🇮🇶الحان الرادود احمد جميل الغزي🇮🇶

.
#جديد مجلس شهادة مولاي أمير المؤمنين
..
.
...............الموشح ...............
.
ليش ياحيدر تقبل اعيونها
شوف زينب شو تغير لونها
.
.
ادري جرحك ياعلي كلش كلف
چن اشوفن كربله وسط النزف
شو وداعك ويه زينب يختلف
ما اشوفك قبلت خدها الترف
.
ليش چفك راح يم امتونها
شوف زينب شو تغير لونها
.
............................
.
يعني تعرف الزمن الها أشيظم
تريد يعني تگول بعدك تنهظم
يعني فوگ العين زينب تنلطم
يعني سطره تكسر بخدها العظم
.
خلاف عينك يالولي يسبونها
شوف زينب شو تغير لونها
.
...................................
.
بعينها تنظر هظم ما ينجلي
تشوف بضعة فاطمه من تنولي
چن شمر وينادي طلعو بت علي
الهه ما ظل لا أخو لامن ولي
.
الوديعه بعدك يسلبونها
شوف زينب شو تغير لونها
.
......................................
.
ياعلي خدر الرساله محيره
شنهي سر هالنظره منك ياتره
قبلت عين العقيله الطاهره
انت لو تگصد تقبل مگبره
.
هناك كل اخوانها يودعونها
شوف زينب شو تغير لونها
.
...................................
.
قَبّلت عين العقيله بلا كلام
بيها چنك تستمع رشگ السهام
تنظر مراكض يتامه من الخيام
لو شفت رمح وعلي راس الإمام
.
تمشي بدروب السبي يردونها
شوف زينب شو تغير لونها
.
..................................
.
صافن اعله عيونها شو للصبح
نعمه لوتنطق ولو كلمة جرح
ركزت چنك على چعب الرمح
چن شمر يدفع رقيه وتنطرح
.
عالوجه من تعثر ايصفعونها
شوف زينب شو تغير لونها
.
...................................
.
ليش ساكت وانظر بعينك وجل
بعده كله الي تشوفه ما حصل
حرّتك ستر الله والكافل كفل
ضمها وسط عيونه عباس البطل
.

يمها كل خوانها ويحمونها
شوف زينب شو تغير لونها

.
حسن الموالي الفاطمي
.

https://t.me/alkzaie

لوفاة سيدتي ومولاتي زينب ع

وحيدة .. بعيدة
ووگف گلبي وريدة
تموت اكثر بشر انته ..اذا ماهو التريده

حنيني .. وونيني
على البچّو سنيني
ضماد لگلبي شوفتهم .. واكحل بيها عيني
==========
تمشي وترد لا تلتفت .. ياگلبي اكبر غلطة
ايجيسك برد ليل البعد ...بس بالصور تتغطة
متعود اعليهم گبل .. بعيونك اضعف نقطة
بُعد التحبهم من وكت .. حيلك يگوم ايشنطة

حياتي .. ومماتي
بگفه اجروح امنياتي
يجون ابالي واتراجف .. گمت حتى بصلاتي

حنيني .. وونيني
عله البچّوا سنيني
ضماد لگلبي شوفتهم .. واكحل بيها عيني
============
ايكتله الدمع لو ينفتح .. اليم الجروحه امفرعة
هو الدوه الفوگ الجرح .. بس الطبيب ايشلعة
لو طافية وما تحترك .. تخرب حلات الشمعة
والدثر اعيونه وصفن .. من لا وعيها اتنگعة

عليه .. المنيه
دنت كلش الية
وشلت لچماتي واعتابي .. مثل خرزة اعلة اديه

حنيني .. وونيني
عله البچّوا سنيني
ضماد لگلبي شوفتهم .. واكحل بيها عيني
============
بس بالاخو بوكت الضنك .. يفطر صيام الهيبة
يتمرجح ابعينه الدمع .. التاكل ابگلبة الغَيبة
يمشي ابظهر روحة الكسر ..وچفوفة تترس جيبة
ابراس الفگد هيچي زلم .. ما تبقة بس الشيبة

غوالي .. اعله بالي
الزمن موّت حلالي
اشيجيبة ابعيني اشوفنه ..ونگع بالدم زلالي

حنيني .. وونيني
عله البچّوا سنيني
ضماد لگلبي شوفتهم… واكحل بيها عيني
=================
همّ اليفهمونك حسب .. ما تفهم وتفهمهم
كلش صعب لو ما اجو… واعيونك التطلبهم
تتشبگ ومو تنشبگ .. من تذكر اتعاتبهم
علوية وانعاف ابغرب .. حيهم يهاشم حيهم

لهيبي .. ونحيبي
يجي لدفني حبيبي
الهجر ناره اوجرت بيه .. چذب يلحگ طبيبي

حنيني .. وونيني
عله البچّوا سنيني
ضماد لگلبي شوفتهم .. وكحل بيها عيني
================
دوروني اريد انسه العرف .. فحطني ظهر الناگة
خ نوّهس الگمرة ابهله .. كافي الحنين افراگة
خل انفض اتراب السبي .. ونتشابگ ونتلاگة
شمحلاها گعدتنه گبل .. من تطلع المشراگة

ينوحي .. يروحي
بعد ماتت جروحي
بعد كلشي انتهه وفرغت .. الدوه يلچمها روحي

حنيني .. وونيني
عله البچّوا سنيني
ضماد لگلبي شوفتهم .. واكحل بيها عيني
=============
قسمة ونصيب وما رسم.. خط رجعه وي قسمتنه
والواحد اشما ينضرب .. يرجع مثل خوتنه
يتوازه عالمامش جرح .. لو فرفحت ضحكتنه
چم بيدر ايكحل العطش .. من نلتم ابحجرتنه

مصيبة .. عجيبة
على عيون الغريبة
وعثرنه ومامش اسم الله .. تلم حيل الحبيبة

حنيني .. وونيني
عله البچوّا سنيني
ضماد لكلبي شوفتهم .. واكحل بيها عيني
=================
علي هادي الخزعلي
https://t.me/alkzaie

      لاحول    ولا     قوه         اشتم بالهوه گوه
‌ شلت ابصدری چم حسره     کسرة خاطری العصره
                      لاحول ولا قوه
***********************
ارش ادموعی کل ساعه عله الگاع
بعد وجه النبی عمری اختفه و ضاع
الیودع   اهله   لیله   ینگضی   ابساع
احس  ابگلبی  شایل   چلمة    اوداع

اتمنه صرت موتی      للباری ارفعت صوتی
دمعاتی مثل جمره    کسرة  خاطری   العصره
                 لاحول ولا قوه
************************
الاحبهم   مشو   عنی   و  ما   یردون
اعاتب   والعتب  لا   والله     میهون
علیه     صارو      ابسرعه     یبعدون
ادفنتهم   اهلی   کلهم   بین   الاعیون

مُره   دنیتی      مُره     خلت بیه چم ذکره
وبخدی بقت    سطره   کسرة خاطری العصره
                  لاحول ولا قوه
***************************
صلاة    الفرگه   جیت   ابدمعی  صلیت
بین    احزان    گلبی   و  نوحی  ظلیت
الحزن    مل   منی   و انه   منه   ملیت
وگله      چم    مصیبه    ابروحی خلیت

اگضی لیلی بالمدمع    من ونی فلا اهجع
یاربی  انه     الزهره  کسرة خاطری العصره
               لاحول ولا قوه
**************************
حَدِر  جدمی   لگیت  اجروحی تمشی
انکسر   ضلعی  اختلف بعیونی کلشی
شلت   صورة احزانی   فوگ   رمشی
اون ونحب اذا   بس   لیلی     یغشی

ما تنوصف  آلامی         حزنی یمشی جدامی
عندی اویه الالم عشره   کسرة خاطری  العصره
                     لاحول ولا قوه
****************************
علی  کاظم  ابغیضه  و دمعه  مدرار
مختار  السکوت  و.  گلبه    بی    نار
تگید     بالوصیه   و صار.   ما     صار
من    ایشوف   حالی.   وضعه.    ینهار

اگباله کسرو اضلوعی   یمسح یبقه بدموعی
وعلیّه بین    الکسره.   کسرة خاطری. العصره
                   لاحول ولا قوه
.********************************************
بلا   إذن   ادخلو     داسو      اعتابی
حَزب  شیطان  اجه   یحرگلی    بابی
حچیت      ولا نفع       حته   جوابی
اهم شی  عندی   ستری  وی   حجابی

لچمه من بعد لچمه   المحسن مختفی نجمه
اجروحی یاوسف کثره   کسرة خاطری العصره
                     لاحول ولا قوه
************************
لخادم الزهراء علی فلاح الواسطي
https://t.me/alkzaie

ما تنشف أدموعي وحك دمعج
جن كسرو أضلوعي أبكسر ضلعج
لو انه غايب أنتي ما غبتي
دوم أعله بالي يل تعذبتي
$$$$$$$$$$$
ما خطر مره أعله بالي أنسه بابج
كربله وكل المصايب من مصابج
الأكبر يذكرني يا يمه أبشبابج
حسين عن زينب غيابه جن غيابج
بس الفرق من خمدت أنفاسه
أنتي أندفنتي أوهوه ضل راسه
أبراس الرمح ويباوع العمتي
$$$$$$$$$$$$$$$$$$$
النار والبسمار والحايط أذيتي
وانه مامولود بس أنتي دريتي
أجيت يم الباب لمن أنتي أجيتي
وصحت انه أوياج لتدخلون بيتي
أتلثميه واكثر حوطو دارج
وكبال عينج خذو كرارج
بسمار ثاني بيه تصوبتي
$$$$$$$$$$$$$$$$$$$$
أمن أنكسر ضلعج أحس كلبي تكسر
حالتي محد عرفهه أله حيدر
أمجتف أبحبل الوصيه وناره تسعر
وانه ما أذنالي ربي حته أضهر
عيني أعله عينه وانضر أبحسره
كلي يمهدي أدرك الزهره
من كوميتج ليش حدبتي
&&&&&&&&&&&
كلشي أسمعنه ينادي يا هضيمه
وحته بابج صاح بوجوه ألئيمه
لا تورطني أبجريمه ويا جريمه
كسرة اضلوع أم حسن هاي العضيمه
الملعون دفعت بابي كررهه
وهل الدار يدري الباري طهرهه
لجل الولايه أشكد تحاربتي
&&&&&&&&&&&
روحي جمعت كل هضم صار أعله روحج
قصتج أقراهه يوميه ونوحج
ودري أكثر من دمع عيني جروحج
وانه بعيوني شفت صوط اليلوحج
فعل السقيفه أهوايه أذاني

ول جاملاهم زيد أحزاني
وليدعي بس بل حجي أمحبتي
&&&&&&&&&&&&
أريد أسألنج ولاكن أجرحج خاف
أبشيعتج شنهوه رايج صارو الاف
أهوايه أدري الشيعه صارو لاجن أصناف
الكلبه مثل الجبل بيهم وبيهم أيخاف
وبيهم يداهن قاتلي أهواي
وما يلعن وينسه الجره وياي
متشمله باجر رحمت أمحبتي
&&&&&&&&&&&&&
تمت علي الحجامي
https://t.me/alkzaie