#قصیدة_فـــرح :
#لولادة_الامام_الحسن_المجتبی_ع :

۞۞۞ ۞۞۞
من بزغت انواره..... لبــشاره ....صارت تنـتشر
الـدنيه مسـروره......من نوره .. صارت تـزدهر
( بِسمِ الحسن....... بِسمِ الحسن 2 )

۞۞۞ ۞۞۞

فَـزَت اعــیون الـتحــبه و الضـمـایر
وتکـتب ابحگه الشـعر اهل المشـاعر
و رَدَدّت چلـمة فــرح اهل المــنـابر
و سهـرت ابعـيد و فرح كل الـنواظـر

جابت تهـانيهه.... تهديهه ...الحُور و تِفـتخر
من بزغت انواره.....لبـشاره....صارت تنـتشـر
( بِسمِ الحسن....... بِسمِ الحسن 2 )

۞۞۞ ۞۞۞

تبـقي عـشاگ الحـسن ترفـعله رایه
ذکریـات اهوای عـدهه امن الـبـدایه
چفـه یشــطر بالمـکارم چــان آیـه
تشـــهد ابحگـه الفـضائل و الـروایه

تشهدعن اضیوفه....واچفوفه...من تعطی ابشطر
من بزغـت انـواره.....لبـشاره....صارت تنـتشـر
( بِسمِ الحسن....... بِسمِ الحسن 2 )

۞۞۞ ۞۞۞

الحسـن ثانی نور من نور الامـامه
حین صـار إنولدت اوياه الكــرامه
شاله حيدر و انرسم عنده ابتسامه
للكراما شــاف بچـفـوفه عــلامه

منتـشـره افراحه....ابمصباحه ... لو طـَّر الفجر
من بزغت انواره..... لبشاره ....صارت تنـتشـر
( بِسمِ الحسن....... بِسمِ الحسن 2 )

۞۞۞ ۞۞۞

کل مُحب لجل الحَسن عـَبّر شعوره
رَدَّد إنـشـودة فـرح يعـلن ســروره
شـايل ابگلبه الـوفی راسمله صـوره
صـوره لبن الطاهره امغطیهه نـوره

وامحـقق احلامه .... و ایامـه...و اسـنین العمر
من بزغت انـواره ..... لبشـاره....صارت تنـتشر
( بِسمِ الحسن....... بِسمِ الحسن 2 )

۞۞۞ ۞۞۞
کلمات خادم الامام الحسین ع ؛؛
سـید محـمد المـوســوی
(جزیره مینو)
https://telegram.me/almusavi