متفقين نگضي الليل، صوت بصوت
أدري تغيب واعبر للصبح وحدي
وأدريك عليه تدوّر من تدوّر دنياي
ومثلهم تنگلّب ضدي
عفت شمسي وضواها
ورحت تشتري شموع
يا شمعة التنور دنيتك بعدي؟
يشايلني على چفك، ماي صار سنين
لا أنتَ شربتني ولا أنه متبدي
گبلك ما چنت محتاج فَيّ إنسان
چان الفَيّ يصلي ويه الشمس عندي
شراكة ويه الشمس محتاج نور ونار
راضع نورها وچوياتها بخدي
غيمة الما أحبها أدفعها عني بعيد
ما اگعد واگولن جازية تعدي
وما أدور النجوم البالشليلة تطيح
أدور العاليات الصيتهن گدي