ياحبيبـي ياحسين    نـور عيني ياحسين

************ 

صعبه اليفـارگ خليله   بسفره رايـح يـستـريـح

ومن يعاود يشكي همه   أيگلـه بـغـيـابـك جـريــح

شحال المغيب حبيبه   ابلحده عطشـان وذبـيح

ولو گصد گبره يـزوره   يلگــه مسـدود الضريـح

********** 

لا زيـاره الخلـه يسـمع   يـرجـع الـداره عــلــيـل

اتسنده آلامه وحسرتـه   ودمعـته لـمـن يـمـيـل

شايل هـموم ومـآسـي   عـالظهـر حمـلـه ثـجـيـل

ولاقميص ايردله شوفه  اليبچي لحسين الـقتيل

************* 

حظره لحسين الموالي   ابگلبه راسـم والطفوف

باني تله اعليهه زينب  وطفله تركض كلهه خوف

تربه ماخذ من ظريحه   اعليهه يسجد لـو يطوف

ايلبي يحسين ويشـاهد  خنصره اليـرسم چفـوف

******** 


خلي نوصف حاله نگدر   الشاهـد اجفوف الغيور

حـالـة الــردة سـبــيــه   تشكي وخوتهـه بـقبـور

لـو رقيه اونهه ذاكــــه   الباقي ويفسر الصخـور

هـم تـظن بطــل دمعهـن   حـتـى بـلحـود ويـفــور

************ 

فورت الطوفان جـفـنـه  عـلسبـط عـبره الـدموع

عـلـوجـن گـام اتلاطـم   روجـه وتـلمهه الظلـوع

الليـلـة الجمعـه يـتانـي   حـتى يـعـلگ للشـمـوع

يم ضريحك يقره ناعي   الفاطمه أبـأنـه وخشوع

************ 

وسفــه فاطم لنهه تالي   تبچـي يم گبـر الغريب

لا زيـاره ولامجالس   لا نواعـي اعـله الحبيب

يبني وين احبابي راحت أوينـه الينادي ابنحيب

ياذبيح وگلبـه ظـامي ياخضيب الـظـل سليـب

*********** 

صحنه يازهره الظليمه   انعادت وعـظـم المصاب

والشمـر رد وسيـاطـه   والسبي وذاكـه العـذاب

بحجة اكرونا الجماعه   غـلگـوا للرحـمـه بـــاب

وأمنعـوا شمة عبيره   وكل عليل الشمهه طـاب

************** 

صرنه مـن بُعـد وننادي   ظـلمه يـازهـره الحـياة

من عگب شوفة ضريحه   لا سـعـاده ولا نــجـاة

 بس دعاء الباقي عـدنـه   ربـي عـجـل بـالـممات

 حتى يحظرنه النحبه حسيني والذل الفرات

************ 

لخادم خدمة الحسين ( ع )
      ابو عمار الدراجي

@adoamar