Otam davlatim Onam jannatim✅

ОНАНГ МЕХМОН, ОТАНГ ОМОНАТ

Маст этмасин олқишлар зўри,
Узун-калта хуштаклар жўри.
Арслонмисан ё оқсоқ бўри,
Онанг мехмон, Отанг омонат.

Юзда ажин, соч оқ, хаста хол,
Турмуш юки дасти қадди дол.
Алласи хуш, топгани халол,
Онанг мехмон, Отанг омонат.

Кузак келиб, кўклами кетган,
Хеч кам бўлмас қадрига етган.
Томчи сувни сендек эр этган,
Онанг мехмон, Отанг омонат.

Юз ранжингга билмас бир араз,
Сен хақингда қилмас шум фараз.
Мехри текин, тенгсиз, беғараз,
Онанг мехмон, Отанг омонат.

Чигал-чалкаш дунё шахмати,
Кимда хузур, кимда захмати.
Бил дуоси Хақнинг рахмати,
Онанг мехмон, Отанг омонат.

Сен базмда бедор қўш туни,
Кўнглини ол насиб хар куни.
Қайтар дунё дейдилар буни,
Онанг мехмон, Отанг омонат.

Дўст топилар хар холат, хар ёш,
Жуфту-бандлар омон бўлса бош.
Хеч топилмас сер сабр, сер дош,
Онанг мехмон, Отанг омонат.

Отасизлик алам бу, бу дард,
Онасизлик ювса кетмас гард.
Икки дунё сиринг сотмас мард,
Онанг мехмон, Отанг омонат.

Дунё маккор, алдачи омад,
Тупроқ тупроқ бўлгувчи қомад.
Сен этган Ғуломжон Нормат,
Онанг мехмон, Отанг омонат.

Керак эмас қарсаклар зўри,
Зал титратар хуштаклар жўри.
Арслонманми ё оддий бўри,
Онам мехмон, Отам омонат.
┄┅অঠই✯🌹❤🌹✯ইঠঅ┅

@Bu_mening_otam_onam

🍀Онагг сочи бугун оппоқ қор.
@Bu_mening_otam_onam
Онанг сочи бугун оппоқ қор.
Кўзлари ҳам кулмас, ғамгин хор.
Келарми, деб боласин бир бор.
Йўлга қараб термулади зор.

Ўксик дилига бериб озор.
Ташлаб кетдинг йиғлатиб зор зор.
Ахир ӯзи хастаҳол бемор.
Тунлар ўтар ҳар лаҳза бедор.

Ёлғизим, деб асради гулдек.
Парвоналар бўлди шом саҳар.
Бугун уйи гўёки чўлдек.
Соғинг ҳисси юрагин эзар

Юзларингга тушмасин деб гард.
Ўзи еса ҳамки минг бир дард.
Умр бўйи сенга бермай панд.
Бўлиб келди жонингга пайванд.

Онанг сабаб бўлдингку одам.
Бугун ёзар қўлингда қалам.
Лек онангга қилади алам.
Ўзгаларни мақтар деб, болам.

Ёлғиз ўтди сени деб умри.
Буюрмади уйларнинг тури.
Келса ҳамки дарднинг энг зўри.
Сени кутар кўзда йўқ нури.

Суйганингга солибсан сарой.
Лек топилмас онангга бир жой.
Ёрингга кам битта кўкда ой.
Онангга бир бор тутмабсан чой.

Фарзанд кўриб қаддинг бўлди ғоз.
Атрофингда дўстми жўровоз?
Лек узоқдан келар бир овоз.
Онангни ҳам эслагин бир оз.

Онам ўзи ҳали кексамас.
Дерсан ҳечам дастёр керакмас.
Менинг болам. хизматин қилмас.
Ахир болам хизматкор эмас.

Онанг ҳамон эплар ўзини.
Айта олар юрак сўзини.
Лек ёлғизлик ўяр кўзини.
Унутдингми, нону тузини.

Ўтирибсан тоғдек сервиқор.
Ёнгинангда бераҳм бир ёр.
Гулдек онанг изларингга зор.
Бир кун сен ҳам бўларсанку, хор.

Онасини кимки қилса хор.
Сўнгги дамда бўлар унга зор.
Ахир она шундай беозор.
Кўрсам дейди фарзандин бир бор.

Йиллар ўтиб кетарку давлат.
Суйганингдан етарку офат.
Кўзларингни босганда ғафлат.
Дерсан, эссиз онам ғанимат.

Афсус, у дам топмассан изин.
Кўролмассан ғамгин гул юзин..
Эшитмоққа бир ширин сўзин.
Чор атрофни кезарсан маҳзун.

Фурсат оздир қилгин эҳтиром.
Ўксик қалби топсин ҳаловат.
Кўксига бош қўй олсин ором.
Шунда қалбинг чекмас надомат!

Мавжуда Саййид эшит бир бор.
Фарзандила она бахтиёр.
Охиратдан бўлсанг умидвор.
Онанг пойин ўпгин сен минг бор!