قناة الشاعر علي السعيدي

العباس عليه السلام

....

زلزلتهم سيرتهم برعدي والقارعه
موت اجاهم من دماهم ارسم الواقعه
من اطبها من رعبها تنشف المشرعه
اله خلي لكل يكلي موتي مااسرعه
...........................................
....
بيمنتي السيف وتاني من يمر بخيامي
اليوم اروي من ركبهم سيفي الهم ضامي
اناحماي العقايل غيري منهو الحامي
اليوم ادوس على الشوارب ياشمر بجدامي

لوطبيت غضب ملك الموت خطب
بجدحت عين الي الطف يصير حطب

السيف بيد الكافل دخيل چف ابوفاضل
...........................................
...
انا خيال المعارك مهرتي ساح الوغى
لااهاب الموت يدري خصمي يوم الملتقى
ارتقي صرح المنيه ولون قيله من رقى
واليفر عيني تلوحه بزفير المحرقه

شهب ربي نطلق يتلو بالطف قلق
المايلوحه الصارم. بصوتي راسه نفلق

الكاع ترجف خافت لبن حيدر گامت
...............................................
اليوم باب الدنيا اقلعه ياحصن يحميهم
اليوم اريدن الف مرحب ولو نص مابيهم
يستلم عزريل جمله ارواح اله موديها
شفته ماميز صورهم حافري مخطيها

نهر دمهم جره. اناابن حيدره
يابشر يوكف بعد اله رد خيبره


اناصحت بصوتي. منهو طالب موتي

..............................................

انهر وين اجيته اليوم اكصن راسه
من يضم روحه اذبحه ويندفن وي ناسه
لونه اصفر مايهمني ولايغير حساسه
لونه احمر اله اگلبه وانا موعباسه

والرايد يموت. بسفي الجنه حوت
يرفع بيده سيف كبالي خل يفوت


علي لجل حسين اليوم ارد صفينك

..................................................

اليوم اشيل الطف وهوس خلي يسمعني الشمر
لايكلي انت ابن الختنه ولايجي بمية عذر
الخوله خل تفيده هوه بالحسين أنا افتخر
هو خوي وهو خالي حسين شراين العمر

اناتحفة علي كافل وابن الولي
حسين كلي بالمدينه عازل الطف بس الي

الساحه هاي زغيره ماتكفي الغيره

........
الشاعر علي السعيدي

الفسطاط
............
منيتي اسمعلك قصيدة
بيه طف ابلا سبي

منيتي اسمع فكر واعي
يقره قصتك
انت مو خيمه وعبي

شلون اعرف المايعرفك
وانت ابن المايعرفه
الا لو رب لونبي

وردت اشوفلك معاني
بوجه اليحبوك مره
شفت طف. وشمر حاضر
وماشفت منكم صبي

وياحسين الناس نصها
والله ماميته عليك
الناصب باسمك مواكب
حتى يصعد صيته بيك
ومن تطيح بيوم عاشر
يركض يبوك البديك

واكو بعض الناس ناسك
روسهم طاحت لراسك
غيره عدهم عالقضيه
ومايهدمون باساسك

وگلبك الديوان يطعم بالسهام الي تجيه
شوسعه صدرك جان بالطف
وشتهت ذيج الخيول تجول بيه

هجمت الناس بظلمها
وحفروا بصبرك نهر
وانت مترهي اكصدتها وشايل بخلگك كمر
وياكبر كلب ابوفاضل واصل لحد المحال
كتله انظر هدت السبيعن ألف وشويه كال

جيتك غيمه ثگيله واليگطر منلجم
وانت يالملجوم گلبك ماطر بطفك زلم

شماعليك يشد معسكر
من يشوفك ينثلم
والحقيقه يابو ربعك
جان كل ربعك حزم

ياغريب الميت ولله قريب
متت غربة وعايش بناسك وطن


لراسك ودمك قوانين وشروع
طاحن على السمه من كلشي نزل

نزل دمك عالرمح خضر مناره وصوت آذآن وبلال يصح دم

العالم تحول سكون وخوف جان
وانت وحدك ياحسين الصرت فم

بجسمك الالف وتسعمية وتزيد
لكن بنزفك ملايين الحجي
سمعوك الحجي الجارح
وانت وين
عليهم من النار منخونك ابجي

يالحنين المامخوفهم بخوك
انطيته دور بس گلبك بديك
انت شمسوي عليهم وهمه شمسوين بيك
اشاورت بتك رقيه وماتت بسكته
عليك

جانت الخيمه زغيره
وبالستر مولمزمه
ولان زينب بيها كعدت
الخيمه صارت عاصمه

شسولفت يم الحراير وعالخيام شسولفن
حتى من شافن غريب نضمن خيامك خجل وتحركن

والزغير الجان هم هواي جان
ابن فاطم لكن بنبلة انفطم

بنحر عبدالله السهم حافرله بير
الموت راد يشربه بس غص بالسهم

نام حبيبي.... يعبد الله نام
نام حبيبي تناغيك السهام

اسم الله يبني على طولك
خايفه ..... الموت ينولك
..................................
غفيت بحضني عطشان
ضحكت بالماي حلمان
سهل حلمك
يبعد امك
انتظر عمك يجيبه

نام ومن يجي الماي
نروي ضماك وضماي
واذا طول
منو اليرحل
ندور حل غريبه
يغفه لحضه ويفزز بي ضما
يغفه لحضه وينادي بالبكا

للنهر مو وصولك
خايفه الموت ينولك
....................................
شيضرهم من يرووك
ومن ونينك يهدوك
يفر حونك
يسكتونك
بچي عيونك. تعوفه


شيكلفهم روه ضماك
شينقص مايهم ذاك

ضكت مرهم
النهر يمهم
عيون الهم. تشوفه

ماتشربه سمعت بروحي صوت
ماتشرله يريدونك تموت

ورده ويحل ذبولك
اسم الله يبني على طولك
.............................................
يلوگ النحرك الشم
مو نبلة ويصب دم
يعبد الله
الك الله
الهجر صلى. بدليلي

حناني ونسمة الروح
بعمرك ياهو مذبوح

تخليني
شيسليني
ودمع عيني. وي ليل

سكته رديت كلت راوي وغفيت
سكته رديت بنبلتك مادريت

بجف الحسين خمولك
اسم الله يبني على طولك

.................................................

اخاف من الهوه عليك
السهم حار ويچويك
من يلوحك
تفز روحك
بسمه جروحك تلالي

ولا من موتك اعذار
لمنيتك انت تختار

يعطشونك
يذبحونك
يسحكونك يغالي

وحده من هن منيتك يالغريب
وحده من هن الك يبني نصيب

بالمنيه عجلولك
اسم الله يبني على طولك
.............................................
النحرك مو رمح كون
وردة بغصن زيتون
يالورودك
على خدودك
مثل عودك جمالك

يبعد الماي والناس
يعبد الله بلا نفاس
اشم ثغرك
اضم صدرك
اضن هجرك حلالك

بيدي مهدك وهز خالي الحنان
بيدي مهدك ودورلك مكان

تمرمرت ماحجولك
اسم الله يبني على طولك

.......
العليلة...حوار الروح مع الجسد
..................

ها ياموت ماظل صوت
من جسمي الذابل ريح روحي
كافي جراح خل ارتاح
اخلص من مرضي ويخلص نوحي

مانساك اترجاك روحي وياك ياحسين
...........................................
.....


إذا ميته تخف روحي وانا بثگل الجسد شلي
أريد انا اليساعدني وعني ينتزع حملي
الجسد لاخرني عن اهلي اطلع من احسلي
الف موته ولا ابقة تجرح كلمة ..الظلي..

توصيهم گبل بيه هسه ختلفت النيه
خذت كل البنات وياك يبويه حسين انه بنيه

ابقه وين وانت حسين
يالعشت احساسك وانا زغيره
تمشي النوگ وانظر فوگ
راحوا احبابي من هالديره

ماانساك اترجاك روحي وياك ياحسين
....................................................
مني ماتثاكلتوا أنا ماردت اعذبكم
بهودج لا تحسبوني أنا الماريد اكلفكم
تمشي بلا جسد روحي حنان امشي اعله ريحتكم
إذا رتو تشوفي حمامة انا على محملكم

احط من هودج لثاني يرف جنحي على خلاني
حنانك بويه علمني اوزع حبي لخواني

وهاي الروح تحدي جروح
بصحراء احزاني وليل همومي
صوت الاه بكلشي الگاه
ليلي بلا كمره. وتبچي نجومي

ماانساك اترجاك روحي وياك ياحسين

...................

يجسمي ابقه وعد عندي اردلك لو هلي ردوا
گبلهم كون أصل للطف وضيفهم إذا نزلوا
ونصب خيمة الي جبيرة ووزع ماي لو وصلو
وذا ياجسمي مارديت ميته وگول ماردوا

يجسمي انت تانيهم. وانا بالطف الاگيهم
واحد يحچي للثاني إذا شي يحصل عليهم

ردت بهاي تمشي وياي
كونك من علتك تشفه وتبره
رحلة خوف حجي سيوف
خايف دلالي تضيع العشره

مانساك اترجاك روحي وياك ياحسين
................
أيآ روح العليله آسف وانا حيل اعتذر منچ
وياچ من الطفولة لحد سفرهم سببت ونچ
أنا لوصاحي بالتوديع چا ماهاجروا عنچ
خذوچ وياهم ورحتي واكو هناك اليبارنچ

الكمر يتكفل المحمل وزيب بينه تتكفل
حسين النده بحساسه بعد ليش الورد يذبل

وانا وياه. حزني انساه
محتاجة لشوفه ولمسة ايده
بالتوديع. يخوفي ضيع
لحمي الفاركته بذيچة الببيده

ماانساك اترجاك روحي وياك ياحسين
........................
الاماني ماتت وراحوا وانا بالدار حزنانه
وشفت اغراب اجه من الطف بدم مصبوغة جنحانه
وعلى داري وگف ينعب حجة بس عبره بلسانه
يريد يگلي ماجوره ومات وجن متت انه

بشر جرحي نعى يمي عرفت الدم مثل دمي
وعرفته من النحر مذبوح لمست الدم شفت اسمي

طحن اضلوع وصب دموع
گالولي ضلوعه أه اضلوعه
صارت ميدان وگلبه العطشان
تفطر ولزينب تجري دموعه

.............................................
شيراز 2019
علي السعيدي

العليلة عليها السلام
....
جمع هلي گبالي حسين وتوكلوا ناداهم
وان ركضت ضني بهاي حسبالي اروح وياهم

ابچي شبيه مامتت
موتي وياهم ردت
...........................................
...

مسرعة رحت لغرفتي ابالي باجر رايحه
حضرت ثوبي وعباتي وللعلل ماسامحة
ودعت كل ذكرياتي والدموع الطايحه
توجهت لله بشفائي لفاطمة اقره الفاتحه

من طر صبحهم عالعين ريت الصبح ماشوفه
گلبي رجف مدري شبيه وظلت تلزمه الخوفه

حالي شمالك ناشدت
موتي وياهم ردت
..................................................

كاعدة بوسطة خواتي وطب ابوي علينه
سولف السفرة وتعبها والدي يوصينه
كلها كومي يارقيه وخوله وي سكينه
ردت اكله بويه وانه يم نزل عينه

كل خوتي يتحضرون حتى الرضيع وياهم
وانا لتفت يمنه يسار عدله ومتت بشفاهم

قهري. ليش تاخرت
موتي وياهم ردت
.................................................

جان من يذكر اسامي تستعد اسماعي
بصوته اسمي ردت اسمعه شوكي جان متاعي
صاحلي وركضت يمه ولن تزيد اووجاعي
گلي بويه يالعليله تحضري لوداعي

من وگفت ذيج النوگ وصعدت جميع العيله
بيه النفس ظل مخنوگ
ياقهر ذيج اليله

وانا لگبري سافرت
موتي وياهم ردت
.................................................

المنه محرومه تركني الماامل عيونه
العلماني اغفه على صدره هسه صدره شلونه
ليش وجه الله حچولي العطش خاطف لونه
الگصو الشجره على امك راسك يگصونه

وين التفت حتى الگاك والعالم يصيح حسين
لومابچتلك عيناي تعمه عسن كون العين

عمري لاماطولت
موتي وياهم ردت
...............................................
كلشي حاچيلي بحياتك وحده ماحاچيها
تسافر وتعلن غيابك بنتك تبجيها
انت كل الناس عدها بغربة لتخليها
باجر الينشدها عنك مات صعبة عليها

ماشابعة وداع وياك ارحم حنيني
ودمعي
باب الهجر بي مسمار حسيته يكسر ضلعي

امشي جم خطوه وطحت
موتي وياهم ردت

..........................................
شيراز 2019
علي السعيدي

الانصار
...........

فدائي والطف شهد ولائي للمعتقد
ندائي باقي لابد لبيكي زهرا
احبك شنهي الجرح اجيتك حتى انذبح
امامي حبك ربح ياقل هو الله
........
ياسر حساسي يااهلي وناسي ياخيط انفاسي حسيناه

اقبلني بكلشي يالمالك رمشي خادم لو امشي حسيناه

بالحرب من اطب احني كل ذيج الجحافل ما الين
نافع عابس إذك حر وحبيب وبن قين

حسيناه عالعهد ظلينه
حسيناه. فاطمة سجلينه
..................................

ياجرحي الباقي من الذر بعماقي
ينزف بحداقي حسيناه

لاراسي ورمحي اليحب يضحي ياطعم لجرحي حسيناه

حيدري فاطمي عاشق الموت وحسيني وزينبي
رافضي خيبري عزمي ثابت مثل عباس الابي

حسيناه انت وجه الباري
حسيناه انت مبدء ثاري

..............................................
كبلك ماچنه. شفناك وعشنه ولأجلك متنه حسيناه

يالحبك فطري والخالق يدري ياعشگي بزغري حسيناه

تنرسم عالنجم تكتمل لوحة جمالك بالسمه
من صلت وضحت العطشوك اليوم ظلموا فاطمه

حسيناه الماي فدوه لطولك
حسيناه الموت لاميحولك

..................................
.
حساسك ظل بينه نموت ويحينه بسمك صلينه حسيناه

خل يذبحونه وخل يگطعونه لاميمنعونه حسيناه

بالعشك نحترك احنه انصارك يمبعوث الوحي

للفداء بالدماء كل فرد بينه ينادي مذبحي

حسيناه نطيح كلنه كبالك
حسيناه. حسين من يدنالك
..............................................
بس ربك أكبر نرضه شماقدر نظل يابو الاكبر حسيناه

نعيش باحساسك. ندور بانفاسك انصارك ناسك حسيناه

بياعلي. تنجلي عاصفة ذاك الغباره المنهكه

زلزله بسمله من الخيم نطلع لهب للمعركه

حسيناه. الدنيا ماردناها
حسيناه. وبصحبتك نتباها
..............................................
الشاعر علي السعيدي

الامام العباس عليه السلام
......

الله وياك الله وياك ياعباس الله وياك
......................................................
انه اختك ياكمر جفك بيك مفتخر
منك خاف جم نهر كلك زود
امشي وياك وابتسم جنه ونار تنرسم
راسك حار عل زلم دون حدود
......................................................
بيك اطباع تنفرد تحجي وياي عل ورد
بس بركان من تهد شايل سيف
حتى الطيف يعتذر لوما جاك مايمر
بيه ولاينذكر حتى الطيف
......................................................
يلمعناك ملحمه متكفيك كل سمه
تفخر بيك فاطمه ياعباس
طولك لاح للعرش طلسم كون تنقش
عل دلال تنفرش رفعة راس
..................ِِ....................................
لوطبيت للحرب هل ارواح تنشطب
والاكوان تنكلب من الصوت
نفخة صوت يمنتك والانظار شافتك
تجدح نار خزرتك كلها تموت
......................................................
هيبه وزود تنجمع خي لبسون كل درع
طول بطول ينكطع من لاكااك
سيفه يطيح من يصل يمك راس ينفصل
يصيح دخيل بو الفظل من يمناك
......................................................
لاحاشاك ماترد من انخاك ترتعد
سيف بسيف تبترد من انخاك
لاحاشاك تعتذر بيدك لاح كل نصر
الخاطر بيك ينجبر بروحي الكاك


علي السعيدي

....
علي الاكبر
.....
علي يبني ارحم امك يبني وارجع
علي يبني كلمة من مهظومة تطلع

انظر لجراحي دمعتي ونياحي
ياشمس صباحي آ يالكبر
....
ودعتك جرح واحساس. ودعت الدفو بروحي
خطواتك وداع وموت بين جروحي وجروحي
ابوك يعاين لطولك وانا ابني بصرح نوحي
يكلي ليله ياليله لبنج بالدعاء روحي

عود اليه. عود اليه يبني انته
والرزية نورك الزاهر طفته

يابحر عذابي لوعتي ومصابي بغيبتك غيابي آيالكبر
....
بعدك باول اسنينك تمشي ودمعتي تلالي
ارحم امك وارجع يبني الاكبر ادنالي
اشبگك شبگة الغرگان بيك مچلبه امالي
ضامي وشفتك ذبلت عليك الماي موغالي

ودعتني. وحسبت شابگني ملگه
روعتني رسمت بعيوني فرگة

يبني من تغادر تجرح المشاعر ياضوه النواظر آيالاكبر
......
ودعتك ححم بركان كتر يطفه وكتر يدوي
ظلمة ودربي ما اشوفة بروحة وجهك اليضوي
يمي وما يطاوعني كلبي من ردت تنوي
عفاني وعالصبر شصبر لوشفتك علي تهوي

اسم الله يبني . بروحي تبني هم رحيلك
ومن تنادي. ابقه وحسين اليجيلك

اكتب اعتذاري لخطوتي ومساري وجمرة انتظاري آيالاكبر
...
ابوك حسين شال ايده وكلك ياعلي وضمك
وتخيلت اليصير عليك من شفت الابو شمك
واذا فوك المهر مصيوب و نازل يالولد دمك
گبل ماتهوه فوگ الكاع احسب هم تموت امك

جنت نسمه بريتي تفتر احلى كلمة
وانابعدك كل هوه ما اريد اشمه

يبني وشبديه تمشي للرزيه تحيطك المنيه آيالاكبر

....
رحت والدنيا مختنگه مشيت وفرگتك تكبر
حسيتك بعد متعود منشفتك غصن مصفر
اركضت من خيمتي لخيمة زينب بالحنين اعثر
صحت يازبنب دخيلج بعد مايرجع الاكبر

انا اريدك ...ما اريدك تمشي عني
ماهو بيدك وادري بيدك سيف حزني

رجعتك حياتي روحتك مماتي. هذي نايباتي. آيالاكبر

...
الشاعر علي السعيدي

اصغر كفيل بالطف ( عبدالله الرضيع)(ع)

عبد الله مات من البجي بدموعه اشوف شكد حجي رايـــد يحاجيني
ولسكنه صوته يـــعتلي ويكلي يـــــــــختي ادللي عطشانه امريني
ٍٍٍ
وكفتج وكـــــفة وهم كلبج يحركه العلم والامل بيج نـــعدم وعينج اعله المشرعه
بيج وصوني وصحت اختي اكفله كلت وين اكو مثلج اخت بـــــيج راسي ارفعه
لــطف اجيتي مخدره يختي واريـــــد المعذره لومحجر دموعج جره
بخيمتج لومر هوه ويه الجيش اطبكه سوه وعالـــــــكاع اذبه نوه
ها يختي ما ريد الدمع لظلمة رادونه شمع دمعج يطفيني
ٍٍٍ
يالتنطرين الـــــــكمر يختي انــــزلج مطر يختي اجيبلج نــــهر عمي يخجل ما جه
جوده خالي وبي سهم والحرب عطشانه دم ويــــمه زنده بلاعلم والـمواقف تحرجه
شاف المنيه بــــــكل جهه صوته اعله مــهدي وجهه اخـــتك تحامي حدهه
من اسمعت صوت العمد بكماطي طحـت من المهد مثله طحت مالي سند
والسهم لو لاح النظر لنبله راح افتح نحر وبموتي عذريني
ٍٍٍ

سافرت روحي جرح دمعة ادورلج فرح خضر بنحــــــري رمح مرتفع خلكي سمه
بصدري ادكلج وعد روح اضمج بالجسد نهر خصمي وجفي سد بالنهر ارسم ضمه
لونزل منج دمــــــع ادخل سكوت بكل جمع اجبر نـفسهم ينسمع
ما خلي الهم كل مفر للموت اجــرنهم سطر وبجفي اشـــعلهه سقر
بالرايه اسد وجه السمه بالطف احول ملحمه ياسكنه كصديني

..

عبدالله الرضيع عليه السلام
....
عبدالله لدكعونه توهن طبكها جفونه
اسم الله عليه اوليدي ضامي وتغير لونه
....
هايعبدالله الطفل شو ماغفيت
هواي بعيونك حجي
كمت احس عطاب ماي ستورحيت
وشفت بشفافك بجي
ماي رايد ضامي حكك مارويت
لوبصبرك مكتفي


لحسين درت عيونك عيونك تحاجي عيونه
....
انته والنبله صرختو ماكو ماي
ثنينكم مامرتوين
ولان هيه بعمرك وماعدها راي
بيك ضلت تستعين
انت ماتمشي صحت الها تعاي
شربي من دم والتين

كلبك برد يالغالي وامك بجت محزونه

....
سال دمك صاعد بهيئه ملاك
رفرف بجنه عليك
ولسمه السبعه عرج موكب دماك
وانت تتراجف اديك
بجف لحسين ثكلت ارحم اباك
ورتجل للخيمه بيك

لزينب حمل جثمانك. وحتاج ابوك العونه

.....
كماطك الابيض ارجع احمر نشوف
موفرح يبني ذبحوك
يمك ادنت رقيه وكضها وخوف
بنحرك النبله تحوك
جان ذنبك بالعطش غرفة جفوف
مرتوي الدم رجعوك

جلب الغيم بروحك وانت اعرفة مضمونه

.....
الشاعر علي السعيدي

حلم السيده رقية

خل يطول الحلم لدكعدوني
خلي تشبع شوف منه عيوني
منحني شفته والـي مد أيده
وركضت بس الــمسافة بعيده
......*
گلي بنتي شلون حالچ ماحجيت
گلي احجي وردت احجي بس بجيت
كتله بـويه بحالي جنك مادريت
كبل سبي الشمر بــــــدموعي نسبيت

كتله بــويه هنا تعال كبالي
هواي الك عندي كلام ابالي
والعتب جارح كلت مازيده
وركضت بس الــمسافة بعيده

...*

واكف اگبالي احس وبچفه مـــاي
يــــارقية يگلي عطشانه تــــعاي
كتله عيني لشوفتك عطشانه هاي
شلي بالماي من اشوفك انت جاي

ارد اضمك حتى ليشوفونك
ما اريد تطيح ويذبوحنك
النهض من نومه الحلم شيفيده
وركضت بس الــمسافة بعيده

.....*

طول بروحي الحلم بس كلبي حاس
لا ابـــــوي اكبالي لابجفوفه كاس
شفته باوهامي المهر بضلوعه داس
ردت ابوسه ومالكيت بجسمه راس

چنه كلي ممن اتــــــاذيتي
كتله بويه ذاك اخذ ترجيتي
كلي بنتي فري صوب البيده
وركضت بس الــمسافة بعيده

.......*

هذا مو من ســـــوط دمي البثياب
هذا دم من اذني ركز عـــــالحجاب
جني تله وضــــايعه بين التراب
الخيل ساعة يدوسني وساعة الغياب

گصر ثوبي بطرفة نار خيامي
واحني روحي وما ابين اجدامي
المموت لـــتمنا جنت ماريده
وركضت بس الــمسافة بعيده

.......***

تالي فزيت وخفت فزة حمام
بالسبي انا بعدني وجرحي شام
صحت وين حسين ياعالم حرام
نطوني راسه ارد اشبكه وارد انام

رايده اشكيله السبي اذاني
هذا طكني وذاك هم سباني
وهذا رجفني بـــكثر تهديده
وركضت بس الــمسافة بعيده

.....
العليلة
.....
راح وتركني بصحره روحي وي جروح والبكاء
ماكتله اخذني شفته رايح جفي لايح للدعاء

وشلون يرحوني
والغربة موت
.....
الدنيا وحشه وحزني غابه تسيير ابراسي الضنون
ودعوني اودعتهم وكالوا ايام اويجون
وشبكت سكنه ورقيه وصب نهر من العيون
وركضت لحسين ابوسه وقبلت چفه الحنون

عفيه وانا شكبره صبري والله يدري بالرحيل
منيتي اصبح موعليله شكد ثكيله موقليل

يمشون يرحون
والغربه موت

....
صح عليله وجسمي ناحل لكن ابامالي حيل
اكدر اصبر اكدر اعطش اكدر اسهر بيه ليل
وارضه يسحك نار جدمي وارضه بالسوط اليعيل
لكن وعينك يبويه انا مكدر ع الرحيل

مودعه جنه. صبري جمره وليلي حسره يالحنين
كلي كلمة كلي ارجع حتى اهجع ياحسين
اردون ترحون
والغربة موت
...

من تروح اتركلي ذكره ارسملي وجهك عالجدار
حتى من تشعلني فركة وجهك يطفيلي نار
حتى لو شي صار بيكم الصورة تتحول غبار
ولوكع عالماي عمي بعينك انظر الانكسار

بيدي امسحه من احسه بصدره رفسه يامصاب
بحجري اضمه لوتاثر لوتعفر بالتراب

ترضون ترحون
والغربه موت
....
لوشفت عينك تغمض احتمل بوبه حتمال
يعني الخيام احركوها وخدك تلسعة الرمال
احتمل سلبو رقيه هنا يجي مية سأل
لو اجت تكدر تضمها وجسمك اترسه النبال

جانت عزيزه هسه هضيمه صارت يتيمه يازمان
راحت اسيره تنام بخرابه وتنادي بابه بلاامان

العيون ترحون
والغربه موت
....
وطلب منك بويه اليه وهالطلب كلبي رجاه
تختفي الصوره من أشاهد خيزرانه اعله الشفاه
شلون تنظر عيني ثغرك فايض بجاري دماه
ابيتي سبيني دمعتي وروحي تصعد للاله

يذبحني حزني وموتي يجيني ويخلص حنيني عالحبيب
وبالجنه اشوفه ولمس جفوفه وبروحي اطوفه موغريب

ترجعون ترحون
والغربة موت
....
📝الشاعر علي السعيدي

خدمة الى السيد رقيه

مــانحتاج نلبس تاج والـمعراج خدم خدم خدم
ياخيعون اليخلصون يـــسمون خدم خدم خدم
نـيتي بخدمتي هيبتي
ٍٍٍ
..........
يمولاتي الـصغيره وغيبتج عبره
يـــــــالعمرج زغير وقدرج شكبره
المد ايده اعله خدج الله اليسطره
على عناده الخرابه تحولت حضره

الخرابه البجتج صارت قلعتج هسه بخدمتج
عرشج نور عدنه انذور ننطي نحور خدم خدم خدم
ٍٍٍ
..........
مامعقوله من ننصب عزاء لحسين
هواي اطفال تحضر وانت متحضرين
رحت الكربله ومــــاهز كيانج بين
لاشك حــــاضره وبالمجلس اتلطمين

تعيشين الالم تزيدين الهمم تسجلين الخدم
ماننساج رغم اعداج نبقى وياج خدم خدم خدم
ٍٍٍ
..............

معقوده المجالس بــالعرش واكثر
دعوه موقعه وتـــــــوفيق هالمنبر
الزهره تودي فضه والنساء تحضر
وعلي اليدعي ويدك بيبانكم قنبر

لوموتك جره الله ياخره لجل الطاهره
لملك الموت ينزل صوت لالتفوت خدم خدم خدم
ٍٍٍ
............

اسالج من الجه الراس بطش كمتي
جم خطوه رجعتي ومــن تقدمتي
جنج مـــاعرفتيه ومنه جن خفتي
أشفت اشصاير براس الابو ومتي

تجريح النحر ظربات الثغر واثار الحجر
تتغربين الله يعين كلب حسين خدم خدم خدم

...
الشاعر علي السعيدي

....
ام البنين تتكلم مع المحراب
.....

غصن ياس وشح خضاري بروحي ماضلة حمامه
ماكو غيمه تيه صدفه وتمطر بعيني السلامه

ليش ياروحي بجروحي مهزوزة المشاعر
وين خلوني وعافوني. ام مكسوره خاطر
....
شاغلني ذكرهم واتبع اثرهم
اذاني سفرهم من مشوا للغاضريه
يالوعة زماني متبدي حناني
ولامرسال اجاني ولاخبر هون عليه

فرشت سجادة صلاتي قانته وادعي يجوني
يضيك صدري لوتغرب وبقه اسولف وي ضنوني

ليل احزاني خلاني بس بالطيف اسافر
وين خلوني وعافوني. ام مكسوره خاطر

.....
على الاحزان مگوه مودعه عزاز تسوه
الام مومال قسوه سفرهم ما رحمني
اولادي فدوه تمشي وحسين الاهم شي
جان يحرسه رمشي وهسه بعيد عني

ولعلي سلمان من مات الكاع ضلت تنطويله
وانا عني حسين راحل وعندي بس الله اشتكيله

آه مشتاكه بفراكه ماتهده النواظر
وين خلوني وعافوني. ام مكسوره خاطر
.....
سفرهم باب حزني على جروحي دفعني
وشفت بسمار وني من تركني بكلبي صاير
وانا محراب دمعي وكفت واشكي دمعي
نداء يكلي سمعي ابنج العطشان حاير

ولده وخوانه ضحايه والطفل فاطمتة نبله
وذبلة شفت رقيه وعنده جانت اعز.طفله

نااار بخيامه وكدامه يشوف الشمر حاضر
وين خلوني وعافوني. ام مكسوره خاطر

.....
اجته خيول عشره طبكت صدره اعله ظهره
صعد شمر اعله صدره وعله نحره خله سيفه
لمن سااااااال دمه نزلت اممه يمه
اجت رادت تلزمه شاهدت حاله مخيفه

حسين يهتف يمه رجعي. صبري زينب كافي تنحب
يمه من تنظر مصابي خوفي يمه تموت زينب

تموت من تنظر للخنصر الموت عليه داير
وين خلوني وعافوني ام مكسورة خاطر

....
شكلج يم البنين ذبلت شفت الحسين
الكمر مكطوع جفين وبالسهم عينه طفوها

شسولف والله حيره مصايبهم جبيره
خذوا زينب اسيره عالهزل من ركبوها

اسيرة كصت الشام الاميره توصفيها
ترد موذيحه والله اضن ماتعرفيها

تصيح يايمه كل كلمه تذكر يوم عاشر
وين خلوني عافوني ام مكسوره خاطر
....
الشاعر علي السعيدي

....
خطبة الامام العباس عليه السلام
.....
.....
اتلمسوا الروس واخذوا دروس
حلم زينب رسمته ابالي
النهر مرجوع عطش ممنوع
اعصر غيمة فوك اطفالي

ازامطكم كفو زماطي... بزغري وگاطع اگماطي
....
انا هيبة الله وچف سيفي صلى
واعله الركب شفته راكع

بحافر جوادي ادفن الأعادي
وسيفوف اسوي الاصابع

جبريل احيره وعزريل ادهشه
باجر اغير المواقع

لو كنت وحدي مايغله زندي
بيكم اقيم الصوامع

غدا والله. اخلي هنا اراويكم غضب زلزالي
الطف تابوت و عد موت
جهنم تحترك بخيالي

بيكم واضح افراطي بزغري وگاطع گماطي

....
بليلة الهجره محد تجره
نايم علي ومادنوله

واليوم كيفه ان لاح سيفه
بالطف يسير اعله طوله

دوروا وسيله يطول الله ليله
تضرعوا لله ندعوله

لوصبحي اسفر والسحر ادبر
اتبنه.دور تلبطوله

اسد غضبان اطگ بركان
ملك موت وملك غابه
واجيهم سيل زلم والخيل
يحير الحاسب حسابه

اكمل سبعة اشواطي زغير وگاطع گماطي
....
الخيمه عبايه وستر الله هايه
بيها العقيله الابيه

جبريل اتركه من امشي خطوه وصيته يحرس رقيه

والماي اكصده من جرفه اجرده
يزحف لوشارة اديه

ابدي الصواعق واصبح بوارق
بالخزرها بعيني الوطيه

ارعد صوت امطر موت
نزل متن الارض من طولي
انا العباس انا النبراس
جبرا كلهم يخضعولي

سطوت موت انه ساطي زغير وگاطع كماطي
.....
صفين اشهدي والطف ابعدي
بجفوفي سر البطوله

الكابلني يرجع لويمي يركع
لامايظل اعله طوله

الشاطي يحلم و لوجيتنه يندم
يدري بصفاتي الرجوله

ماعنده حيله من جرفه اشيله
بچفوفي بعطش سهوله

زينب هاي وهذا الماي
اجال الزلم بجفوفي
تشرد وين وانا اللبين
محيط ومن يحد جروفي

منيته الطاح برهاطي زغير وگاطع گماطي

......
انا الغضنفر رباني حيدر
انا ذو صاحب الفقاري
زينب جبتها وانا كفلتها
وهم مثله همي اعله جاري
خبرو الوديعه فوك الشريعة
بدم ملحمتي وانتصاري
حتفي لكيته وجفي نطيته
سهم العيون اختياري

ابن كرار اجيهم نار
من قوة ضواي اعميهم
اذا يفرون افرالكون
بكل خطوه وطريق الكيهم

اسمي واذبح الشاطي بزغري وگاطع گماطي
......

✍الشاعر علي السعيدي

القاسم عليه السلام
......
لاعمي لتحير بفعالي انه جبير
جايبلك كتاب
من والدي وشوف شحاجي عله لطفوف
لوحل لمصاب
نذر كال من دمي النفس ليك ياعمي
......................................................
انه ابن ذاك الكريم السيفه محد لاحه
بس فرق بين اليضيفك واليجي بسلاحه
والكرم هليوم اوضحه من اطب لساحه
واليجي لامااريده بسيفي يلكه الراحه

وراح اعزم اليوم الموت عله لجسوم
ومعزب السيف
وهذه الكرم نوع الرد راسه مكطوع
اوصله بلطيف
منو اليوم يدنالي
وانه السيف ذرعاني
......................................................
لاتضن ياعمي وحدك والعده يحوطونك
الحسن بلطف انه اصيرن راح اوكف دونك
ساتر اندار عله طولك حتى ما يدنولك
عاصفه انصب ودخللهم خل تشوف عيونك

لوخطوه يخطون راح اكلب الكون
خل تسمع الكوم
سيفي عله لركاب بي اكتب عتاب
وحرمهم النوم

اطب نار بلحومه
الحطب جيش معلومه
.....................................................
خلي من الخيمه فتحه كد نضر عماتي
وخلي زينب عمتي تنظر فزعتي وصولاتي
وخلي امي تحس رباها يكبر بخطواتي
الحسن طب لوابنه هذه حاروبغياتي

ومن الزعل حار سيفي شتعل نار
كلهم يشوفون
مووحده لحسين يزيد فتهم زين
لاماتكدرون
ألي سيف ليشوفه عجل مات من خوفه
.....................................................
تعمدت شسعي اكطعه وعندي اكبر شاهد
دنكت شديته بيدي وماخفت من واحد
حتى من هجمو عليه كلبي كلش بارد
والزلم تنقاس موقف عدنه محد شارد

علمني عباس شلون اكطع الراس
والكنطره شهود
من يكبل الجيش لاماصحت ليش
يتبين الزود
نهر جيش صبيته عله الموت وديته



علي السعيدي

الامام العباس

وفه وفه كلك وفه
حتى النهر يمك غفه
.......

عباس من اوصفه أنا حسين اعرفه
جفوفه الخشنه عالجيش وي سكينه ترفه

بكثر ماجان وياي شفاف وفي هواي
كتله النهر عطشان راح يجمل الماي

صفه صفه بنيتك صفه
حتى النهر يمك غفه
.....
ابد ماكالي حسين ولاحط عينه بالعين
لمن يمي يمشي وياي يتاخر خطوتين

يخجل مني عباس. گبالي مارفع راس
شكرآ يم البنين شكد ساكيته بحساس

بحر بحر من عاطفه
حتى النهر يم غفه

....
كمر ومحير العقول عليه بس خلكه ليطول
اخوها ويحترم حيل يمه لزينب يكول

عالم يقره الفكار. يسمع حجي الانظار
لزينب كبل متگول يكلها دللي وصار

جبل جبل للمعرفه
حتى النهر يمك غفه

....
سكنه تكول عمي ابد ماصح بسمي
انه مسميته الاحساس وهو يكلي دمي

بصلاتي السجده الاكيه ياسم الله اعله طاريه
حرز من كل العيون يجي نبخر الخيم بيه

علم وفه ليرفرفه
حتى نهر يمك غفه

....
حتى ابوصف الاشعار اشوفك انت تختار
القصيده تنگع بماي لمن اذكر النار

وفي ومابين السطور اعله زينب شفتك ادور
ترفض شمر مكتوب يم حروف الخدور

جفك على طفالك دفه
حتى النهر يمك غفه
...
المجالس تختلف بيك إذا ينجاب طاريك
يومك واسمك الحار حماس يزيد قاريك
انت اتجمل البيات فارس عالمنصات
يوصفون شكثر بيك ماوصلوا جزيأت

حتار الشعر شيوصفه
حتى النهر يمك غفه

....