تلملم رادت تشيله

حسسسيين
حسسسيين

********

يطردني ذنبي وارجع اجيلك
المن اروحن ما عندي غيرك
معيشلي ريتي وساحرني هيلك
الما تبجي لجلك غم العيون
،،،،،،
،،،،،،
كل ما ازورك يزيد اشتياقي
كلهه تموت وبس انته باقي
عبدك اضل وارفض عتاقي
بس انته غالي وغيرك يهون
،،،،،،،،،،،،
تخجل ورقتي من اكتب حروفك
وكمت بصفنتي ارسم طيوفك
مو اله انته لو حته عطرك
كحل عيوني وخليني اشوفك

حسسسين
حسسسيين

***********
يا عيني صبي لخاطر حبيبج
عيشي المصيبه وزيدي بنحيبج
غير ابو اسكينه محد يفيدج
تسواا الدنيه طبت العزاء
،،،،،،،
،،،،،،،
عطش بناته لخاطر نعيش
وما نعطش احنه لئجله ليش
السواا هذه انوافيله بيش
انقرح الجفون لطف كربلاء
""""""
ابنص الخرابه اتنام العقيله
خدر الله زينب تصعد هزيله
وتدخل قصور وابقه انه عايش
كون انه ميت ابجرح العليله

حسسسين
حسسسين
********

،،،،،،،،،،،،،،،،،،،،،،،،،،،،،،،،،،،،،،،،،،،،،،

ابو فضه الحميداوي
،،،،،،،،،،،،،،،،،،،،،،،،،،،،،،،،،،،،،،،،،،،،،،

@AboFtha

المشايه المقدسه
ش صفر الوجود 1441

*************************************
يا عيوني اسمعي
فل تسيل ادموعي
للوصال بلحبيب
اسجدي واركعي
.............

سر للوجودي ومصدر خلودي هواا الحسين
يقضت حياتي ومالك مماتي هواا الحسين

مالك القلوب حسسين
ستار العيوب حسسين

ضاعن بناته وركضن خواته هواا الحسين
احتركت خيامه وتاهت يتامه هواا الحسين


2
انتي جرحآ لا يطيب
فيك مذبوح الحبيب
ابن خير الخلق مات
فيك مضلومآ غريب
........

وزينب تبدت وبفشله طلعت اخت الغريب
مهضومه تبجي الغربه تحدي اخت الغريب

اصبح السليب حسسين
امرض الطبيب حسسين

تعثر بخوها بصوط اضربوها اخت الغريب
ولله هضيمه ما عدهه خيمه اخت الغريب
*

3
صوت حزنآ في العلاا
عرش الحبيب سال دما
يا غيومآ صبي جمرآ
مات خير الاوصياا
.............

وسلبو تراجي وخلو بواجي اخ الضعن
البايك محبسه جكد عينه صلفه اخ الضعن

كربلاا المصاب حسسين
مصدر العذاب' حسسين

وطاحتله طفله من ناكه هزله اخ الضعن
ويلي يزينب من كلشي تتعب اخ الضعن

*
4
كل شيء منكسر
قلب زينب منفطر
لاتموتي يا جروحي
بحب الحسين فل نقر
...............

الكلشي عنده شو باقي وحده بلايه كمر
العند الله غالي تالي الليالي بلايه كمر

ضاعت السنين حسسين
سلبو الحسين حسسين

والطوله غيمه شاف الهضيه بلايه كمر
بلنسمه يعثر ما عنده منحر بلايه كمر

5
ثائرك ثائر الكريم
بعدك كلشي عقيم
لايزال دمك بين التراب
ياحبيب الله الرحيم

مو حكه عابس يعبدك يخامس اهل الكساء
تسعه الاصابع والعشره ضايع اهل الكساء

عاري الرداء حسسين
ويل كربلاء حسسين

اجروك يتامه وبيهن علامه اهل الكساء
بدمك هضيمه ترسملي خيمه اهل الكساء

*************************************

ابو فضةالحميداوي

اللحن 👈 @Apofaza

قصيده ولائيه لمضلوميت مولاتناا الزهراء ع

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
المهم يا حيدر ونكروك الانجاس
ورفسو بابك ودفعو عل الزهره
ودنكَ كلشي حته الباب والبسمار
ضل خجلان حيل وخنكَته العبره
ما خجلو علي منك من القران
الكوثر ياهي حته اتموت بلعصره
الكض قرانه بيده ويحجي ب الاسلام
شني ما شاف كوثر من گعد يقره
مو وصاهم الله بزهرتك مولاي
ليش انكَطعت بغلفه واهي خضره
دگ الباب ابن الما اله ابو ولاجد
وكَال افلان انه النطفه الزفره
وكَالتله انه فاطم وراء الباب
كَاللهه وآن والباب خن اندفره
حجه اعليك هاي وعل الجاباك
حجه عله الخلكَ مولاتي الحره
ابحظنهه جم يتيم وجم فقير اينام
وشرط ما بين اديهه نامت العتره
وشني ذنب الحسن ويشوفها عله الكاع
بعد اهوا طفل يتمته من زغره
وشني ذنب الجنين الطاح طيحت ماي
المات وما بده بعده تره بعمره
وبدت احزان زينب تكَرب اشواي
وبده الشيب ايتگرب شعره شعره
وبده تسبيهه لوعات ومعسرات
وبده يندي دمعها كَطره كَطره
واحسين يتباوع وهوه مكسور
ولابس فوك راسه اعمامه خظره
شبكَ امه وصرخ يا ربي الاكوان
من نورك و نورك عينه حمره
اول مره اشوفن حقد العيون
سترك هاي واعليهه اثر صطره
علي ولو ما الوصيه جا محا الانس
ويخلي ابوصط هالكون حفره
السمه ايخليهه جوه والارض فوكَ
وتصيره الزركَه من الغظب سمره
ميخلي بشر عايش عله الكون
وتصير الدنيه هاي كلهه صحره

✍ابو فضه الحميداوي

نعزي صاحب المصيبه الكبرى مولاناا الحجه ابن الحسن (عجل الله فرجه) بستشهاد مولانا علي بن الحسين السجاد( عليه السلام) ونسأل عزة وجل أن يرزقنا الآدب والآخلاص معا محمد وآل محمد وخدام الحسين و عظم الله اجورنا واجوركم انشالله

العشره الثالثهوالمشايه
محرم الدموع 1441
لمولاي الغريب ع
---------------------------------------------------------------------

يا نعمة الله ليش تنداس
المفروض لازم انته تنباس
يا كتلة محنه وطيب وإحساس
يا اول ملك ما يملك اقصور

نياشينك طفن والحيل بهتان
يلنحرك نطيته للعكَشكَ قربان
محبت زينب السوتني انسان
وعله نسمة هواكم انه مجبور


المناير كلهه "" ترتل اسمك
الصوارم ماتت "" وعايش دمك
حنين الدنيه "" انرسم بعيونك
اخنكَتني الغربه "" وردت اشتمك

يا حبيبي ياا حسين
انت جرحآ لا يموت
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

يا شيلة اخيتك وانت مطيح
ورقيه لسه بتك بسمك تصيح
ويا وسفه صداها اكلته الريح
اشما تسمع ابسمك صوبك ادور

خظار الدنيه بيك اشلون ذبلوك
يا نسمة هوا الله بحقد شموك
بخيل الاعوجيه ليش داسوك
وارسومك انضمت وفاح البخور


الايادي الصلفه "" تحز ابنحرك
رغيف الفقره "" وداسو صدرك
ضنون الجربه "" خذتهه اسهامه
وطيحت الاكبر "" كلت كل عمرك

يا حبيبي ياا حسين
انت جرحآ لا يموت

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

مواعيد الامل ونباكَن ابليل
ويا درب الجفه تعبان وطويل
وساد اعلمسامع صوت الاصهيل
وطفو شمعتك واستاحش النور

احلامك جزن والواقع ايريد
تلم العيله ساعه والمسه اوحيد
وتغبش عاري كون وانته العجيد
وخواتك تنسبي وادريك مجبور

الكَاع اتشمك "" وتخظر رحمه
وتروح الضحكه "" وتضل اللجمه
خذو يا وسفه "" حنينك ذاكه
ابظهر العاشر "" اخنكَوها النسمه

يا حبيبي يا حسين
انت جرحآ لا يموت

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

ادنيت علنواظر حلم مبيوكَ
وما غزر حنينك ليش علنوكَ
وقميصك بلحوافر أخ مشكَوكَ
وصدر الرحمه ليش يصير مكسور


مثل دم السنون اتكرهك اعداك
اكيد الصوج بيهم وانت حاشاك
انعمله اعلصخر زين وبجه وياك
وانت أعداء عندك امنين ما ادور

الناس الجانت "" تنام ابسدك
نسوء منهو انت "" ونكرو جدك
أغم الدنيه "" التحيرك انت
وتخلي الحافر "" يدوس ابجبدك

يا حبيبي يا حسين
انت جرحآ لا يطيب
••••••••••••••••••••••••••••••••••••••••••••••••••••••••••••
✍ابو فضه الحميداوي

العشره الثالثه والمشايه
محرم الزهراء 1441
لمولاتي زينب ع

••••••••••••••••••••••••••••••••••••••
••••••••••••••••••••••••••••••••••••••
غربه غربه انموت سكته
ولاجفن النه دمع
اعثر بجلمت غريبه
ولا عرف صوبي فزع
حته كاع الله بجتلي
يهلي من صوتي طلع
لاحنين الردلي صوته
صوتي من حزني انكطع

يدروني"" يدروني مو مالت سبي
يدروني "" يدروني اموت ابلا عبي

****************
تنكع الشيله بدموعي
ولاشفت جف المسحهن
دمعه دمعه مني طاحت
أخ دمعاتي اشثكلهن
من هلي لشام الشماته
خطوه خطوه احسبتهن
نضره نضره عله الجفوني
بنص حوافر ضيعتهن

يا روحي ""يا روحي موتي من الهجر
يا روحي "" يا روحي شبينه القصر

*************
ماضي صارت يا ضحكتي
وكمت احلم ب الدلال
بناكه عرجه وصعدوني
وايدي مجتوفه بحبال
وكتي انذل من عدونه
سوا بيه كل محال
وشيبي خظر شعره شعره
بدون ما اكله تعال

تعبانه "" تعبانه حته من الحجي
تعبانه "" تعبانه عيني من البجي

***********
حزني ما يرحم يغالي
ودمعي ذابح كل حلم
الما محسبتله يغالي
صار وانه بنص زلم
ليش لوحة ضل خدرنه
بنص هضيمه تنرسم
مخدرتكم انه يهلي
بلسن الانجاس انشتم

ذبلوها "" ذبلوها يا وردة علي
ذبلوها "" ذبلوها غصبن يا هلي
~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~
✍ابو فضه الحميداوي

اللحن 👈 @Apofaza

محرم الزهراء ع 1441
العشره الثالثه والمشايه

نزله لمولاي أبا الفضل العباس ع

•••••••••••••••••••••••••••••••••••••••••••••••••••••••••••••••
تارس اگلوب العساكر رعب خوف و حيره
گوم جرهم من عگلهم وانت رب الغيره
سيفك أّچبير ويخوف ابهده كون اديره
خاف يوصل للمدينه كربله اكَباله ازغيره

الموت أّبچفه النايم
يا ذخر وفخر فاطم
ثگيل امفحط الخيل
يا شيخ لبني هاشم

يا حيل الزهره مدد
يا أبا الفضل
************

عله جفه حله الفقار وغيره ما حله بجفه
منه اتعلم الغيره ما تنگال اله الوسفه
الصدفه تانت العباس راح وصارت الصدفه
الرايد يشرد من ايده اله ابكبره يتخفه

يا عطر المخيم فوح
واترس كربلاء بجروح
صعد وانطاها الك عزرائل
بكيفك تاخذ انته الروح

يا حيل الزهره مدد
يا أبا الفضل
************

گوم طش روحك عليهم واترس السبعا غظب
وغيم الزرگه أّبچفوفك وامطر اعليهم رعب
والتصطره بچف يمينك ابهيده ةلايعبر حلب
من ذبحهم يا ابوفاضل گلي سيفك ما تعب

حگه البيدك الفقار
سيف هذا الكرار
يذبح بروس الكَوم
وكون بس روس اكبار

يا حيل الزهره مدد
*************
من رجع جاب الماي وراح صوب اسكينه
وسكنه شبكت ابو الغيره وباسته بنص عينه
وكَلهِهِ طلبي يا الحبيه وِگولي التردينه
وانه اجيبلج ياسكنه العلگمي وجرفينه

ونعم من العباس
كلشي بي ما ينقاس
منخلق مو من طين
غيره كله واحساس
************

✍ ابو فضه الحميداوي

محرم الزهراء 1441
العشره الثالثة والمشايه
---------------------------
مناجاة المذنبين
---------------------------

********************************************
انه الما عنده غيرك وين ما راح
وانه بس بحظرتك روحه ترتاح
وبس لمصاب اخيتك شايل اجراح

دليني " دليني دربك من صدك
جويني " جويني سكته من احترك
غطيني " غطيني بجفوف العشك

طاري الملامه علمودك حنينه
وهنياله يمك الخلص سنينه
الون علجرحك يخبل ونينه حسسين

يا أميري يا حسين
يا مصيري ياحسين

••••••••••••••••••••••••••••••••••

وانه ابظهر ابوي وعاشك دموعي
وعفت كل الخلك بس انته موضوعي
عقلي انته تره البدونه ما اوعي

تئدريني " تدريني من دونك عدم
يئحسيني " يحسيني حركولك خيم
حاجيني " حاجيني بجروحك سهم

جرح العقيله عله سدري راسمه
وعيني التخذلك يرت الهه العمه
ولو انسه حالك يموتني الضمه حسسسين

••••••••••••••••••••••••••••••••••••••••••••••••••

انه الماخذ قراره وياك للموت
انه الميبعده عن اللطمه تابوت
انه اليطفه وتشعله الخيمه بسكوت

بعيوني "بعيوني شلتك يا رسم
يدروني "يدورني من دونك حلم
بجفوني "بجفوني ليليه انلجم

بضنوني شلتك مسافه ما تنتهي
اشما نار اشوف بدليلي أنجوي
الماي اليعطشك اغمه من اروي حسسين

انت جرحاً لا يطيب
لو مضا كل الزمانيٍ
•••••••••••••••••••••••••••••••••••••••••••••••••••
غربتكم ثكيله والوطن الراح
وحسرتكم علم ياسيدي وطاح
ومتروسه خيمكم لوعه واجراح


مهيوبه " مهيوبه اختك من اجت
متعوبه " متعوبه من دونك بقت
مسلوبه " مسلوبه تالي شو مشت


الطايح ا خيه يموت بداخله
اي محني يمشي وشفافه ذابله
يهظم دليله اسم نبله وحرمله حسسين

انت جرحآ لا يطيب
لو مضا كل الزماني
*******************************
*******************************
✍ابو فضه الحمداوي

اللحن 👈 @Apofaza

السلام عليكم اخوتي خدمة الحسين ع يوم ٢٠ محرم
سيتم نشر قصائد العشره الثالثه والمشايه والتوفيق والمدد من مولاتي

محرم الزهراء ع 14441
العشره الثانيه
..................
رسايل شوكَ
................

-----------------------------------------------------------------------------

هلي اشما مر عليكم صوت متعوب
كَولو فاطمه ونت
وهلي اشما شفتو ناكَه ناخت هواي
تيقنو الفاكَده حنت

بحوالي "" محد دره غير الضلام وعتبت الباب
مرسالي "" وديته بس ياهضمتي مارد الي اجواب
من رحتو ضل يمي الجفه
وبلدنيه كل نوري انطفه
دللالي "" يسالني ها ما ردو الج يا فاطمه احباب

انه العيله يهلي سمعوني

***************************
***************************

بدموعي اصطر احرف المرسال
واكتب وانه مذعورا
واكَل للريح اخذ صوتي لحسين
وانقلي لهلي هل الصوره

سمعومي"" وحته الهوا لمن سمع هم انكسر كَلبه
تدروني "" كل لحضه اعيش واندفن بجلمت الغربه
يوم المشيتو هم مشت روحي
وجلمه يبابه تلجم اجروحي
بعيوني"" اشبكَ سبحتي للصبح واكَعد اشكي لتربه

انه العيله يهلي سمعني

***************************
***************************

جزه عني الفرح واستفحل ألهم
وبس دمعي يسليني
الوذ امن البعد بكتار يا عيني
وانه الضلمه تبجيني

ريحتكم "" ما فارَكتني ومتربعاا ابعرش انفاسي
جلمتكم "" انتي عليله فاطمه الجرحت احساسي
حته المحامل هم بجت ليه
واسمعت كالت اخذو البنيه
ابنيتكم "" من ابتعد عني الركب شيب انه راسي

انه العيله يهلي سمعني

************************
************************

اول مره احس بكسرة الخاطر
وحزني بلكَلب يحدي
كتبت ألهم انه حنيت بلمرسال
ودمعي من الفجر يبدي


هضموني "" ما رد الي منهم خبر جنهم تره انسوني
يدروني "" سالوفه انه وعيشتي من همه يحجوني
حسيت انه بطعم العطش همه
من عطش عبدلله ونزف دمه
بجوني "" لمن مشه ذاك الضعن وحيرانه خلوني

انه العيله يهلي سمعني
*************************
*************************

يلولي عله عيوني الهضم سكته
ويفزن اجروح الكَلب
وادنه لخيوطك شمع ذبلان
وبناري اضلن انصلب

الغربه "" اكبر جرح بيه صفت والمحمل يلجمه
الصعبه "" من يبتعد عنك وطن وانته تحب رسمه
جنت انه ما اهم للمرض وياك
وهسه اصبح عل الدمع وانعاك
ابكَلبه "" يضم الحجي الماله واحد يهلي ايفهمه

انه العيله يهلي سمعني
---------------------------------------------------------------------------
✍ابو فضه الحمداوي

مناجات التائبين

محرم الزهراء ع 1441

العشره الثانيه والمشايه
••••••••••••••••••••••••••••••••••••••••••••••••••••••

يا غريب
ويا حلاة اللي يحبك كون مظلوم وغريب
يلحبيب
وما لگينه انسان غيرك كفو ونسمي حبيب
يا مجيب
وگبل لا نطلَبِ معندك نلگه ردك يا مجيب
يا سليب
اللبسانه الثوب ومفضل علينه بس سليب
،،،،،،،،،،،،،،،،،،
،،،،،،،،،،،،،،،،،،

عگبك. ننطفي وضيك يلالي
اسمك. كل صباح اهو علبالي
يا غريب

********
أّنِتّهِ نوح
غارگ بذنبي مَنِ أّگصدك وانته نوح
وين اروح
لو گلتلي يله ارجع ما اريدك وين اروح
يا جروح
التشفي صدري وكلشي ضايع يا جروح
ماكو روح
ارجع وكسره اعله طولي و ماكو روح
،،،،،،،،،
،،،،،،،،
جرحي. گاعد ابابك يتيم
صبحي. ما لگه مثلك رحيم
يا غريب

**************
ياحنين
الگضه عمره يداري بينه هوه عاري ياحنين
يا سنين
الما گضت بس بخدمتك هايه گلي ياسنين
ماكوعين
التنعمي كون بمجلسك يا حبيبي ماكو عين
يا حسين
گلَي عگبك ياهو اليضحي علمودي ياحسين
،،،،،،،،،،،،،،،،،
،،،،،،،،،،،،،،،،،

دمعي. ينزل بلهفه عليك
شمعي. يحترگ سكته ويجيك
يا غريب

**************
ياسهام
التشفي گلبي وزينب ادور فياي يا سهام
ياهيام
لكلشي يملك تالي ضل ماعنده ماي ياهيام
ياكلام
الراح اگول ويا فشلتي اگبال امك ياكلام
يا غرام
الاحچي عنه وانه كل ساعه الچمك ياغرام
،،،،،،،،،،،،،،،
،،،،،،،،،،،،،،،

السنين. خاف تگضي وما اجيلك
يا حسين. وانته ما تطرد دخيلك
يا غريب

الشكر لله وآل محمد

،،،،،،،،،،،،،،،،،،،،،،،،،،،،،،،،،،،،،،،،
✍ابو فضه الحميداوي
،،،،،،،،،،،،،،،،،،،،،،،،،،،،،،،،،،،،،،،،

محرم الزهراء {ع} 1441
العشره الثانيه
مناجاة الحبيب
••••••••••••••••••••••••••••••••••••••••••••••••••••
بيدك وجودي ومصيري
بس انته وحدك اميري
ندبتك واعرفك مجيري حسسين

صماخ الجدورة اقتداري
ودمعت مجلسك وقاري
بل لطمت عزائك قراري حسسين

بيدك قوانين العشك
وانته التغير كل بشر
بس انته دين الله الصدك
واليبتعد عنك كفر
عيشني حبك سيدي
غيرك ابد مالي مفر

ارحمني فدوة برأفتك
من الله طلبه طلبتك
عبدك اضل كل العمر
اشملني لحضه برحمتك حسسين

كون افكد احساس الحياء "" من اسمع بخيل انسحك
ويخلصن ايام العمر "" جي صدره وي ضهرا طبك
ياريت اموتن من صدك "" وثوبي كبل اخيامه احترك

ياا حبيبي يا حسين
****************************************
ما يسوى عمري بدونك
يا ريت اموت لضعونك
سواني خادم شجونك حسسين

ابدونك اضيع وجودي
الخدمه هيه خلودي
ابلياك اتيه سجودي حسسين

فخر العبوديه الك
وعل الدنيه بعدك العفه
و ل الله ما اوصل ابد
لو ما وجودك م اعرفه
لو انسأل عن ديني انه
بكلمت حسينآ اوصوفه


خيرك ترسني بوفائك
ازكي دليلي بسخائك
كله بفضل جودك انه
كل خيري هذا عطائك حسسين


كلشي بدونك اي عدم "" لن انته ما عندك صعب
و اسمك اذا ما اردده "" عن الله احس انه انحجب
كلشي وهم انت الصدك "" وانته عرف وغيرك غرب

ياا حبيبي يا حسين
*****************************************
ما يسوى دونك خيالي
كلشي ارخصه يغالي
وانسه واضيع دلالي حسسين

الدمعه صارت هويتي
بس انته وحدك قضيتي
ابدونك متاها دنيتي حسسين

اشما ابتعد يا سيدي
ايدك تدليني ناظري
وتجرني من رحم العدم
واداوي كسرت خاطري
عتبت عيوني بس الك
وبس ليك ارخص منحري

بسمك يخظر صباحي
وتحله علمودك جراحي
بس اعلموده اعيشن
وبس لغربتك نياحي حسسين

كلشي الك حس بلفخر "" وحته الدمع لمن يهل
اشما طاحت ادموعي الك"" ورده بظريحك تنشتل
بس انته دليت الكلب "" وانته الوحيد الما تمل

يا حبيبي يا حسين
******************************************

دمع المصيبه بدليلي
بس لغربتك يليلي
جرح السبيه ع حيلي حسسين

كلشي سراب بعيوني
ابلا محبتك جنوني
عاقل بجنونك دروني حسسين


من جرفك ازكيني عطف
وعيشني خادم سيدي
اجويني بنار العشك
وبس لضراتك اندعي
تايه بدونك يا شهم
وبس انته وحدك مطلعي


لا تعتق عبد رادك
علفطره لمن حباك
مذنب كضه كل العمر
وبكسره اهو ناجاك حسسين

اول ملك انته صرت "" يعيش بفخر العندك عبد
واشما ينعتق عنك بشر "" امنيته الك هوا يرد
وحدهه مملكت صفت "" ياهو اليعبدك ينحسد

ياا حبيبي يا حسين
•••••••••••••••••••••••••••••••••••••••••••••••••••••

✍ابو فضه الحميداوي

محرم الزهراء 1441
العشره الثانيه
عن لسان مولاتي زينب تخاطب أبا الفضل العباس ع
ليلة الحادي عشر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جيت اكلك رايحه وتبرالي خويه اسوالفك
وراح يحدي الضعن نفسه ذاك هوا الذابحك
الوداع الوداع راح أروح

"""""""""""""""""""""""'"""""""""""""""""""""
خويه تذكر من كَلتلي امشي وانته كافلي
وجبت كل الدرب بيدك انته تعدل محملي
وكَبل لا اطلب طلبتلي تكَلي خويه ادللي
وكلشي كَتلي اي يخويه لاجن ماكَلت انولي

~~~~~~~~~

ما اريد انه اعاتب تدري "" عباس
لاجن بختك يادليلي شمتت"" ناس
لابقه صيوان "" اليه
وراح اسم "" الهاشميه
وهسه انه "" الخارجيه
جاي اكَلك ها يخويه الوداع الوداع راح أروح

•••••••••••••••••••••••••••••••••••••••••••••••••

الوداع احجايه كلفه لاجن مجبوره اكَول
خل اشم عطرك يخويه كَبل لاتدنه الخيول
كَوم يا ستر الفواطم الوادم اعلختك تجول
لاتخلي اعدانه تشمت وعافهه اعليه تكَول

~~~~~~~

كَوم دلينلي الدرب ما كمت"" اشوف
من اجيتك عثرن أجدامي"" بجفوف
وبل الطريق "" اتخيلك
الجفوف البيدي "" الك
والمهم صار "" اوصلك
حته اكَلك ها يخويه الوداع الوداع راح أروح
••••••••••••••••••••••••••••••••••••••••••••••••

اتأخرت عن المخيم واظن خلصن ب الحركَ
لاجن بيهه أطفال اخوك وانه اخافن تنسحكَ
انته وحدك واقع اختك هناك مذبوح الصدكَ
سكته صارت رغم كل ذاك العويل الينشهكَ

~~~~~~~~~~~

خاف بس لا سكنه ماتت "" بخيام
النار لاحت بت اخونه "" لو سهام
انداست بذيج "" الخيول
احساسي هيجيه"" يكول
سيطر اعلينه "" النحول
خل اكَلك ها يخويه الوداع الوداع راح أروح
•••••••••••••••••••••••••••••••••••••••••••••••••••

ادعيلي هسه كون اموت كَبل لا ارد للخيام
كَوه طفيت العلاوي النار ما تعرف حرام
من رحت عن لمخيم خويه ماعشنه بسلام
كون يمك هسه اموت ولا اطبن خويه شام

~~~~~~~~~~~

وجدمي ما يدخل ابد مجلس"" يزيد
وكون ميعروني بجفوف "" العجيد
خلي اتخلص,, ,, سنيني
وكون ما يطلع,, ,, ونيني
ولا رقيه تكَلي,, ,, عيني
المهم ارد انه اكَلك الوداع الوداع راح أروح
•••••••••••••••••••••••••••••••••••••••••••••••••••••••••••
✍ابو فضه الحمداوي

العشره الثانيه
محرم الزهراء 1441
لمولاتي زينب ع

••••••••••••••••••••••••••••••••••••••
••••••••••••••••••••••••••••••••••••••
غربه غربه انموت سكته
ولاجفن النه دمع
اعثر بجلمت غريبه
ولا عرف صوبي فزع
حته كاع الله بجتلي
يهلي من صوتي طلع
لاحنين الردلي صوته
صوتي من حزني انكطع

يدروني"" يدروني مو مالت سبي
يدروني "" يدروني اموت ابلا عبي

********************
تنكع الشيله بدموعي
ولاشفت جف المسحهن
دمعه دمعه مني طاحت
أخ دمعاتي اشثكلهن
من هلي لشام الشماته
خطوه خطوه احسبتهن
نضره نضره عله الجفوني
بنص حوافر ضيعتهن

يا روحي ""يا روحي موتي من الهجر
يا روحي "" يا روحي شبينه القصر

*****************
ماضي صارت يا ضحكتي
وكمت احلم ب الدلال
بناكه عرجه وصعدوني
وايدي مجتوفه بحبال
وكتي انذل من عدونه
سوا بيه كل محال
وشيبي خظر شعره شعره
بدون ما اكله تعال

تعبانه ""تعبانه حته من الحجي
تعبانه ""تعبانه عيني من البجي

***************
حزني ما يرحم يغالي
ودمعي ذابح كل حلم
الما محسبتله يغالي
صار وانه بنص زلم
ليش لوحة ضل خدرنه
بنص هضيمه تنرسم
مخدرتكم انه يهلي
بلسن الانجاس انشتم

ذبلوها ذبلوها يا وردة علي
ذبلوها ذبلوها غصبن يا هلي
~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~
✍ابو فضه الحمداوي

العشرة الثانيه
محرم الدموع 1441

قصيده بعنوان الاعتراف

••••••••••••••••••••••••••••••••••••••••••••••••••••••••••••••
عمري من دونك متاها
واعمه احس دون الدمع
طفت كل الدنيه بيه
ونورك الوحده يشع
ريحتك دلتني دربي
بلايه شوف ولا سمع
من رحمتك روي كلبي
وازرع امحبتك زرع
سالفه بسمعك اعيش
فدوة ما اريد انكطع

خل اعيش بفي رحمتك
واكضي كل عمري بخدمتك يا حبيبي

*************
*************

حاظري شفته بعيونك
وماضي دونك كل حياتي
لو اموت اعليك لحظه
ولله اعيش انه بمماتي
نفحه من نسمة هواكم
هيه صارتلي امنياتي
بلا حنينك انه معتم
انته يا قبلة صلاتي
الليل سالوفة غريب
وليلك مغير صفاتي

كل دليل افكاري صار
درب زينب كله نار يا حبيبي

*************
*************

جرحك ينام عله جفني
وكمت الوليه الخيام
اشما اكله ماكو مااي
يكول ما اكدر انام
صدرك جبير ويلاكي
كلشي لو حته سهام
يا ضحكتي وي السراب
ودمعتي باب الغرام
والرمح مؤكد عذابك
شالك بهيئة قيام

الطف اخذ كلشي حنين
وخله اخوك ابلايه ادين يا حبيبي

**************
**************

زينب ابلايه هوادج
والشمس ما عدهه غيرا
تاكل ارسوم وملامح
وابد ما تعرف اميراا
انته باب الله الجبير
شلون لموك ابحصيراا
الشيب جيش ابلايه قائد
يحتل براس الجبيراا
الدمعه تستفحل يا غالي
عل الغريبه وعل الاسيرا


هدمو سور الخيام
وداسو بصدر الغرام يا حبيبي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

✍ابو فضه الحميداوي

قصائد محرم الزهراء

عن لسان مولاتي حميدة
لمولاي مسلم

ليلة خمسه #
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

آنه اول يتيمه بضعن الحسين
وآنه الورده الاولى الذبلوها
وانه اول حنينه تنام علكاع
واول وحده كصو راس ابوها

من عدهه باكو جم حلم
يكسر كلب هذا الاسم
بت مسلم اطر الزلم

آيا حميده آيا حميده
(1)........................

المدللهه ابوها هواي" وسفه بالحبل تنجر
الحداي ما يرحم" عله ابنات النبي اتشمخر
وماكو جلمت اسم الله "لو طفلة غفل تعثر
وسفه ودارت الدنيا" حميده عله الهزل تفتر
*

محروكه فوكاها الخيم
جن جرح وبفركه الجم
بت مسلم اطر الزلم

آيا حميده آيا حميده
(2)...........................

يا طفله ما شافت فرح "من في ابوها للسبي
محروكه وادوس علشوك "من الوجع تحبي حبي
ومن ارماد المخيم بقت " اوجوهن مثل العبي
للترفه ميلوك الحبل "ولا ترهم يطكها اجنبي

*
من عدنه كلشي ما سلم
وانه صرت وي العدم
بت مسلم اطر الزلم

آيا حميده آيا حميده
(3).........................

كالت وهيه مكسورا " لزينب تشتكي وكالت
بكل قوته طكني النذل" والوسعه كلش ضاكت
الحضن ابوها وريحته " البنيه حيل اشتاكت
لذاك الدلال الما سلم " لراس ابوها وصاحت

عل الدمعه تالي انفطم
لبنيته بعده هم يهم
بت مسلم اطر الزلم

آيا حميده آيا حميده
(4)......................
من الخجل اركض ركض "واعثر واطيحن سكته
حسين راسه اعله الرمح "ومكسور خاطر شفته
بس راس باقي جكد هظم "وتباوع اعليه بته
وفوكاها راسه ايصب دمه "ومسبيه وياه اخته

بلسان الانجاس انشتم
وبقلام الاحزان انرسم
بت مسلم اطر الزلم

آيا حميده آيا حميده
.............................................


✍ ابو فضة الحميداوي
@AboFtha

قصائد محرم الزهراء
بندريه #

لمولاي قاسم العطاء ع

ليلة ٩
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

ظهر الجمال بكربلاء
وانطواا الزمني
فخر العشيرتي المهيوب
ابن الحسني
سماه رب العرش بسم
جاسمآ
كل الهموم برؤيت
وجه تنجلي
هوا الخليفه لعمه العباس
وفت الشدتي
النور في وجهه نورآ
هاشمي
،،،،،،،،،،،،،،،، ،،،،،،،،،،،،،،

جاسم العريس حظرو زفته
جيبو حنه وخل تهلهل عمته
جيبو حنه وللخيم ودوها
والشموع اعله الدرب شتلوها
شموع وهلاهل اعلكوها الهواشم
يعطر العشيره المحنه يجاسم

جاسم المهيوب حظرو حنته
جيبو يآس وخل تهلهل عمته
،،،،،،،،،،،،،،، ،،،،،،،،،،،،، ،،،،،،،،،،،،،

گومي يا رمله وتحني للعرس
وخلي گأّع الطف هلاهل تنترس
وضحكه معرسين طشوها نذر
وخلي ريحت يآس يم اغله خدر
ورقيه تنادي يسكنه الاميره
يخدر الفواطم يخيتي الجبيره

انطوِهِأّ ثوب الزهره سكنه ولبسته
جيبو حنه وخل تهلهل عمته
،،،،،،،،،،، ،،،،،،،،،،،،، ،،،،،،،،،،،،،

فرحت ام جسام بوليد الحسن
العود ابنهه وربته ابين الجفن
وزينب لعباس كالت يا هله
ابن اخوك و حنته بطف كربله
تحله وتبختر جاسم الهيبه
وباسه الاكبر وفاحت الطيبه

جاسم شمحلاته فاحت ريحته
جيبو حنه وخل تهلهل عمته
،،،،،،،،،،،، ،،،،،،،،،،،، ،،،،،،،،،،،،،

شمر الخضره عله متنه الهاشمي
ومهر سكنه ايصير ماي العلكمي
وكون زفته اصير ما بين الاقواس
علهِ اللوح وينكتب جاسم اليآس
وتلمع حلقته وعيونه تلالي
يشبه الكافل ويضوي الليالي

الخيل كوه من صعدهه شالته
جيبو حنه وخل تهلهل عمته
،،،،،،،،،،،، ،،،،،،،،،،،،، ،،،،،،،،،،،،

يا ترف يمحلي بعيوني النظر
شماسهرت لخاطرك يحله السهر
كوم عدل الخظره واكصد للخيم
يا جبير امك تعدل وانگل بجفك علم
وخدودك يضون ييمه يجاسم
عله جفك مسافه يعطر الهواشم

وشال بيده لسيف ضحكة يمنته
جيبو حنه وخل تهلهل عمته
-------**-------*****---------

✍ ابو فضه الحميداوي

اللحن @Abo_foza98

قصائد محرم الزهراء 1441
ليلة مولاي علي الأكبر
عن لسان مولاي سيد الشهداء ع
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

علي راح علي راح
ها يختي يزينب

علي راح علي راح
اخ اكليبي شيب

شفته ابعيني مذبوح
التمت فوكه الجروح
عيني ريته انعميت
ولا شفت الولد طاح
علي راح علي راح
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
عينيني يزينب يختي عينيني
من كد البجي اتكسر رمش عيني
اباوع للولد وخدوده ذبلانه
الجانتلي ضوه ومنوره اسنيني
~~~~~~~~~~~~~~~~~~~~~~~~~~~~~
بعد ما اكدر امشي
مكابل طوله وابجي
ضناي وتعب السنين
زرفت صدره الرماح
شفته بعيني من طاح

علي راح علي راح
ها يختي يزينب
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

تكسر كلبي ولله كومي وياي
جكد خجلان منه من طلب ماي
كلي ادركني بويه ودمعه بلعين
ب آخر نفس منه وغفه بيمناي
~~~~~~~~~~~~~~~~~~~~~~~~~~~~~
دمعي خلص اعليه
حيلي مات بيديه
كاسر كلبي فركاه
موته كلبي جاويه
انشلن يختي الصفاح
شفته بعيني من طاح

علي راح علي راح
ها يختي يزينب
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

طاح وطاح كلشي يختي كدامه
شفت بعيني زينب تنزف الهامه
احاول رت اشيله ودمعي ابطولي
كسرن ضهر ضهري اخ يسهامه
~~~~~~~~~~~~~~~~~~~~~~~~~~~~~
رايح من يل حيل
كلشي بعني جن ليل
اضلم صار النهار
ذبحو بينه الافراح
شفته بعيني من طاح

علي راح علي راح
ها يختي يزينب
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

اول مره اصيحه وما يرد صوته
كلبي بفكده أخ مكطعاا ابتوته
ليش اجدامي وكفن ما يشلني
كلشي مات بيه يختي ابموته
~~~~~~~~~~~~~~~~~~~~~~~~~~~~
فاضحني فكد ابني
جلمت بويه تلجمني
ماضي صارت الضحكه
وكسرو مني الجناح
شفته بعيني من طاح

علي راح علي راح
ها يختي يزينب
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
✍ابو فضه الحمداوي

اللحن 👈 Apofaza

قصائد محرم 1441
ليلة سابع
عن لسان مولاي سيد الشهداء لمولاي أبا الفضل ع

ثكيل
---------------------------------------------------------------

ها يحزام ضهر حسين شو عفته
وعفت دمعه عل طوله وذابله شفته
وعفته اوحيد ليش وغارك بونته

جا وين الوعد وين
وحده ضل الحسين
ها يا كرت العين
لا تمشي عله بختك
●●●●●●●●●●●●●●●●●●●●

شريد لزينب احجي بدونك من ارجع
وحيل حسين بعدك بعد ما ينفع
ظهر ظهري يخويه ابفكدك اتكطع
يل ما كتلي خويه من اول المرضع

زينب خويه لحكيلي
اضلم صار يا ليلي
راح وراح كل حيلي
لا تمشي عله بختك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

ارجع لاتخلي أعداي تتشمت
من شاوفني وحدي كلهه شو ضحكت
زينب راح اخونه وجربته انشكت
اخيام احسين عكبك بلدمع كشخت

سويه خل نرد كوم
ليش تتشمت الكوم
وحيد بنص الهموم
لا تمشي عله بختك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

اول مره اصيحه وما ترد ليش
ليش اتعوف اخوك لوحده وي جيش
بيمن اقنع اختك ياكمر بيش
وزينب دون جودك تدري متعيش

الجيش كبالي هل حام
عيني احسين يجدام
خل يوصل للخيام
لا تمشي عله بختك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تدري ابفكدك يعيب النظر حيل
هل حظرو عليه اسهام والخيل
بفراكك العاشر صار بس ليل
شريد انه اسوي وعكبك اعليل

غير الجلمه تطلع
واكلك خويه ارجع
امشي صرت واركع
لا تمشي عله بختك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

انكسر كلشي يخويه الظهر والعين
صار اوحيد هسه تالي الحسين
ليش اتعوفني من تالي السنين
وانه عليه جيش وعدو صوبين

خل تعذرني زينب
امشي خطوة واتعب
ونار بروحي تلهب
لا تمشي عله بختك
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

✍ابو فضه الحمداوي

اللحن 👈 Apofaza