Dajiye articles

Masaajidu waa guri Alle lagu caabudo, Waa goobo uu Nuur ka baxo. Shaqo aan ka ahayn in Alle lagu wayneyoo uun mooye wax kale laguma qabto. Waxaase ugu fiican Masaajida kuwa aan SİYAASAD lagu maamulin. Masaajidku siddiisii waa in uu noqdaa goob ay u wada siman yihiin dhammaan Muslimiinta. Waxyaabaha layaabka leh ee maanta la arkayo waxaa kamid ah, Masaajid dhexdisii qol xafiis oo kale ah uu ku yaalo, Oo laga soo saaro go'aanada lagu maamulayo Masjidka, Sidda Goorta Masaajidka la xiraayo, Goorta Masjidka la furaayo, Cidda ka qudbeyso, Cidda Masjidka loo diidi doono haddii ay microphone-ka qabsato. Masaajida Noocani ah qofka in uusan ku tukanin balse u ku tukado masaajida Muslimiinta uwada furan in uu ku tukado ayaa u wanaagsan.


Laakiin Masaajida maanta dunida ka jiro qaarkood waa sidda Xarrumo ganacsi oo kale, Dad gaar ah ayaa Masjidka iska leh, Waqti cayiman ayey masjidka furaan, Dad qaas ah oo keliya ayaa Masjidkaa ka hadla, Laakiin wixii Lacago Sadaqa ah SHACABKA AYAA BİXİNAAYO. 😂 Maxay u diidaan Masjidka in Camerooyin lagu xiro oo 24 saac habeen iyo Maallin uu iska furnaado,Qofkasta hasoo galo, Xitaa Nasiino ahaan dadka ha usoo galeen iyaga oo Salaad aan tukaneyn (Lagayaabe in ay hanuunaan-Goob Nuur ah ayey soo galeen).

Maanta waxaa jiro Masaajido mamnuuc ay ka tahay qof in uu Ummada wax waydisto. (Qof dhibateysan). Dadka fikirkaan aaminsan waxaa ay u doodaan (Dadkani dad ku shaqeysta qaabkani in ay tahay). 😂 Maxaa ka galay waaye İmaamyada Masjidka.

Si kooban: Masaajida Protocal gaar ah lagu maamulo waxaa ka fiican oo ka daacadsan masaajda shacabka ay wada leeyihiin, Masajidkaasi Protocolka leh waxaa wanaagsan in aanaba lagu tukan, Oo qofka aado masaajida Muslimiinta oo dhan ay u wada leeyihiin. Masaajida Protocolka leh waxaa ay bilowdeen kadib soo shaacbixidii Calmaaniyada ileen masaajida looma ogolo qofkasta in ay ka hadashe, İmaam gaar ah oo dowladu magacowday keliya loo ogolaa...Maantase aad ayey masaajidani u faafeen.

Dadku waxaa ay iska rabbaan intoodii badan ''Haddii ay duceystaan si dagdag ah ducada looga aqbalo, Haddii dhib uu qabsado in si dagdag ah dhibkaasi Alle uu uga qaado''. Laakiin caqli xumada dadka badankoodii haysa ayaa waxaa ay tahay isma waydinayaan ''Horta Adiga xiriirka aad Alle la leedahay intee ayuu la egyahay, Xaqiiqdii ma tahay qof wanaagsan oo u qalma in wax lasiiyo, Wixi lagaa reebay maka hartaa, Ma sameysaa wixii Alle ku faray, Ma haysataa Credit waxyaabo Alle weji aad uga sameynayso....İwm''. Haddii waxyabhaas oo dhan aysan jirin haddaba su'aasha adiga aan ku waydinaayo waxaa ay tahay ''Qofkaasi sabab noocee ah ayaa wax lagu siiyaa, Dhinac kasto haddaaad nolashiisa ka fiiriso wax u saxan majiraan. Adigu deyn masiin lahayd qof deyntii hore ee aad ku lahayd aanan weli iska bixinin?

Haddii aad fiiriso Adoomada sidda gaarka ah Alle uu u amaanay sifaadkoodii waxaa kamid ah ''İn ay si joogta ah Alle u xusuusan yihiin, Wax weliba waxaa ay ku dadalayaan Alle raali ahanshihiisa darteed in ay u sameeyaan''. Quraanka kariimka waxaa ku jirto Aayad Alle uu ku leeyahay ''Aniga i xusa, Aniguna waan idin xusi doonaa''. Haddii aad Alle ilowdo, Adigana aduunka iyo Aakhiro waalaguugu iloobayaa, Sababtoo ah ma haysatid hal sabab oo laguugu soo xusuusto...

Bilowgii Alle dartii wax u samey, Oo wanaaji xiriirka adiga iyo Alle idinka dhexeeyo, Kadibne noqo qof nolasha aduunkana ku raaxeysanayo walwalna Alle xaggiisii aanan ka qabin. Xitaa walwal kasto ee nolasha aduunka kusoo wajaha meel aadan filaneyn wado uun ayaa kuu furmeysa, Sababtoo ah Alle ayaad isku xirtay, Maallinta aad dhibaateysan tahay marnaba kuma iloobayo. Laakiin maanta dad nolashoodii iyo xiriirkoodii Alle uusan wanaagsaneyn ayaa Alle ka rajeynaayo hadba waxaa ay iska jecel yihiin si dagdag ah in lagu siiyo (İnkasto Alle fadligiisu waasac uu yahay cidda uu doonana uu siiyo) Haddana dadka dadaala way ka jaanis fiican yihiin mar weliba kuwa kale. Wadooyinka aad Alle mar weliab aad ku xusi karto waxaa kamid ah ''TASBİİXDA''.