#يومياتي 3
#شر_بقاع_الارض
ڪنت ماشي علي جاڪسون واليوم ڪان خميس (وانتو عارفين البلد دي ڪيف مع الزحمة) ، ڪنت مقدم زميلتي و #ڪانت من اعز صحباتي
مع جوطة الزحمة والڪواريك بتاعت الناس الفارشه وبتبيع وتسترزق ، ڪنا بنتونس ونضحك وبنتفرج في الحاجات المفروشه وقفنا مع بتاع نظارات تحديدا قدام مرڪز #سوداني وأنا بختار في نظارة مسڪتني شافعة صغيرة وطولها ما وأصل حزامي .
قلت ليها بڪل رواقة وهداوة فڪي القميص لأنو أبيض بتوسخ😅😊. الشافعة رفضت ومسڪت إلا زيادة ويديها تراب ووساخة😐
أنا : يابت أنا حاديك والله بس ڪده عيب وماصاح منڪ بتوسخي لي ملابسي
(صحبتي ڪانت بتضحك علي وفي منظري😃).
انا : لسه مواصل اقنع الشافعة عشان تفڪني اسمڪ منو طيب ؟ طيب ي فلانة إذا مافڪيتي القميص ماحاديك ولا جنية ودا آخر ڪلامي ولسه كانت مصرة .
في الاخير مسڪت يدينا وفڪيتهم مني و قلت ليها بهرشه ڪدة إذا عايزة تشحدي اشحدي بادب و احترم و بدون عباطة وقلة ادب لاني لو عايز اديك بقلة ادبك دي مابديك سامعة الڪلام دا 😡 .
البت دمعت وقالت لي هو ماتڪورك فيني🥺😡.
و صحبتي لسه مستمرة في الضحك واتقدمت لي قدام واشرت لي نظام حصلني في المحطة🙂.
وأنا بتڪلم مع الشافعه فجأة ظهرت منقبة وفتحت محفظتها وادتها 10 جيهات💰 البت طولي جرت .
المنقة : دا ما اسلوب تتعامل بيهو مع طفلة ياخ خليك حنين شوية😅 .
انا : ڪنت حنين وظريف وحاولت اهديها بس هي مصرة الا اديها عشان تفڪني 💁🏾♂️.
(ونحن ماشين على جاڪسون وبتڪلم👣)
المنقبة : لو اديتها طوالي ما ڪان دا حصل ليك ووسخت القميص.
أنا : 😩 ماتذڪريني ، ڪدة غلط لما هي تتصرف بالطريقه دي وانا لما اديها حتتعود علي التصرفات دي وهي تصرفات ڪعبة حتي لو هي محتاجة لما تتعابط معاي ڪدة مابديها دا غير انو في بشر ماعندهم اخلاق ممڪن يضربوها عادي بي تصرفاتها دي ، وهي مجرد طفلة وهي حاليا بتتبع الطريق الغلط و بي ڪدا حتڪون ربت واتربت علي مهنة ماتمام و ڪسبت تصرفات مخلة ومشينة وحتي لو ڪبرت حتڪون بتشحد وهي بت في الاخير ودا السوق والرسول عليه الصلاة السلام قال : (وشر بقاع الأرض اسواقها ).
واصلنا في ڪلامنا واتبادلنا الڪلام (مالارقام 😛) لحدي لاقيت صحبتي واقفه لي عرفتهم علي بعض ومنها المنقبه فاتت بتجاة ونحن اتجاة .
صحبتي ڪانت بتتهابل معاي و تستفزني و ڪل شويه بتمسك قميصي و بتقلد الشافعه وانا تصرفها ماڪل معاي جنبه بس ڪاتمها 🙂.
ونحن في الشارع ڪان في عمال المياة برڪبوا في خراطيش مويه جديدة ، وعشان نقطع الاتجاة التاني ڪان لازم ننط الخراطيش دي انا نطيت و وقفت لصحبتي ( طبعا هي ماشاءالله بت ناس و زوله اصيلة و محترمه ومحتشمه و متمسڪه بي مبادئها ، بتذڪر ڪانت لابسه اسڪرت اسود طويل مع حد الجزمه وعامله خطوة صغيرة ) .
#المهيييم
عشان تقطع ڪان لازم ترفع الاسڪرت و تنط و هي رافضه ڪدا و قالتي لي انت تافهه و عايز تعاين وانا مستحيل ارفع الاسڪرت وقدامي تافهه زيك وكمان في السوق ابدا ابدا😂💔 ، مشينا علي طول الخط بس مافي حتة تقطع بيها في النهايه اصرت تنط بس ، مع النطه قربت تقع و شرطت الاسڪرت و الخطوة اتفتحت لي الرڪبه😂😂😍🙉 .
هي : دا الانت عايزة يا ڪريه الله يجازيك يا تافهه ياحقير و في ڪل خطوة بتدعي فيني 😂😂😭😭
وانا ڪل شويه اقيف و اقول ليها الله الخطوة عامل شفل بالله تاني تعالي بيه ڪدا و ماتحرمينا من النعم دي وتعليقات تافهه و غير اخلاقيه 😂😂🔥.
لما وصلنا المواصلات حلفت لو ترڪب قدامي و انها المرة دي مستعده تقعد للعشاء لڪن ماترڪب قدامي و في الاخير احترمت قرارها و ودعتها🌼✨.
الخلاصـــــــــة
( لا تشمت في اخيڪ فيبتليڪ الله و اخيڪ يتعرص فيك )
اااا زول انا تاري حڪيم عديل 😌✨
