قصيدة مع هوسه بحق الشباب


امك يالولد هل يوم مالومه
ثلثين الكلب والروح مهدومه


امك يالولد يا هو اليباريها
ماهي مناسبه تروح وتخليها
تهمل عينها ولا يكف جاريها
(اتجازيها والربت كون)


اتجازي الوالده وتجازي ارباها
هاي يمك الربت موش تنساها
تهمل مو دمع هل يوم عيناها
(دم تهمل عين الحزنانه)


الصوره شلون تنضرها وتصدليها
وبو طول الحلو ما يرجع اعليها
مجروح الكلب والدمعه تجريها
(تحن وتطالب برباها)


تعاتب بالولد والولد جافاها
وهي تريد حكها وتطلب ارباها
ميال الوكت عالهام طكاها
(عافاني ادكول الربيته)


الاهل زينب نون انوب ونتنه
ويه مصابها قطره مصيبتنه
لغير حسين ماتنفع يدمعتنه
ونواسي الضلت حيرانه

بقلم الشاعرة سحر ام كرار الساعدي
غير مبري الذمه من يحذف اسم الشاعر

الشاعره سحر الساعدي:
https://t.me/amer5000