‏يكفي من عتابي القاسي ، بعض ما لديه
‏لأني أخاف أوجعك و عتابي بـ يوجعك

‏یا أكثر حبيب أتمنى شوفته و أحتريه
‏ما كان لازم أشوفك قبل ما أودعك

‏ما كنت أبي البعد يا اللي ما تبيني تبيه
‏و حاولت أبي أقنعك و لا قدرت أقنعك

‏ودعتني ، و المفارق رحت كلك إليه
‏و أنا تمسكت بك لكن عجزت أمنعك

‏أنت اللي أبيع كل عمري عشان أشتريه
‏و يسار صدري بقى رغم الجفا موقعك

‏في غيبتك لـ الأسف يا كثر ما قلت ليه ؟
‏يدفعني الشوق و أنت الشوق ما يدفعك

‏رحت و بقت ذكرياتك مثل ما هي عليه
‏و لا بـ يدي ، أرجع أيامك ، و لا أرجعك

‏حتى شعوري شعوري مدري إش كان فيه
‏تفرح و أفرح معك تحزن و أحزن معك

مشتاق لك .. و أنت لو ما قلتها ما عليه
‏ما بينك ، و بين نفسك قولها و أسمعك :)