آية رجب.

-فكرة إن ربنا يخفي عنا جزاء الصيام دي عظيمة بتخليك دايمًا تتدبر ياتري هاخد ثواب قد إيه علي الصيام ده؟ والله إن ربي رب كريم وأنا أثق بهِ وبكرمه الذي لا حصر له.
~سبحانك ربي، طب أنا إزاي استفاد كده ؟
-ثبتلك ورد صيام خد مثلًا "١٣,١٤,١٥" من كل شهر.
صعب عليك خد اتنين أو خميس مرة من كل شهر واستمر عليه يعني تبقي عارف الأيام القمرية من كل شهر ثابتيين صيام بإذن اللّٰه لو ليا عمر أو هصوم من كل شهر "الشهر ٣٠يوم" اتنين وخميس بس "يومان فقط" واستمر علي ده..
ولما تلاحظ البركة اللي بقيت في حياتك وامتناعك عن المعاصي بسبب صيامك هتحبه وهتستمر عليه باذن الله.
~الله المستعان وبإذن الله أقدر اعمل كل ده.

- متنساش أهم حاجة الدعاء ويُفضل إنك تخصص ولو دقيقة واحدة بعد كل فرض أو بين الأذان والإقامة "اصطاد أوقات الإستجابة" وثبتها وادعي فيها بقي بالثبات والاستعانة بالله لأن كل اللي هتعمله ده عمره ما هيكون بشطارتك..
بل كله بتوفيق من الله عز وجل وزود من دعوات الآخرة بلاش يبقي كله دنيا بس يعني.
سدد اللّٰهُ خُطَاك ووفقك لما يحب ويرضى.


#نحاول_نقرب.

خلصت صلاة الحمدالله وأنت لسه مكانك ثبت الوقت ده لذكر ما بعد الصلاة.
~أنا كنت بقولها في رمضان بس دلوقتي بقيت أشوفها كبيرة أوي.
-أيوة منا قولتلك ذكر مابعد الصلاة مش أذكار هتقول ذكر واحد ولا اتنين مثلًا "آية الكرسي واستغفر الله ثلاث مرات، أو سبحان اللّٰه عشر مرات، وهكذا" هنقول جزء بسيط منها بدل ما نضيعها كلها...استمرنا عليها شهرين كده بإذن اللّٰه نزود كمان ذكر بلاش نقولها كلها..نزود بهدوء علشان الهّمة...نفس الكلام "أذكار الصباح والمساء والنوم والاستيقاظ وغيرهم" نقول ذكر ولا اتنين بس منهم لمدة شهر ولا حاجة وبعدين نزود كمان ذكر علشان نقدر نداوم والهمة متروحش مننا تاني.

-ثالث حاجة وأهم حاجة "القرآن"
عن أبي أمامة الباهلي رضي الله عنه قال: سمعت رسول الله صلى الله عليه وسلم يقول: (( اقرؤوا القرآن، فإنه يأتي يوم القيامة شفيعًا لأصحابه ))

أنت متخيل!! الناس كلها هتبقي طالعة خايفة يوم القيامة وأنت تلاقي راجل واقف قدام ويقولك "أنا صَاحبُكَ القرآن" ويروح لربنا ويشفعلك ويخفف عنك...ياللّٰه!!
إحنا مينفعش نتجاهل الحديث ده فعلًا والله.
يبقي لينا ورد قرآن ثابت، أنت مقدرتك تقرأ قد إيه في اليوم؟
~بصراحة علي حسب أوقات اقدر اجيب وجه وأوقات ربع وممكن جزء مرة واحدة.
-يبقي نطبق حديث الرسول صلي الله عليه وسلم وناخد الأقل علشان نداوم عليه.
بس بشرط نحترم القرآن ونثبتله وقت ونخليه "وقت القرآن" ومنجيش عليه مهما كان لأن ده اللي هيشفعلك متنساش..شوف أنت بتكون فايق امتا وثبته بعد الفجر قبل الفجر وقت الشروق أي وقت بس متنساش المهم الداوم.

رابع حاجة "الذكر"
عن أبي موسى رضي الله عنه قال: قال رسول الله صلى الله عليه وسلم: (مَثَلُ الذي يذكر ربه والذي لا يذكر ربه مَثَلُ الحي والميت) رواه البخاري ومسلم.
يعني لو مبتذكرش ربنا فأنت ميت!!
الذِكر هو الحياة بالنسبة لأي مسلم.
~ياه للدرجة دي، طب وأعمل إيه؟
-شوف الحديث ده كمان كده..

قَالَ رَسُول الله صلى الله عليه وسلم (( يَا أَيُّهَا النَّاسُ، تُوبُوا إِلى اللهِ واسْتَغْفِرُوهُ، فإنِّي أتُوبُ في اليَومِ مئةَ مَرَّةٍ )) رواه مسلم.

واخد بالك ده مين؟ ده الرسول المعصوم من الخطأ بيستغفر ويتوب في اليوم مئة مرة..
طب وإحنا!! الغرقانيين في الذنوب نعمل إيه؟
يبقي نعمل ورد "ذكر" عشر مرات (استغفار) مثلًا عشر مرات(صلاة علي النبي صلى اللّٰه عليه وسلم) {حتي يشفع لك يوم القيامة وتُسقي من يدهِ عند الحوض شربة لا تظمأ بعدها أبدًا}
وكمان عشرة "لا إله إلا الله" لأن من كان آخر كلامه "لا إله إلا الله" دخل الجنة.
ف عيش عليها لأن من عاش علي شئ مات عليه.

~يارب يجعلنا من أهل الجنة كلنا يارب، طب والقيام بقي؟
-القيام ده "شرف المؤمن"
عن أبي هريرة رضي الله عنه أن رسول الله صلى الله عليه وسلم سُئل: أي الصلاة أفضل بعد المكتوبة، فقال: (( أفضل الصلاة بعد الصلاة المكتوبة، الصلاة في جوف الليل )) رواه مسلم.

ف إحنا نحاول نحرص عليها علي قد ما نقدر علشان نكون من اللي استفادوا من الفضل العظيم ده.
~أنا بصراحة أحيانا بنام بدري.
-مفيش مشكلة بعد ما تخلص صلاة العشاء تصلي ركعتين قيام ليل واختم بركعة وتر واحدة، كتير عليك؟ خلاص خليها ركعة وتر بس مننساش أهم حاجة تداوم عليها وإياك تفرط فيها علشان متكونش من الغافلين.
قال رسول الله صلي الله عليه وسلم: من قام بعشر آيات لم يكتب من الغافلين، ومن قام بمائة آية كتب من القانتين، ومن قام بألف آية كتب من المقنطرين.

~كده تمام أوي.
- خُد تعالي رايح فين؟ لسه السنن حضرتك!
~أه، نسيتها آسف.
- لا ركز كده علشان تنفذ الخطة صح علشان تنتصر من هنا ورايح علي عدوك اللدود.
عن أم حبيبة رضي الله عنها أنها سمعـت رسول الله صلى الله عليه وسلم يقول( ما من عبد مسلم يصلي لله كل يوم ثنتي عشرة ركعة تطوعًا غير الفريضة، إلا بنى الله له بيتًا في الجنة ) رواه مسلم.
~طب إيه هي السنن الرواتب دي؟
-* السنن الرواتب:-
*عددها اثنتا عشرة ركعة، في اليوم والليلة..
*اربع ركعات قبل الظهر (اثنين، اثنين) وركعتان بعده، وركعتان بعد المغرب، وركعتان بعد العشاء، وركعتان قبل الفجر*

~بس دول...
قاطعته- عارف أنهم كتير بس أنا مقولتش صليهم كلهم، إحنا هنبدأ بسنة الفجر دي تستمر عليها مهما حصل لأن رسول اللّٰه كان لا يتركها أبدًا حتي وان كان علي سفر ثم نزود معاها كمان ركعتين بعد الاستمرار ثم ثم لحد ما نداوم عليهم كلهم بإذن اللّٰه.
~بإذن الله، شكرًا بجد...
قاطعته تاني-يابني أنت مستعجل علي إيه؟ لسه خلي بالك طويل، بتحب ربنا وبثق فيه صح؟
~طبعًا هو ربي لا أثق في غيره.
-تمام كده تعرف ربنا قال إيه عن الصيام "فإنه لي وأنا أجزي به" أنت متخيل بقي جزاء الكريم هيكون إيه! غير أنه هيكون كرم مضاعف عن كرمه الذي لا حصر له.

-السلام عليكم ورحمة اللّٰه وبركاته.
~وعليكم السلام.
- إيه في إيه مالك؟ أنت كويس؟
~مفيش، شوية مشاكل كده ولخبطة في يومي.
بصيتله: طب إيه أخبارك في العبادات صحيح؟
~بصراحة حاسس بفتور كبير بعد ما خرجنا من رمضان وعايز أرجع بس مش عارف.
-طب قولي التقصير في انهي حاجة بالظبط؟
~بصراحة في كله؛ قرآن أذكار ذكر قيام سنن.
-عارف المشكلة إيه ؟ إن الشياطين كانت في إجازة شهر بحاله وأكيد كانت هتتهبل وترجع علشان توقفنا عن طاعة ربنا تاني، في نفس الوقت إحنا كنا ماشيين كويس في الطاعة وفينا اللي كان بيجري كمان علشان كده هما راجعين بكل طاقتهم علشان يهدوا كل ده تاني.
~وبعدين؟
-وبعدين أنتَ ساعدتهم على ده بكل سهولة ومحاولتش تحافظ علي تعب شهر كامل، ومش بعيد تكون عملت كده من يوم الوقفة ومصلتش كمان القيام يومها علشان عيد بقي وكده.
~أنا فعلًا في حاجات بطلتها أيام العيد بس كنت ناوي أرجع والله، بس مش عارف إيه اللي حصل!بس بردو في رمضان كانت العبادة سهلة وخفيفة كده وكان في روحانيات والحسنات كانت بتتضاعف وكانت حاجة مُشجعة أوي بس دلوقتي كل حاجة تقيلة.
-عارف لما الرسول صلى اللّٰه عليه وسلم مات الناس كلها اتصدمت لدرجة أن سيدنا عمر بن الخطاب قال إن الرسول لم يمت بل ذهب للقاء ربه وسيعود، فـ تدخل أبو بكر لما حس أنه هيحصل فتنة بينهم وقال "من كان يعبد مُحمد فـ مُحمد قد مات، ومن كان يَعبُد اللّٰه فاللّٰه حىّ لا يموت" كذلك بالظبط "من كان يعبد رمضان فـ رمضان قد فنىٰ ومات ومن كان يعبد اللّٰه فاللّٰه حىّ طول العام ولا يموت"
~بس فكرة أن أعمالك كانت بتتضاعف دي بردو كانت بتشجعني.
-وأنت مين قالك أن ده بيحصل في رمضان بس شوف كده الحديث ده بس "كُلُّ عَمَلِ ابْنِ آدَمَ يُضَاعَفُ الْحَسَنَةُ عَشْرُ أَمْثَالِهَا إِلَى سَبْعِمِائَةِ ضِعْفٍ"
~معقول! سبعمائة ضعف.
-أيوة ومش بس كده اللّٰه يضاعف لمن يشاء، يعني أنا ثوابي علي عمل معين ممكن يكون عشر حسنات وغيري مية وغيرنا ألف وأنت ألفين، وربنا رحيم كريم بيرحمنا أنه يسخرلنا عمل نطيعه بيه وفي نفس الوقت بيكرمنا في الأجر.

~اللّٰه، سبحانك ربي ما عبدناك حق عبادتك.
بصراحة أنت زودت حماسي وأنا فعلًا نفسي أعمل كل ده بس مش عارف!
-بسيطة إحنا هنتبع خطة مُعينة علشان نعرف ننتصر علي عدونا اللدود "الشيطان" ولازم تخطط علشان تعرف تلعبها صح لأن دي هتبقى أهم معركة في حياتك وعلي فكرة دي معركة مستمرة هتفضل إلي أن تفيض روحك إلي خالقها.

~ربنا يحسن ختامنا يارب، اسمها إيه بقي الخطة دي؟
-اسمها خطة "الأوراد" دي من أهم وأخطر الخطط بص ياعم.. في رمضان أنت كنت بتصوم وتصلي تروايح ويمكن كمان تجهد وفي جلسة دعاء وجايز ربنا وهبك بجلسة ضحي كمان وصدقات وخير كتير خالص...
أنا دلوقتِ مش عاوز منك كل ده لأن ممكن جدًا يكون صعب عليك بدليل إنك مش عارف ترجع دلوقتي...بس بردو إحنا عاوزين حل يبقي نعمل إيه؟ نقرأ الحديث ده بتركيز أوي كده.

عن عائشة رضي الله عنها، سُئل رسول الله صلى الله عليه وسلم : أي الأعمال أحب إلى الله ؟ قال: (( أدومها وإن قل ))

يعني أنك تداوم علي طاعة معينة علي طول حتي لو قليلة هي أحب لربنا أكتر من إنك تعمل نفس الطاعة بكم كبير بس علي فترات بعيدة.
~بردو مش فاهم.
-هنبدأ مثلًا بالقرآن، إنك تقرأ في اليوم وجه واحد أو ربع واحد أيا كان حسب مقدرتك بس تستمر عليه كل يوم أحبّ إلي اللّٰه من أنك تقرأ جزئين مرة واحدة في الأسبوع.
~أيوة أنا بصراحة أوقات بعمل كده وبقول هقرأ كده كل يوم وبكسل.
-ايوة مهو ده محصلش كده..دي خطة من الشيطان وهّمك إنك هتقدر تستمر علي عمل طاعة كبيرة علي طول وبعدين بيجي يصعبها عليك فـ تكسل وتبطلها وبعدين تُحبط وتحس أن مفيش فيك فايدة فيجيلك فتور وتنتكس تاني.
~أيوة بالظبط، ومش بس كده كمان بفضل أقول أكيد ربنا متقبلش مني العمل ده علشان كده بطلت أعمله.
-شوفت بقي، بس دي مش الحقيقة..الحقيقة إنك بتخطط غلط وشيطانك بيخطط صح فـ هو اللي بيغلب.
~أنا أصلًا عمري ما خططت ولا فكرت أنها حرب.
- لا غلط طبعًا دي حرب وأكبر حرب هتمر بيها كمان لأن بناءًا عليها هيتحدد مصيرك "أما نعيم دائم وأبدي أما شقاء دائم والعياذ بالله"
علشان كده لازم تجهزلها كويس، نرجع بقي لخطتنا الأساسية.
أولًا : ليه اسمها كده أصلًا ؟ علشان كل اللي فيها هيكون بمثابة ورد ثابت بإذن اللّٰه لا يمكن التفاوض فيه مهما كان وقتك ومهما كانت مشاغلك خليك عارف أن "أورادك دي هي طريقك للجنة"
نبدأ بثاني أركان الإسلام الخمسة "الصلاة"

عن عبدالله بن مسعود رضي الله عنه قال: سألت النبي صلى الله عليه وسلم: أي العمل أحب إلى الله؟ قال: (الصلاة على وقتها)
يبقي ناخد خطوتنا الأولي من كلام الحبيب المصطفى صلى اللّٰه عليه وسلم.
وهي الصلاة علي وقتها، أول ما الآذان يبدأ تجري تتوضئ ومصليتك وعلي المسجد وأنتِ سيبي اللي في إيدك وافرشي المصلية وصلي في وقتها.

تَحية اللّٰه عَليكُم.

بص يابني هما حاجتين ملهمش تالت..
إن النبي يقابلك عند الحوض وهو مُبتسم وفرحان إنك نصرته ونصرت سنتّه وصبرت علي الإبتلاءات والكلام اللي كنت بتسمعه فـ يمدلك إيده الشريفة ويسقيك شَربة لا تظمأ بعدها أبدًا.

أو أن الملائكة تبعدك عن الحوض والنبي يبصلك من بعيد فيسأل بتعملوا فيه كده ليه ؟
فـ يقولوله أنك لم تلتزم بسنتّه وغيرت فيها من بعده.
فيبصلك المصطفى صلىٰ اللّٰه عليه وسلم ويقول "سُحقًا سُحقًا...بُعدًا بُعدًا"

فـ اختار بقي من دلوقتي..
أنت لسه قدامك فرصة على فكرة.
شوف عاوز يتبصلك إزاي من حبيبك النبي وشوف عاوز تسمع منه أنهي كلمة؟
شوف هل اللحظة دي تستاهل ولا لا ؟
تستاهل تبطل تكلم بنات وتعاكس فيهم ولا لا؟

الأغاني اللي بتطاردنا في كل مكان دي؟ بزمتك مش لحظة تستاهل أننا نجاهد أنفسنا ونبطلها؟

طب وأنتِ هتفضلي متمسكة بتبرجك ولبسك الضيق اللي بتتكسفي تصلي بيه ده أصلًا لحد أمتى؟
هتفضلي متمسكة بالمكياج علشان شكلك وحش من غيره لحد إمتى؟
هنفضل نقطع في الصلاة لحد امتى أصلًا؟
أمتى هنبقي رجالة مع نفسنا ونقول "سمعًا وطاعة يارب" من غير جدال وآراء ملهاش لازمه !

اقعد مع نفسك وراجع حياتك وعمرك اللي عدي وشوف أيامك الجاية اللي أنت متعرفش هي قد إيه؟! سنة اتنين شهر يوم يومين دقيقة!
محدش عارف هيموت إمتى؟
علشان كده لازم نقرر من دلوقتي عاوزين مصيرنا يبقي إيه؟ عاوزين نشرب من يد المصطفى صلىٰ اللّٰه عليه وسلم ولا عاوزين يتقالنا "سُحقًا سُحقًا..بُعدًا بُعدًا"؟

لازم تفكر دلوقتي مفيش وقت.