مش عايز بعد م ادخل قصه حب عظيمه واكون مبسوط بيها وفرحتي توصل - للسما اكتشف بعد وقت معين أن دي فرحة البدايات ، وكلها لحظات واختفت ومش راجعه تاني وأفضل ادور في الرسايل القديمه ، وابدا اقارن واقول ازاي حصل كده وازاي اتغيرنا بالشكل ده ، أنا مش هتحمل أن اللي معايا يخليني ابص لحد تاني واقول يابخته او لاتنين واقول مبسوطين كده إزاي حتى بعد المده دي كلها ، انا مش من النوع اللي بيعمل كده بس بيكون غصب عني لإن النفس بتميل للشيء اللي يفرحها ، أنا مبتغيرش وانا متأكد اني هحبك كل يوم كأنه اول يوم وهشوفك بنفس العين كل مره ويمكن انبهر اكتر واكتر وهأكدلك ان مفيش حد زيك كل شويه لحد ما تثق في ده وتتعامل بيه قصاد بس انك متتغيرش وماتسيبنيش لدماغي ولأسئله انا مش هعرف اجاوب عليها زي انا قصرت؟ انا غلطت في ايه؟ ، عشان وقتها هاخد نفسي واسالتي وحبي وهمشي ومن وجهة نظرك هكون بياع ، بس جرب انت تنام من الاسئله اللي مالهاش إجابه ومن جلد ذاتك كل لحظه وانت عارف ومتأكد ان مشكلتك كلها انك حبيت بجد واتعلقت ، بلاش غلطاتنا تندرج كلها تحت بند عشان بحبك ، الحب اعظم من كده بكتير ف لو مش هتعرف تحب بجد بلاش تدخل أي علاقه مهما حصل.