Жеке кәсіпкер декретке шыққаннан кейін МӘМС үшін жарна төлей ме?

Декреттік демалысқа шығып, жеке кәсіпкер ретінде МӘМС жарнасын төлеу қажет пе, жоқ па деп бас қатырып жүрсіз бе?

Жеңілдікке іліккен 15 санаттың ішінде жұмыс істемейтін, декреттік демалыста отырған азаматтар да бар. Олар үшін жарнаны мемлекет төлеуі тиіс.
Осы жерде Жеке кәсіпкер декреттік демалысқа шыққаннан кейін жарна төлей ме деген сұрақ туындайды.

Заңға сүйенсек, «жұмыс істемейтін» деген түсініктің астарында – «кәсіпкерлікпен айналыспайтын» немесе «жұмыс істеп табыс таппайтын» деген мағына жатыр.

Яғни, жеке кәсіпкерлік нысаны жұмыс істеп табыс тауып тұрған болса декреттік демалыс кезінде де жарна төлеуді тоқтатпайды. Ал, жұмыс істемейтін болса кәсіпкерлік субъектісінің жұмысын уақытша тоқтатқан дұрыс. Сонда сіз жеңілдік санатына ене аласыз.

Ақпарат сізге пайдалы болды деген ойдамыз