The Geopolitics / Գեոպոլիտիկա

🇮🇳🇷🇺 Հնդկաստանի վարչապետ Նարենդրա Մոդին հուլիսի 8-ին կժամանի Մոսկվա. նախատեսված է հանդիպում Վլադիմիր Պուտինի հետ։

▪️Ադրբեջանում պետական համակարգը հերթական հիստերիան է բարձրացրել Հայաստանի և Ֆրանսիայի միջև ռազմական համագործակցության ընդլայնման առումով։ Նման հայտարարությամբ հանդես է գալիս մի պետություն, որը հսկայական միջոցներ է տրամադրում սպառազինությունների գնմանը, որը երկկողմ և բազմակողմ ռազմական համագործակցություն է հաստատում տարբեր երկրների և դաշինքների հետ, որը ռազմատենչ հայտարարություններով է կերակրում սեփական հանրությանը՝ Հայաստանի դեմ պատերազմը և հայության ֆիզիկական ոչնչացումը որակելով որպես բնականոն և նույնիսկ անհրաժեշտ երևույթ։ Ադրբեջանական բանակը պարբերաբար իրականացնում է տեղական զորավարժություններ հենց Հայաստանի սահմանին, մասնակցում է միջազգայն զորավարժությունների և Հայաստանին մեղադրում ռազմականացման և ռևանշիզմի մեջ։

▪️Ադրբեջանը Ֆրանսիային մեղադրում է Հայաստանի և Ադրբեջանի միջև հարաբերությունների կարգավորմանը խոչընդոտելու մեջ, սակայն ինչու չի մեղադրում օրինակ Իսրայելին, որը մեծապես մասնակցել է Ադրբեջան զենքի մատակարարմանը, Պակիստանին, որը համակողմանի աջակցում է Ադրբեջանի բռնապետական ռեժիմին, Բելառուսին, որը բոլորովին վերջերս խիստ ընտրանքաբար գովերգել է Ադրբեջանի հանցագործ պատերազմական վարքը, կամ այլ երկրների, որոնք «չեն տեսնում» Լեռնային Ղարաբաղում, Նախիջևանում, Գարդմանում, Շիրվանում իրականացված էթնիկ զտումը, բայց հիանալի տեսնում են Բաքվի նավթային հնարավորությունները։

▪️Իր հերթին Ադրբեջանի արտգործնախարարության մամլո խոսնակ Այխան Հաջըզադան Հայաստանին մեղադրել է Ադրբեջանի դեմ սադրանքների ու քաղաքական շահարկումների մեջ և կոչ արել կատարել միջազգային պարտավորությունները։ Հարկ է հիշեցնել, որ անցած տարիների ընթացքում և նաև այսօր տարածաշրջանի միակ երկիրը, որը շարունակաբար չի կատարել միջազգայնորեն ստանձնած պարտավորությունները, ներառյալ՝ արդարադատության միջազգային դատարանի որոշումները, հենց Ադրբեջանն է։ Միջազգային պարտավորություններից խոսելիս կցանկանանք հիշեցնել Այխան Հաջըզադային չմոռանալ Լեռնային Ղարաբաղի 10-ամսյա շրջափակման, քաղաքացիական բնակչության նկատմամբ պատերազմի, 150 հազար բռնի տեղահանված հայության և հայկական մշակութային միջավայրի էթնոցիդի մասին, պատմական Գարդմանի, Շիրվանի, Նախիջևանի բռնի հայաթափման, 800 հազար հայության ունեզրկման, հայկական պատմամշակութային հետքի իսպառ վերացման մասին։

▪️«Գարդման-Շիրվան-Նախիջևան» համահայկական միությունը խստորեն դատապարտում է ադրբեջանական հիստերիան՝ Հայաստանին միջազգային հանրության աչքում որպես ագրեսոր և կարգազանց ներկայացնելու ջանքերը։ Նման քայլի գնալուց առաջ Ադրբեջանը պետք է գիտակցի, որ 1988-1992 թթ․ և 2020-2023 թթ․ հայ փախստականության իրավունքների արդարացի իրացումը դամոկլյան սրի պես կախված է սեփական վարչակարգի պարանոցին՝ որպես ցեղասպանության դրվագներով ուղեկցված ռասայական խտրականության բարձրագույն դրսևորում:

«Գարդման-Շիրվան-Նախիջևան» համահայկական միություն

Ընդդիմադիր դաշտի տեսանելի և անտեսանելի դերակատարները համառորեն չեն ցանկանում ընդունել քաղաքականության գլխավոր գործոններից մեկի առկայությունը, ինչը ժողովրդի ԲՆԱԶԴՆ է...

Բագրատ Սրբազանի առաջնորդած շարժմանը, հենց Սրբազանի դերակատարմանը և այս մասով հնարավոր զարգացումներին կանդրադառնամ հանգստյան օրերին՝ ծավալուն գրառմամբ։

Այնուամենայնիվ, «Գեոպոլիտիկա»-ի հետևորդները ևս կփաստեն, որ շարժման մասով ներկայացված բոլոր վերլուծություններն ու կանխատեսումները, փաստորեն, արտացոլում էին իրականությունը։ Իհարկե, մարդկանց բավականին լայն շերտի դուր չէին գալիս էյֆորիայի պահին սառը գնահատականները, բայց կա իրականություն, որից չես փախչի։

Հ․Գ․ թող ներեն ինձ Սրբազանն ու շարժման աջակիցները, բայց անդրադարձ է լինելու նաև կատարված սխալներին, կոպտագույն սխալներին։

Նկատելի է, որ հայկական քաղաքական դաշտում բոլոր կողմերը վերցնում են timeout․ ամռան ընթացքում որևէ լուրջ իրադարձություն չի սպասվում։

Քաղաքական գործընթացները Հայաստանում կվերսկսվեն սեպտեմբերից, իսկ աշունը, պայմանավորված տարածաշրջանում սպասվող զարգացումներով, խոստանում է լինել բավականին հետաքրքիր ու լարված։

🇦🇲🇦🇿 Այո, աշնանը Ադրբեջանի կողմից հարձակման մեծ ռիսկ կա, և հենց այդ պատճառով մենք պետք է գնանք հանրաքվեի, որպեսզի 1 աստիճանով բարձրացնենք Հայաստանի անվտանգության մակարդակը։ Ադրբեջանը չի ուզում ստորագրել խաղաղության պայմանագիրը և ցանկացած պատճառ բերելու է դա չանելու համար։

Արամ Սարգսյան

🇦🇲🇷🇺 «Հայաստանի Հանրապետությունը խստորեն դատապարտում է այս ահաբեկչությունը և անընդունելի է համարում բռնության ցանկացած դրսևորում». Նիկոլ Փաշինյանը ցավակցել է Վլադիմիր Պուտինին ՌԴ-ում տեղի ունեցած ահաբեկչության կապակցությամբ:

🇹🇷🇮🇱 Թուրքիան և Իսրայելը, չնայած միմյանց հասցեին հրապարակային մեղադրանքների, շարունակում են առևտուր իրականացնել։

Նիկոլ Փաշինյանը իր կուսակիցների մոտ գլուխ է գովել, որ Հայաստանում հերթական ընդդիմադիր շարժման մարումը ցույց տվեց, որ ժողովուրդն ընդունել է իր կողմից առաջ քաշված «Իրական Հայաստանի» գաղափարը:

Այո, ժողովուրդն այն աստիճան խանդավառությամբ է ընդունել այդ գաղափարը, որ այս երկրի հետ այլևս ապագա չի կապում և առաջին իսկ հնարավորության դեպքում գլուխն առած փախչում է Հայաստանից:

Ձեր «Իրական Հայաստանի»-ն իրականում տված գնահատականն այն է, որ արտագաղթը աճել է և ամենաշատը դատարկվում են Տավուշի և Սյունիքի մարզերը (վիճակագրությունը տես այստեղ):

Իսկ մարդկանց դժգոհությունը չի մարել: Դուք նախկին իշխանությունների հետ ուղղակի հերթական առևտուրն եք արել:

Ուղղակի լավ իմացեք, ինչքան խեղդեցիք այդ դժգոհությունը, այնքան վատ է լինելու հենց ձեր համար:

Անի Սամսոնյան

🇦🇲🇦🇿 Արցախի նախկին նախագահների ու մյուս բարձրաստիճան պաշտոնյաների մասով քրեական գործերի նախաքննությունը Բաքվում ավարտվել է․ բոլոր դրվագներով քրեական գործերը մեղադրական եզրակացությամբ ուղարկվել են դատարան։

🇪🇺🇷🇺 ԵՄ-ն պատժամիջոցների 14-րդ փաթեթն է ընդունել ՌԴ-ի դեմ։